Home /News /coimbatore /

முதல்வர் படத்துடன் இருந்த திமுக போஸ்டரை கிழித்து பாஜகவினர் போராட்டம் - நள்ளிரவில் கோவையில் பரபரப்பு

முதல்வர் படத்துடன் இருந்த திமுக போஸ்டரை கிழித்து பாஜகவினர் போராட்டம் - நள்ளிரவில் கோவையில் பரபரப்பு

பாஜக போராட்டம்

பாஜக போராட்டம்

Coimbatore : அவிநாசி சாலை மேம்பால தூண்களில் முதல்வர் படத்துடன் இருந்த திமுக போஸ்டரை கிழித்து பாஜகவினர் போராட்டம்

  • News18 Tamil
  • 2 minute read
  • Last Updated :
    கோவை அவினாசி சாலையில் மேம்பால தூண்களில் திமுக சார்பில் தமிழக முதல்வர் ஸ்டாலின் புகைபடத்துடன் ஒட்டப்பட்டு இருந்த  சுவரொட்டிகளை   பாஜகவினர் கிழித்து எறிந்து போராட்டத்தில் ஈடுபட்டனர்.

    கோவை மாநகரில் பொது இடங்களில் அரசியல் கட்சிகள், பொது அமைப்புகள் சார்பில்  ஒட்டப்பட்டுள்ள சுவரொட்டிகளை அகற்றிக் கொள்ள மாநகராட்சி நிர்வாகம் அறிவுறுத்தி இருந்தது. சுவரொட்டிகள்  அகற்றப்படவில்லை எனில் நடவடிக்கை எடுக்கப்படும் எனவும் மாநகராட்சி நிர்வாகம் சார்பில்  எச்சரிக்கை விடுக்கப்பட்டிருந்தது. மாநகராட்சி நிர்வாகம் அறிவுறுத்திய பின்னரும் கோவை மாநகரில் அவிநாசி சாலை மேம்பால தூண்களில் திமுகவின் சார்பில் ஒட்டப்பட்டிருந்த  சுவரொட்டிகள் அகற்றப்படாமல் இருந்தது.அதே வேளையில் அந்த தூண்களில் பிற கட்சியினரின் சுவரொட்டிகளை ஓட்டுவதற்கும் அனுமதி மறுக்கப்பட்டது.

    இந்நிலையில் திமுகவினர் ஒட்டியுள்ள சுவரொட்டிகளை அகற்ற வேண்டும் என வலியுறுத்தி பாஜக மாவட்ட தலைவர் பாலாஜி உத்தம ராமசாமி தலைமையில், அவினாசி  சாலையில் பீளமேடு  கொடிசியா அருகே பாஜகவினர் போராட்டத்தில் ஈடுபட்டனர். 200க்கும் மேற்பட்ட பாஜகவினர் திரண்ட நிலையில் சாலையோரத்தில் அமர்ந்து கொண்டு   போராட்டத்தில் ஈடுபட்டனர். அப்போது தமிழக அரசுக்கு எதிராக முழக்கமிட்ட அவர்கள், கோவை மாவட்ட ஆட்சியர் உடனடியாக சம்பவ இடத்திற்கு வர வேண்டும் எனவும் போராட்டத்தில் ஈடுபட்டவர்கள் வலியுறுத்தினர்.

    Also Read: கோவையில் பயங்கர சத்தத்துடன் வெடித்து சிதறிய எரிவாயு குழாய்... அதிர்ச்சி வீடியோ

    போராட்டத்தில் ஈடுபட்டுள்ள பா.ஜ.கவினருடன் போலீசாரும், வருவாய் துறையினரும்  பேச்சுவார்த்தை நடத்தினர். பேச்சுவார்த்தையில் உடன்பாடு ஏற்படாத நிலையில் மேம்பாலத்தில் ஒட்டப்பட்டிருந்த முதல்வர் ஸ்டாலின் புகைபடத்துடன் கூடிய திமுக சுவரொட்டிகளை பா.ஜ.கவினர் கிழித்து எறிந்தனர். இதனால் அங்கு பதட்டமான சூழல் ஏற்பட்டது. சுவரொட்டிகளை கிழித்த பா.ஜ.கவினருக்கும் போலீசாருக்கும் இடையே தள்ளு முள்ளு ஏற்பட்டது.

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.

    இதனையடுத்து சுவரொட்டிகளை கிழித்து ரகளையில் ஈடுபட்ட பா.ஜ.கவினரை காவல் துறையினர் கைது செய்து வாகனத்தில் ஏற்றினர். இதற்கு எதிர்ப்பு தெரிவித்து பா.ஜ.கவினர்போலீஸ் வாகனத்தை மறித்து போராட்டத்தில் ஈடுபட்டனர். இதனை தொடர்ந்து வாகனத்தில் ஏற்றப்பட்ட பா.ஜ.கவினரை போலீசார் இறக்கி விட்டனர். மாவட்ட ஆட்சியர்  பேச்சுவார்த்தைக்கு வரும் வரை இடத்தை விட்டு நகர போவதில்லை எனக்கூறி பா.ஜ.கவினர் போராட்டத்தினை தொடர்கின்றனர்.இரவு நேரத்தில் பா.ஜ.கவினர் நடத்திய  போராட்டம் காரணமாக கொடிசியா சாலையில் பரபரப்பான சூழ்நிலை நிலவியது.
    Published by:Ramprasath H
    First published:

    Tags: BJP, Coimbatore, DMK, MK Stalin, Tamil News

    அடுத்த செய்தி