ஹோம் /நியூஸ் /சென்னை /

நள்ளிரவில் பெண்கள் விடுதியில் புகுந்து கல்லூரி மாணவிகளுக்கு பாலியல் தொல்லை கொடுத்த இளைஞர் கைது..!

நள்ளிரவில் பெண்கள் விடுதியில் புகுந்து கல்லூரி மாணவிகளுக்கு பாலியல் தொல்லை கொடுத்த இளைஞர் கைது..!

ஸ்ரீகாந்த்

ஸ்ரீகாந்த்

Chennai | கீழ்பாக்கம் பகுதியில் அமைந்துள்ள பெண்கள் விடுதியில் மெடிக்கல் கல்லூரி மாணவி ஒருவர் மற்றும் கலை கல்லூரி மாணவி ஒருவருக்கு பாலியல் தொல்லை கொடுத்ததாக புகார் அளித்துள்ளார். இந்த புகாரின் அடிப்படையில் திருவண்ணாமலை மாவட்டம் சித்தூர் பெருமாள் கோவில் பகுதியைச் சேர்ந்த ஸ்ரீகாந்த்(22) என்ற நபர் கீழ்ப்பாக்கம் போலீசாரால் கைது செய்யப்பட்டுள்ளார்.

மேலும் படிக்கவும் ...
  • News18 Tamil
  • 1 minute read
  • Last Updated :
  • Chennai [Madras], India

கீழ்பாக்கம் பகுதியிலுள்ள பெண்கள் விடுதியில் நேற்று இரவு புகுந்த ஸ்ரீகாந்த், தூங்கிக் கொண்டிருந்த கலைக்கல்லூரி மாணவி ஒருவருக்கும் மருத்துவக் கல்லூரி மாணவி ஒருவருக்கும் பாலியல் தொல்லை கொடுத்துள்ளார். மாணவிகள் எழுந்து சத்தமிட ஸ்ரீகாந்த் அங்கிருந்து தப்பி ஓடியுள்ளார்.

பின் இரண்டு மணி நேரம் கழித்து பெண்கள் விடுதியில் தவறவிட்ட மொபைல் போனை எடுப்பதற்காக மீண்டும் வந்துள்ளார். அப்போது விழித்திருந்த பெண்கள் ஸ்ரீகாந்தை கையும் களவுமாக பிடித்து தாக்கி கீழ்ப்பாக்கம் போலீசாருக்கு தகவல் தெரிவித்து போலீசாரிடம் ஒப்படைத்தனர்.

கலைக் கல்லூரி மாணவி மற்றும் மருத்துவக் கல்லூரி மாணவிகளுக்கு பாலியல் தொல்லை கொடுத்ததற்கு முன்னதாக மேலும் இரண்டு மாணவிகள் தூங்கிக் கொண்டிருந்தபோது பாலியல் தொல்லை கொடுத்ததும் போலீசார் விசாரணையில் தெரியவந்துள்ளது.

போலீசாரின் தொடர் விசாரணையில் கைது செய்யப்பட்ட ஸ்ரீகாந்தின் தந்தை  ஸ்டார் இன்சூரன்ஸில் மேனேஜராகவும் அவரது தாய் காஞ்சிபுரம் அரசு மருத்துவமனையில் தலைமை செவிலியராகவும் பணியாற்றி வருவது தெரியவந்தது.

Also see...  குற்றங்களை தடுக்க நடவடிக்கையை வேகப்படுத்துங்கள் : தமிழக காவல்துறைக்கு அண்ணாமலை சொன்ன அட்வைஸ்!

மேலும் கைது செய்யப்பட்ட ஸ்ரீகாந்த் மெட்ராஸ் மெடிக்கல் கல்லூரியில் அனஸ்தீஸியா கிரிட்டிகள் கேர் என்ற டிப்ளமோ படிப்பை கடந்த 2021 ஆம் ஆண்டு முடித்துள்ளதும், தற்போது சேத்துப்பட்டு நவரோஜி சாலையில் உள்ள கந்தசாமி பாய்ஸ் ஹாஸ்டலில் தங்கி திநகரில் உள்ள தனியார் மருத்துவமனையில் கடந்த ஒன்றரை ஆண்டுகளாக பணிபுரிந்து வருவதும் தெரியவந்தது. கைது செய்யப்பட்டுள்ள ஸ்ரீகாந்திடம் கீழ்பாக்கம் போலீசார் தொடர் விசாரணை மேற்கொண்டு வருகின்றனர்.

Published by:Vaijayanthi S
First published:

Tags: Chennai, Crime News, Sexual harrasment