Home /News /chennai /

மரக்காணம் கலவரம்: பாலத்தை சேதப்படுத்திய வழக்கு.. பாமக இழப்பீடு தர தேவையில்லை - உயர்நீதிமன்றம் உத்தரவு!

மரக்காணம் கலவரம்: பாலத்தை சேதப்படுத்திய வழக்கு.. பாமக இழப்பீடு தர தேவையில்லை - உயர்நீதிமன்றம் உத்தரவு!

சென்னை உயர்நீதிமன்றம்

சென்னை உயர்நீதிமன்றம்

தலைவர்களின் சிலைகள் மற்றும் ஓடை பாலம் ஆகியவற்றை சேதப்படுத்தியதாக பாமக நிறுவனர் ராமதாஸ் உள்ளிட்ட 500-க்கும் மேற்பட்டோர் மீது வழக்குப்பதிவு செய்தனர்.

  • News18 Tamil
  • 1 minute read
  • Last Updated :
  • Marakkanam, India
    சித்திரை திருவிழா நிகழ்ச்சியின்போது பாலத்தை சேதப்படுத்தியதாக ரூ.18 லட்சம் இழப்பீடு கேட்டு பாட்டாளி மக்கள் கட்சிக்கு தமிழ்நாடு அரசு அனுப்பிய நோட்டீஸை ரத்து செய்து சென்னை உயர் நீதிமன்றம் உத்தரவிட்டுள்ளது.

    வன்னியர் சங்கம் மற்றும் பாட்டாளி மக்கள் கட்சி இணைந்து கடந்த 2013ம் ஆண்டு விழுப்புரம் மாவட்டம் மரக்காணத்தில் சித்திரை திருவிழா நடைபெற்றது. இதில் கலந்து கொள்ள வந்த பாமக-வினர் காவல்துறை அனுமதியை மீறி மரக்காணம் அருகேயுள்ள கட்டயம் தெரு என்ற பகுதிக்குள் நுழைந்து அங்கிருந்த தலைவர்களின் சிலைகள் மற்றும் ஓடை பாலம் ஆகியவற்றை சேதப்படுத்தியதாக பாமக நிறுவனர் ராமதாஸ் உள்ளிட்ட 500-க்கும் மேற்பட்டோர் மீது வழக்குப்பதிவு செய்தனர்.

    மேலும், புதுச்சேரி - மைலம் சாலை, கரசனூரில் உள்ள பாலம் சேதப்படுத்திய குற்றச்சாட்டில் விசாரணை மேற்கொண்ட தமிழ்நாடு வருவாய் நிர்வாக ஆணையர், ரூ. 18 லட்ச இழப்பீடாக அரசுக்கு செலுத்த வேண்டுமென பாமக நிறுவனர் ராமதாஸ்-க்கு நோட்டீஸ் அனுப்பினார். இந்த நோட்டீசை ரத்து செய்யக்கோரி பாமக-வின் அப்போதைய தலைவர் ஜி.கே. மணி சென்னை உயர்நீதிமன்றத்தில் மனுத்தாக்கல் செய்தார்.

    இதையும் வாசிக்க: எடப்பாடி பழனிசாமிக்கு அதிமுக அலுவலக சாவி வழங்கியது செல்லும் - உச்சநீதிமன்றம்

    அதில் கலவரம் தொடர்பாக அடையாளம் தெரியாத நபர்கள் மீது முதல் தகவல் அறிக்கை பதிவு செய்யப்பட்டுள்ள நிலையில், தங்கள் கட்சியை சேர்ந்தவர்கள் சேதப்படுத்தியதாக கூறி நோட்டீஸ் அனுப்பியது தவறு என குறிப்பிடப்பட்டிருந்தது. இந்த வழக்கு நீதிபதி எம்.தண்டபானி முன்பு விசாரணைக்கு வந்த போது, பாமக இழப்பீடு செலுத்தக்கோரி நோட்டீஸ் அனுப்புவதற்கு முகாந்திரம் இல்லை எனக்கூறி நோட்டீசை ரத்து செய்து உத்தரவிட்டார்.
    Published by:Siddharthan Ashokan
    First published:

    Tags: Chennai High court, Dr Ramadoss, PMK, Villupuram

    அடுத்த செய்தி