Home /News /chennai /

வேலை வாங்கி தருவதாக முன்னாள் அமைச்சர் மோசடி என புகார்.. காவல் துறை இரண்டு வாரங்களில் விசாரிக்க உத்தரவு

வேலை வாங்கி தருவதாக முன்னாள் அமைச்சர் மோசடி என புகார்.. காவல் துறை இரண்டு வாரங்களில் விசாரிக்க உத்தரவு

முன்னாள் அமைச்சர் ந.சுப்ரமணியன்

முன்னாள் அமைச்சர் ந.சுப்ரமணியன்

2011-2015ம் ஆண்டுகளில் அதிமுக ஆட்சியில் ஆதி திராவிடர் நலத்துறை அமைச்சராக இருந்த சுப்ரமணியன், வேலை வாங்கி தருவதாக கூறி 65 லட்சம் ரூபாய் மோசடி செய்துள்ளதாக கூறி மனு தாக்கல்

  • News18 Tamil
  • 1 minute read
  • Last Updated :
  • Chennai, India
வேலை வாங்கி தருவதாக கூறி பண மோசடி செய்ததாக அதிமுக முன்னாள் அமைச்சர் என். சுப்ரமணியன் மீதான புகாரை இரண்டு வாரங்களில் விசாரித்து முடிவு எடுக்க வேண்டும் என சேலம் மாநகர காவல்துறைக்கு சென்னை உயர் நீதிமன்றம் உத்தரவிட்டுள்ளது.

2011-2015ம் ஆண்டுகளில் அதிமுக ஆட்சியில் ஆதி திராவிடர் நலத்துறை அமைச்சராக இருந்த சுப்ரமணியன், வேலை வாங்கி தருவதாக கூறி 65 லட்சம் ரூபாய் மோசடி செய்துள்ளதாக கூறி, அதுதொடர்பான புகாரில் வழக்கு பதிவு செய்ய உத்தரவிடக் கோரிய சேலம் ஜான்சன் பேட்டையை சேர்ந்த கே. முனுசாமி என்பவர் சென்னை உயர் நீதிமன்றத்தில் வழக்கு தொடர்ந்துள்ளார்.

அவரது மனுவில், வேலையும் வாங்கி தராமல், பணத்தையும் திருப்பி அளிக்காமல் அலைகழித்ததாகவும், சேலம் மாநகர காவல்துறை மற்றும் லஞ்ச ஒழிப்புத் துறையில் புகார் அளித்தும் நடவடிக்கை எடுக்கவில்லை என குற்றம்சாட்டியுள்ளார். பணத்தை கேட்டபோது அடியாட்களை வைத்து முன்னாள் அமைச்சர் சுப்ரமணியன் மிரட்டியதாகவும் மனுவில் குறிப்பிட்டுள்ளார்.

மேலும் படிக்க : அமைச்சர் செந்தில் பாலாஜிக்கு அமலாக்க பிரிவு அனுப்பிய சம்மன் ரத்து - ஹைகோர்ட் அதிரடி உத்தரவு!

சுப்ரமணியன் மீதான புகாரை முறையாக விசாரிக்கவும், வழக்குப் பதிவு செய்து வழக்கை விரைவாக விசாரித்து முடிக்கவும் உத்தரவிட வேண்டுமெனவும் மனுவில் கோரிக்கை வைத்துள்ளார்.

இந்த மனுவை விசாரித்த நீதிபதி ஜி.கே.இளந்திரையன், முன்னாள் அமைச்சர் ந.சுப்ரமணியனுக்கு எதிராக மனுதாரர் அளித்த புகாரை இரண்டு வாரங்களில் விசாரித்து முடிவு எடுக்க வேண்டுமென சேலம் மாநகர காவல்துறைக்கு உத்தரவிட்டு வழக்கை முடித்துவைத்தார்.
Published by:Raj Kumar
First published:

Tags: AIADMK, Chennai High court, Minister

அடுத்த செய்தி