Home /News /chennai /

சென்னையில் முகக்கவசம் கட்டாயம்.. கொரோனா அதிகரிப்பதால் மாநகராட்சி உத்தரவு

சென்னையில் முகக்கவசம் கட்டாயம்.. கொரோனா அதிகரிப்பதால் மாநகராட்சி உத்தரவு

முகக்கவசம் கட்டாயம்

முகக்கவசம் கட்டாயம்

FaceMask Mandatory in Chennai : கொரோனாவில் இருந்து தங்களை காத்துக்கொள்ள பொதுமக்கள் கட்டாயம் முக்கவசம் அணிய வேண்டும் என்று சென்னை மாநகராட்சி கேட்டுக்கொண்டுள்ளது.

    தமிழகத்தில் கொரோனா பரவல் மீண்டும் அதிகரிக்க தொடங்கியுள்ள நிலையில், சென்னையில் முகக்கவசம் அணிவது கட்டாயம் என சென்னை மாநகராட்சி அறிவித்துள்ளது.

    தமிழகத்தில் கொரோனா பரவல் குறைந்து காணப்பட்ட நிலையில், அண்மை நாட்களாக தொற்று மீண்டும் அதிகரிக்க தொடங்கியுள்ளது. தினசரி பாதிப்பு 2000ஐ கடந்து பதிவாகி வருகிறது.  தமிழகத்தில் நேற்று  ஒரேநாளில் 2,672 பேர் கொரோனா தொற்றால் பாதிக்கப்பட்டனர். சென்னையில் 1,072 பேருக்கும், செங்கல்பட்டில் 373 பேருக்கும், கோயம்புத்தூரில் 145 பேருக்கு கொரோனா பாதிப்பு உறுதி செய்யப்பட்டுள்ளது.

    சென்னை, செங்கல்பட்டு, காஞ்சிபுரம், திருவள்ளூர் ஆகிய மாவட்டங்களில் தொற்று எண்ணிக்கை அதிகமாக பதிவாகி வருகிறது. இந்நிலையில், கொரோனா பரவலை கட்டுப்படுத்த பல்வேறு முயற்சிகளை அந்தந்த மாவட்ட நிர்வாகங்கள் எடுத்து வருகின்றன. அந்த வகையில், சென்னையில் முகக்கவசம் அணிவது கட்டாயமாக்கப்பட்டுள்ளது.

    இதையும் படிங்க: தமிழகத்தில் 2,600-ஐ கடந்த ஒரு நாள் கொரோனா பாதிப்பு..

    வணிக நிறுவனங்கள் தங்களுடைய அங்காடிகளில்  ஒரே நேரத்தில்  பொதுமக்கள்  அதிகம் கூடுவதைத் தவிர்த்து, சமூக இடைவெளியை பின்பற்றி பொதுமக்களை அனுமதிக்க வேண்டும். வணிக வளாகங்கள், திரையரங்கங்கள், துணிக்கடைகள் போன்ற இடங்களில் ஊழியர்கள் மற்றும் வாடிக்கையாளர்கள் முகக்கவசம் அணிவதை அந்தந்த நிறுவனமே உறுதிப்படுத்த வேண்டும் என்றும் சென்னை மாநகராட்சி அறிவுறுத்தியுள்ளது.
    Published by:Murugesh M
    First published:

    Tags: Chennai corporation, Corona, Corona Mask, Face mask

    அடுத்த செய்தி