Home /News /chennai /

அதிக மணல் ஏற்றி சென்றதாக இதுவரை எத்தனை லாரிகள் மீது நடவடிக்கை எடுக்கப்பட்டுள்ளது? - தமிழக அரசிடம் சென்னை உயர்நீதிமன்றம் கேள்வி

அதிக மணல் ஏற்றி சென்றதாக இதுவரை எத்தனை லாரிகள் மீது நடவடிக்கை எடுக்கப்பட்டுள்ளது? - தமிழக அரசிடம் சென்னை உயர்நீதிமன்றம் கேள்வி

மணல் லாரி

மணல் லாரி

அதிக அளவில் மணலை ஏற்றி செல்ல நிர்பந்திக்கும் குவாரி உரிமையாளர்கள் மற்றும் அதை கண்டுகொள்ளாத அதிகாரிகள் மீது நடவடிக்கை எடுப்பதில்லை

  • News18 Tamil
  • 1 minute read
  • Last Updated :
  • Chennai, India
    தமிழ்நாட்டில் அளவுக்கு அதிகமாக மணல் ஏற்றி சென்றதாக இதுவரை எத்தனை லாரிகள் மீது நடவடிக்கை எடுக்கப்பட்டுள்ளது என்பது குறித்து அறிக்கை தாக்கல் செய்ய தமிழ்நாடு அரசிற்கு சென்னை உயர்நீதிமன்றம் உத்தரவிட்டுள்ளது.

    இது தொடர்பாக தமிழ்நாடு மணல் லாரி உரிமையாளர்கள் சம்மேளனம் சார்பில் அதன் தலைவர் செல்ல ராஜாமணி தாக்கல் செய்த மனுவில், கட்டுமான பொருட்களான மணல் மற்றும் கற்களை அனுமதிக்கப்பட்ட அளவுக்கு அதிகமாக ஏற்றி செல்லும்படி குவாரி உரிமையாளர்கள், லாரி டிரைவர்களை நிர்பந்திப்பதாகவும், அதன் காரணமாக லாரி உரிமையாளர்கள் மற்றும் ஓட்டுநர்கள் வழக்குகளை எதிர்கொள்ள வேண்டியுள்ளதாகவும் குறிப்பிட்டுள்ளார்.

    ஆனால், அதிக அளவில் மணலை ஏற்றி செல்ல நிர்பந்திக்கும் குவாரி உரிமையாளர்கள் மற்றும் அதை கண்டுகொள்ளாத அதிகாரிகள் மீது நடவடிக்கை எடுப்பதில்லை எனவும் இது தொடர்பாக அரசிற்கு புகார் அளித்தும் எவ்வித நடவடிக்கையும் எடுக்கப்பட இல்லை எனவும் மனுவில் குறிப்பிட்டுள்ளார்.

    இதையும் வாசிக்க: முதல்வரை அவதூறாக சித்தரித்து சுவரொட்டி ஒட்டிய விவகாரம் - நீதிமன்றத்தில் காவல்துறை முக்கிய தகவல்!

    அதிக அளவில் மணல் மற்றும் கற்களை ஏற்றி செல்வதை கட்டுப்படுத்த விதிகளை வகுக்க வேண்டும் என்றும் அதிக அளவில் மணல் மற்றும் கற்களை ஏற்றி செல்வதை தடுக்காத அதிகாரிகள் மற்றும் காவல்துறை மீது நடவடிக்கை எடுக்க உத்தரவிட வேண்டும் எனவும் மனுவில் கோரியிருந்தார்.

    இந்த வழக்கை விசாரித்த பொறுப்பு தலைமை நீதிபதி டி.ராஜா மற்றும் நீதிபதி அதிகேசவலு அமர்வு, தமிழ்நாட்டில் அதிக அளவில் மணல் மற்றும் கற்கள் ஏற்றி சென்றதாக எத்தனை லாரிகள் மீது வழக்கு பதியப்பட்டுள்ளது என்பது குறித்த விவரங்களை தாக்கல் செய்யும்படி, தமிழ்நாடு அரசிற்கும், மனுதாரர் தரப்பிற்கும் உத்தரவிட்டு, விசாரணையை ஒத்திவைத்தனர்.
    Published by:Siddharthan Ashokan
    First published:

    Tags: Chennai High court, Lorry owner association, Sand, Tamilnadu

    அடுத்த செய்தி