Home /News /chennai /

ஆவினில் தயாரிக்கப்படாத பொருளை எப்படி வாங்க முடியும்.. அண்ணாமலை ஊழல் குற்றச்சாட்டு தொடர்பாக அமைச்சர் நாசர் விளக்கம்

ஆவினில் தயாரிக்கப்படாத பொருளை எப்படி வாங்க முடியும்.. அண்ணாமலை ஊழல் குற்றச்சாட்டு தொடர்பாக அமைச்சர் நாசர் விளக்கம்

கோப்புப் படம்

கோப்புப் படம்

 அண்ணாமலை தன்னை முன்னிலைப் படுத்திக் கொள்ள வேண்டும் என்பதற்காக ஆவினில் தயாரிக்கப்படாத ஒரு பொருளை சுகாதாரத்துறை வாங்காமல் போனதால் நஷ்டம் ஏற்பட்டுள்ளது என பொய்யான கருத்துக்களை தெரிவித்து உள்ளதாக அமைச்சர் நாசர் விளக்கம்

தன்னை முன்னிலைப்படுத்தி கொள்ள வேண்டும் என்பதற்காக ஆவினில் தயாரிக்கப்படாத ஒரு பொருளை வாங்கி இருந்தால் அரசுக்கு நஷ்டம் ஏற்பட்டு இருக்காது என அண்ணாமலை தெரிவித்துள்ளார் என அமைச்சர் ஆவடி நாசர் தெரிவித்துள்ளார்.

கர்பிணிகளுக்கு வழங்கப்படும் சத்து மாவை ஆவினில் வாங்காமல் அதிக விலைக்கு தனியாரில் வாங்கியதாக பாஜக தலைவர் அண்ணாமலை வைத்த குற்றச்சாட்டு தொடர்பாக சென்னை நந்தனத்தில் உள்ள ஆவின் தலைமையகத்தில் பால்வளத்துறை அமைச்சர் ஆவடி நாசர் மற்றும் சுகாதாரத்துறை அமைச்சர் மா சுப்ரமணியன் செய்தியாளர்களை சந்தித்தனர்.

அப்போது பேசிய அமைச்சர் மா.சுப்ரமணியன்,
கடந்த 2018ஆம் ஆண்டு முதல் ஜூன் 7ஆம் தேதி ஆண்டுதோறும் உணவு பாதுகாப்பு தினம் கொண்டாடப்பட்டு வருகிறது. அந்த வகையில் இந்திய உணவு பாதுகாப்பு மற்றும் தர நிர்ணய ஆணையம் பாதுகாப்பு துறையின்  செயல்பாடுகளை உணவு பாதுகாப்பு குறியீட்டின் கீழ் ஆய்வு மேற்கொண்டதில் இந்தியாவின் முதல் மாநிலமாக தமிழ்நாடு தேர்வு செய்யப்பட்டுள்ளது.

இந்திய உணவு பாதுகாப்பு மற்றும் தர நிர்ணய ஆணையம் சார்பாக நடத்தப்பட்ட EAT RIGHT CHALLENGE போட்டியில் இந்தியா முழுவதும் இருந்து 150 மாவட்டங்கள் பங்கேற்றன. அதில் தமிழகத்தில் உள்ள சென்னை, காஞ்சிபுரம் திருவள்ளூர், சேலம், ஈரோடு, கோயம்பத்தூர், திருநெல்வேலி, திருப்பூர், திண்டுக்கல் உள்ளிட்ட 11 மாவட்டங்கள் சிறந்த மாவட்டங்களாக தேர்வு செய்யப்பட்டு உள்ளதாக தெரிவித்தார்.

இதை படிங்க: சிறுமி கருமுட்டை விற்பனை... தனியார் மருத்துவமனை மீது நடவடிக்கையா? அதிகாரிகள் விளக்கம்

செவிலியர்களை  பணி நிரந்தரம் செய்வதற்கான பணிகள் நடைபெற்று வருகிறது, இவ்வளவு காலம் பொறுமையாக பணி புரிந்த செவிலியர்கள் அரசுக்கு கால அவகாசம் வழங்க வேண்டும், எம் ஆர் பி தேர்வு எழுதியவர்களுக்கு மட்டுமே பணி நிரந்தரம் படி படியாக செய்து தரப்படும், அவர்களின் பட்டியலை எடுத்து வருகிறோம்.  ஒப்பந்த பணியாளர்களை நிரந்தரம் செய்ய முடியாது. போராட்டம் செய்தால் அனைவருக்கும் பணி நிரந்தரம் கிடைக்கும் என நினைக்க வேண்டாம். இந்த போராட்டத்தில் ஈடுபட்டு வரும் யாருமே தற்போது வரை என்னிடம் எந்த மனுவும் தரவில்லை என தெரிவித்த அமைச்சர் பேச்சு வார்த்தைக்கு தயாராக இருப்பதாகவும் குறிப்பிட்டார்.

தொடர்ந்து பேசிய அமைச்சர் ஆவடி நாசர், அண்ணாமலை தன்னை முன்னிலைப் படுத்திக் கொள்ள வேண்டும் என்பதற்காக ஆவினில் தயாரிக்கப்படாத ஒரு பொருளை சுகாதாரத்துறை வாங்காமல் போனதால் நஷ்டம் ஏற்பட்டுள்ளது என பொய்யான கருத்துக்களை தெரிவித்து உள்ளார். பால்வளத்துறை சார்பாக அறிவிக்கப்பட்ட அறிவிப்புகளில் சிறியவர்கள் முதல் முதியவர்கள் வரை பயன்படுத்தும் வகையில் ஊட்டச்சத்து நிறைந்த சத்து மாவு என அறிவித்து இருந்தோம். ஆனால் அது கர்பிணி பெண்களுக்கு ஏற்ற வகையில் தயாரிக்கப்படும் என தெரிவிக்கவில்லை என தெரிவித்தார்.

மேலும் படிங்க: சர்ச்சைகுரிய யூடியூப் வீடியோக்களை உடனடியாக தடைசெய்ய வேண்டும் - உயர்நீதிமன்றம் அதிரடி உத்தரவு

தொடர்ந்து பேசிய பால்வளத்துறை செயலாளர் ஜவஹர்
கர்பிணிகளுக்கு வழங்கப்படும் சத்து மாவை அவினில் தயாரிக்க முடியுமா என்ற ஆய்வு இரண்டு மாதங்களில் முடிவடையும், அந்த ஆய்வு பணிகள் முடிவடைந்த பின்னர் ஆவின் நிறுவனத்திற்கு லாபம் ஏற்படும் என தெரிந்தால் நிச்சயம் அந்த பொருளை உருவாக்குவோம் என தெரிவித்தார்.

தொடர்ந்து பேசிய சுகாதாரத்துறை செயலாளர் ராதாகிருஷ்ணன்,
தொடர்ச்சியாக இந்த செய்திகளை மட்டுமே பேசி வருகிறோம் ஆனால் தமிழகத்தில் கொரோனா பாதிப்பு அதிகரிக்க துவங்கி உள்ளது. வரும் வாரங்களிலும் பொதுமக்கள் தொடர்ச்சியாக இதில் கவனம் செலுத்தவில்லை என்றால் பெரிய அளவில் தொற்று பரவும் எனவும் மக்கள்  தடுப்பூசி செலுத்திக்கொள்ள வேண்டும் எனவும் தெரிவித்தார்.
Published by:Murugesh M
First published:

Tags: Aavin, Annamalai, DMK

அடுத்த செய்தி