நீங்கள் இதுவரை தாக்கல் செய்த 5 பட்ஜெட்டில் மறக்க முடியாத பட்ஜெட் எது? நிர்மலா சீதாராமன் சுவாரஸ்ய பதில்

நாடாளுமன்றத்தில் 2023-24ஆம் ஆண்டிற்கான பட்ஜெட்டை மத்திய நிதியமைச்சர் நிர்மலா சீதாராமன் பிப்ரவரி 1-ம் தேதி தாக்கல் செய்தார். பட்ஜெட் தாக்கலுக்கு பிறகு நிர்மலா சீதாராமன் CNN-News18-க்கு பிரத்யேக நேர்காணல் அளித்தார். நியூஸ் 18 குழும முதன்மை செய்தி ஆசிரியர் ராகுல் ஜோஷிக்கு அவர் அளித்த பிரத்யேக நேர்காணல் விவரங்கள்.

கொரோனா காலத்தில் தேவையான முன்னெச்சரிக்கை நடவடிக்கைகள் எடுக்கப்பட்டது. அனுபவத்தின் அடிப்படையிலே அனைத்தையும் செயல்படுத்தி வருகிறோம் அதனை வார்த்தைகளால் விவரிக்க முடியாது. மகளிர் சுய உதவி குழுக்கள் குறித்து இந்த நேர்காணலில் பேசியவர், இந்தியாவில் 81 லட்சம் மகளிர் சுய உதவிக்கு குழுவினர் தற்போது உள்ளனர். பல மாநிலங்கள் கடந்த பல வருடங்களாக இதனை சிறப்பாக செயல்படுத்தி வருகின்றனர். மகளிர் சுய உதவி குழுவினர் தயாரிக்கும் பொருட்களுக்கு நல்ல வரவேற்பு உள்ளது. மகளிர் தயரிக்கும் பொருள்களின் விலை அதிகமாக இருந்தாலும் மக்கள் அதை நாடுகின்றனர் என்றார்.

100 நாள் வேலைவாய்ப்பு திட்டம் மக்களின் தேவை அடிப்படையிலான திட்டம் எனக் கூறினார். பட்ஜெட்டில் ஒதுக்கீடு செய்யப்படுவதை விட உண்மையில் கூடுதலாகவே செலவிடப்படுகிறது என்றார். பங்கு சந்தை சரிவு, பணவீக்கம், புதிய பென்சன் திட்டம் உட்பட பல கேள்விகளுக்கு மத்திய அமைச்சர் நிர்மலா சீதாராமன் பதிலளித்தார்.

இறுதியாக நீங்கள் இதுவரை 5 பட்ஜெட்டை தாக்கல் செய்துள்ளீர்கள். மறக்க முடியாத பட்ஜெட் என நீங்கள் நினைப்பது எந்த பட்ஜெட் என கேள்வி எழுப்பப்பட்டது. இதற்கான பதில் கூறுவது என்பது அவ்வளவு எளிதானதல்ல. ஒவ்வொரு பட்ஜெட்டும் அந்தந்த காலத்தில் கடுமையான சவால் அளிப்பதாக தான் இருந்தது என்றார்.

கடந்த சில மாதங்களாக பட்ஜெட் தொடர்பான வேலைகளை கடுமையாக ஈடுபட்டிருந்தீர்கள். நீங்க பிரேக் எடுக்கும் போது என்ன செய்வீர்கள் என்ற கேள்விக்கு அதுபோன்ற சமயங்களில் நிறைய பாடல்களை கேட்பேன் என்றார். கிளாசிக்கல் இந்திய பாடல்களை கேட்பேன். கர்நாடிக் மற்றும் ஹிந்துஸ்தானி இசையை கேட்பேன். எல்லாம் நாட்களும் இரவு நன்றாக தூங்குவேன் என நிர்மலா சீதாராமன் கூறினார்.