• HOME
  • »
  • NEWS
  • »
  • business
  • »
  • மியூச்சுவல் பண்ட்ஸ் ஒரு பார்வை- எந்த விதமான முதலீட்டை தேர்ந்தெடுப்பது நல்லது?

மியூச்சுவல் பண்ட்ஸ் ஒரு பார்வை- எந்த விதமான முதலீட்டை தேர்ந்தெடுப்பது நல்லது?

காட்சி படம்

காட்சி படம்

Mutual Funds : மியூச்சுவல் ஃபண்ட் முதலீட்டில் ரிஸ்க் உள்ளதா?

  • Share this:
    சேமிப்பு மற்றும் முதலீடு குறித்து ஆர்வம் இருக்கும் இளைய தலைமுறையினருக்கு பங்குச் சந்தை மற்றும் மியூச்சுவல் பண்ட் குறித்த குழப்பம் இருந்து வருகிறது. அதில், மியூட்சுவல் பண்டில் இருக்கும் சிறந்த முதலீடு திட்டங்கள் மற்றும் அபாயங்கள் என்னவென்பதை இங்கே பார்க்கலாம். 

    மியூச்சுவல் பண்ட் என்றால் என்ன? 

    மியூச்சுவல் பண்ட் குறித்து தெரிந்துகொள்வதற்கு முன்பு மியூச்சுவல் பண்ட் மற்றும் பங்குச் சந்தைக்கும் இடையே உள்ள வேறுபாட்டை தெரிந்து கொள்ள வேண்டும். பங்குச் சந்தை மற்றும் மியூச்சுவல் பண்ட் இரண்டுமே ஒரு நிறுவனத்தின் பங்குகளை வாங்கி விற்பது என்றாலும், இரண்டுக்கும் வேறுபாடு உள்ளது. பங்குச்சந்தை என்பது ஒரு தனிநபர் அல்லது நிறுவனம் தாங்கள் விரும்பும் நிறுவனத்தின் பங்குகளை நேரடியாக வாங்கி விற்பனை செய்வது. அதில் வரும் லாபமும், நஷ்டமும் அவர்களைச் சார்ந்தது. 

    இதில் இருப்பவர்கள் முழுநேர பங்குச்சந்தை நிலவரத்தையும், அவற்றின் முதலீடு குறித்தும், சந்தையின் ஏற்ற இறக்க நிலவரம் குறித்தும் அறிந்தவர்களாக இருக்க வேண்டும் அல்லது இருப்பார்கள். முதலீட்டில் விருப்பம் இருந்தாலும் வேலை மற்றும் வியாபாரம் காரணமாக முழுநேர பங்குச் சந்தையில் ஈடுபட முடியாதவர்கள், சந்தை நிலவரம் தெரியாதவர்கள் உள்ளிட்டோர் முதலீடு செய்வதற்காக உருவானது மியூச்சுவல் பண்ட். நீங்கள் ஒரு அமைப்பின் உங்கள் பணத்தைக் கொடுத்து, பங்குகளில் முதலீடு செய்து அதில் கிடைக்கும் லாபத்தை பிரித்து கொடுங்கள் என கூறுவது. 

    அந்த அமைப்பு முதலீடு குறித்த தெரிந்த, அனுபவம் உள்ள ஒருவரை வேலைக்கு அமர்த்தி, இதேபோல் பலரும் கொடுத்த பணத்தை சந்தை நிலவரத்துக்கு ஏற்ப லாபம் உள்ள பங்குகளில் முதலீடு செய்ய அறிவுறுத்துவார்கள். அவருக்கு மாதம் ஊதியம், போனஸ் கிடைக்கும். முதலீட்டில் வரும் லாபத்தில் நிறுவனத்துக்கு கமிஷன்போக எஞ்சிய பணம் உங்களுக்கு திரும்ப கிடைக்கும். இதிலும் லாப நஷ்ட அபாயங்கள் உண்டு. மியூச்சுவல் பண்ட் நிதிகள் பங்குச்சந்தை, தங்கம், கடன் பத்திரங்கள் மற்றும் ரியல் எஸ்டேட்களில் முதலீடு செய்யப்படுகின்றன.

    மியூச்சுவல் பண்ட் முதலீடு:

    ஈக்விட்டி அல்லது குரோத் ஃபண்டுகள், கடன் பத்திரங்களில் முதலீடு செய்பவை `டெப்ட் ஃபண்டுகள்’ (Debt Funds). டெப்ட் பண்டுகளை, 'இன்கம் ஃபண்டுகள்' என்றும் அழைப்பதுண்டு. பங்குகள் மற்றும் கடன்பத்திரங்கள் ஆகிய இரண்டு வகைகளிலும் முதலீடு செய்வது ஹைபிரிட்’ Hybrid ஃபண்டுகள் என மூன்று வகையான முதலீடுகள் இருக்கின்றன.

    * ஈக்விட்டி பண்டுகள் நீண்ட கால முதலீட்டிற்கு ஏற்றவை. அதிக ரிட்டன் கிடைக்கும். ஸ்மால், மிட் மற்றும் மல்டி கேப் ஃபண்டுகள், திமேடிக் பண்டுகள், டேக்ஸ் சேவிங்ஸ் பண்டுகளில் முதலீடு செய்யப்படும்.

    * டெப்ட் பண்டுகள் எனப்படும் கடன் பத்திரங்கள் முதலீடு பாதுகாப்பு மற்றும் வருவாய்க்கு ஏற்றது. அரசாங்கப் பத்திரங்கள் அல்லது பாண்டுகள், கமர்ஷியல் பேப்பர்கள் அல்லது கடன் பத்திரங்கள், வங்கி டெபாசிட்களின் சான்றிதழ்கள் மற்றும் டிரஷரி பில்கள், கமர்ஷியல் பேப்பர்களில் முதலீடு செய்யப்படும்.

    * ஹைபிரிட் ஃபண்டுகள் சிறந்த மற்றும் நிலையான வருவாய் வரக்கூடிய முதலீடு. அக்ரசிவ் பேலன்ஸ்டு ஃபண்ட்கள், கன்சர்வேட்டிவ் பேலன்ஸ்டு ஃபண்ட்கள், பென்ஷன் திட்டங்கள், குழந்தை திட்டங்கள் மற்றும் மாதாந்திர வருவாய் திட்டங்களில் முதலீடு செய்யப்படும். 

    மியூச்சுவல் பண்ட் நிறுவனங்கள் எவை?

    மியூச்சுவல் பண்ட் நிறுவனம் நடத்த மத்திய அரசின் அனுமதி தேவை. HDFC, ICICI புருடென்ஷியல், ரிலையன்ஸ் நிப்பான் உள்ளிட்ட 44 மியூட்சுவல் பண்ட் நிறுவனங்கள் இருகின்றன. மியூச்சுவல் பண்ட் நிறுவனங்களை ஃபண்ட் ஹவுஸ் என்றும் ஆங்கிலத்தில் அழைக்கப்படுகிறது. இந்த பண்ட் ஹவுஸ்கள் குறித்து அலசி ஆராய்ந்து, நம்பகமான நிறுவனத்திடம் உங்கள் நிதியை முதலீடு செய்யுங்கள்.

    மியூச்சுவல் ஃபண்டில் எப்போது முதலீடு செய்யலாம்?

    முதலீடு செய்வதற்கு முடிவெடுத்துவிட்டால் எப்போது வேண்டுமானாலும் முதலீடு செய்யலாம். நேரம் காரணம் தேவையில்லை. குறைந்தபட்ச வயது என்று எதுவும் முதலீட்டிற்கு கிடையாது. சம்பாதிக்கவும், சேமிக்கவும் தொடங்கிய உடனே மியூட்சுவல் பண்டில் முதலீடு செய்யலாம். நீண்ட காலம் மற்றும் குறுகிய காலம் என உங்களுக்கு ஏற்ப சாதகமான பல அம்சங்களுடைய திட்டங்கள் மியூச்சுவல் ஃபண்டில் இருக்கிறது. இதில் முதலீடு செய்வதற்கு அதிகபட்ச வயது கிடையாது.

    மியூச்சுவல் ஃபண்ட் முதலீட்டில் ரிஸ்க் உள்ளதா?

    முதலீட்டைப் பொறுத்தவரை எல்லா முதலீடுகளிலும் ரிஸ்க் உள்ளது. மியூச்சுவல் ஃபண்டுக்கும் இது பொருந்தும். ஆனால், எல்லா மியூச்சுவல் ஃபண்டு திட்டங்களிலும் ரிஸ்க் உள்ளதா? என்றால் இல்லை எனக் கூறலாம். எல்லா திட்டங்களும் ஒரே மாதிரியான ரிஸ்க் இருக்காது. நீண்ட கால முதலீட்டின்போது சிறந்த ரிட்டன்களை வழங்கக்கூடிய திறன் ஈக்விட்டி திட்டங்களுக்கு உண்டு. ஆனால், இதில் இருக்கும் பிரச்சனை என்னவென்றால் பணவீக்கம். அதேநேரத்தில் பணவீக்கத்தையும் தோற்கடித்து நல்ல பலன்களை கொடுக்கும் ஈக்விட்டி திட்டங்களும் உண்டும்.

    ஈக்விட்டி ஃப்ண்ட்ஸூடன் ஒப்பிடும்போது லிக்விட் ஃபண்ட் மீதான ரிஸ்க் கணிசமான அளவில் குறைவு. மூலதனத்துக்கு பாதுகாப்பு இருக்கிறது. அதேநரேத்தில் பிற ரிஸ்குகளும் இருக்கின்றன. முதலீட்டு ஆலோசகர், மியூட்சுவல் பண்ட் விநியோகஸ்தர்களிடம் முறையாக ஆலோசனைப் பெற்று, ரிஸ்க் மற்றும் ரிட்டன்கள் குறித்து அறிந்து கொள்வது நல்லது.

    also read : மியூச்சுவல் ஃபண்ட்ஸ் என்றால் என்ன? இதில் முதலீடு செய்வதால் கிடைக்கும் நன்மைகள்!

    நீண்டகால முதலீடு லாபமானதா?

    நீண்ட காலத்துக்கு முதலீடு செய்திடுங்கள் என்ற பல மியூட்சுவல் பண்ட் விநியோகஸ்தர்களும், முதலீட்டு ஆலோசகர்களும் வழக்கமாக கூறும் ஆலோசனை. ஃபேலன்ஸ்டு ஃபண்ட் மற்றும் ஈக்விட்டி பண்டுகளில் முதலீடு செய்பவர்கள் இந்த ஆலோசனையை நிச்சயம் கடைபிடிக்க வேண்டும். ஏனென்றால், இந்த முதலீட்டை ஒரு பேட்ஸ்மேனைப்போல் நினைத்துக் கொள்ளுங்கள். நல்ல பேட்ஸ்மேன் எல்லா காலங்களிலும் சிறப்பாகவே ஆடிக் கொண்டிருக்கமாட்டார். 

    ஏதாவதொரு காலத்தில் அவரும் இறக்கத்தை சந்திக்க நேரிடும். ஆனால், சராசரியை எடுத்துப் பார்த்தால் மிகச்சிறந்த ஆட்டக்காரராக இருப்பார். அதுபோலவே, ஒரு நல்ல மியூட்சுவல் ஃபண்டும் சில காலங்களில் ஏற்ற இறக்கத்தை சந்தித்தாலும், முடிவில் நல்ல ரிட்டன்ஸைக் கொடுக்கும். இயன்றவரை ஈக்விட்டி மற்றும் ஃபேலன்ஸ்டு ஃபண்டுகளில் முதலீடு செய்திடுங்கள். நல்ல ரிட்டன்ஸ் கிடைக்க வாய்ப்புகள் உள்ளது.  

    மியூச்சுவல் பண்டை தேர்ந்தெடுப்பது எப்படி?

    மியூச்சுவல் பண்டை தேர்தெடுப்பது எப்படி? என்றால், நீங்கள் ஒரு வாகனத்தில் எங்கு செல்ல வேண்டும் என்பதை பொறுத்தது. அதாவது, நீங்கள் செல்லும் இடத்துக்கு ஏற்ப வாகனத்தை இயக்குவீர்கள். அதுபோல, மியூச்சுவல் ஃபண்ட் முதலீட்டிலும் உங்களின் தேவை மற்றும் நிதி இலக்குகளை பொறுத்து முதலீட்டை தேர்ந்தெடுக்க வேண்டும். நீண்ட காலம் மற்றும் குறுகிய கால முதலீடுகள் இருக்கின்றன. 

    also read : மியூச்சுவல் ஃபண்டுகள் மற்றும் பங்குகள் - இரண்டுக்கும் இடையிலான வேறுபாடுகள் என்ன?

    நிதி தேவைக்கு ஏற்ப முதலீட்டை தேர்ந்தெடுக்கும் நீங்கள், ஆபத்து காரணிகள் உள்ளிட்டவைகளையும் கணக்கில் கொள்ள வேண்டும். வீட்டில் கணவன் மற்றும் மனைவி என இருவரும் சம்பாதித்தாலும், அவரவர் வாழ்க்கைக்கு ஏற்ப நிதி தேவைகள் மாறுபடும். ஆபத்து காரணிகள் என்பது திருமணம், கல்விச் செலவு, மருத்துவச் செலவு உள்ளிட்ட சில அடிப்படையான தேவைகளையும் உள்ளடக்கியது. அதற்கேற்ப முன்பே முதலீடுகளை திட்டமிட்டு தேர்தெடுத்துக் கொள்ளுங்கள்.

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தைஇங்கே கிளிக்செய்து ஃபாலோ செய்யுங்கள்.. செய்திகளை உடனுக்குடன் பெறுங்கள். Also Follow @ Facebook, Twitter, Instagram, Sharechat,Telegram, YouTube

    Published by:Tamilmalar Natarajan
    First published: