• HOME
  • »
  • NEWS
  • »
  • business
  • »
  • மியூச்சுவல் ஃபண்டில் தொடக்கத்தில் எவ்வளவு முதலீடு செய்யலாம்? முழு விவரம்!

மியூச்சுவல் ஃபண்டில் தொடக்கத்தில் எவ்வளவு முதலீடு செய்யலாம்? முழு விவரம்!

மியூட்சுவல் ஃபண்ட்

மியூட்சுவல் ஃபண்ட்

நீண்ட கால முதலீட்டில் இருப்பவர்கள் அன்றாட சந்தை ஏற்ற இறக்கம் குறித்து கவலை கொள்ளத் தேவையில்லை. குறிப்பாக, சிஸ்டமேட்டிக் இன்வெஸ்மென்ட் பிளான் என்கிற எஸ்.ஐ.பி முறையில் முதலீட்டை மேற்கொண்டால், பங்குச் சந்தையின் ஏற்ற இறக்கம் பார்க்கத் தேவையில்லை.

  • Share this:
    மியூச்சுவல் ஃபண்ட்டில் முதலீடு செய்யலாம் என்ற சிந்திக்கும் பலருக்கும், எப்போது முதலீடு செய்ய வேண்டும்? எதில் முதலீடு செய்ய வேண்டும்? எவ்வளவு தொகையை முதலீடு செய்யலாம் என்ற கேள்வி எழும். இந்த கேள்விக்கு எளிமையான பதில் சொல்ல வேண்டும் என்றால், மியூச்சுவல் ஃபண்ட் குறித்து முழுமையாக எப்போது தெரிந்து கொள்கிறீர்களோ அப்போது முதல் முதலீட்டைத் தொடங்கலாம்.

    1. யாரெல்லாம் முதலீடு செய்யலாம்?

    சிறுவர்கள் முதல் பெரியவர்கள் வரை அனைவரும் மியூச்சுவல் ஃபண்டில் முதலீடு செய்யலாம். 18 வயதுக்குட்பட்டவர்கள் என்றால் பெற்றோர் மற்றும் பாதுகாவலரின் பெயரில் முதலீட்டைத் தொடங்கலாம். 18 வயதுக்கும் மேற்பட்டவர்கள் தாங்களாகவே தனிப்பட்ட முறையில் மியூட்ச்சுவல் ஃபண்டில் முதலீடு செய்ய முடியும். 100 ரூபாய் முதல் முதலீடு செய்யலாம். சிறுவர்களாக இருப்பவர்கள் தங்களுக்கு கிடைக்கும் பாக்கெட் மணியைக் கூட மியூச்சுவல் ஃபண்டில் முதலீடு செய்து கொள்ள முடியும்.

    2. எப்போது முதலீடு செய்யலாம்?

    ஏற்கனவே கூறியதுபோல் மியூச்சுவல் ஃபண்டில் முதலீடு செய்வதற்கு நேரம் காலம் கிடையாது. உங்களுக்கு தெளிவான புரிதல் ஏற்பட்டவுடன் முதலீட்டைத் தொடங்கலாம். உங்களிடம் இருக்க வேண்டிய ஒன்று என்றால், தெளிவான இலக்கு. நீங்கள் எதற்காக முதலீடு செய்கிறீர்கள்? என்பதில் தெளிவாக இருந்தால், அதற்கேற்ப நீண்ட கால முதலீடு, குறுகிய கால முதலீடு என இரு வகையான முதலீடுகளை தேர்ந்தெடுக்க வசதியாக இருக்கும்.

    ALSO READ |  நிரந்தர வைப்பு நிதி vs தொடர் வைப்பு நிதி : யார் எதை தேர்வு செய்யலாம்!

    குழந்தைகள் இருந்தால் அவர்களின் கல்விச் செலவு, திருமணச் செலவு ஆகியவற்றைக் கருத்தில் கொண்டு முதலீடு செய்கிறீர்கள் என்றால் நீண்ட கால முதலீட்டைத் தேர்ந்தெடுக்கலாம். நிபுணர்கள் பெரும்பாலும் பரிந்துரைப்பது என்னவென்றால், நீண்ட கால முதலீட்டில் உங்களுக்கான வருவாய் கண்டிப்பாக கிடைக்கும்.

    3. எதில் முதலீடு செய்யலாம்?

    மியூச்சுவல் ஃபண்டில் ஏராளமான திட்டங்கள் இருக்கின்றன. அதில் இருக்கும் திட்டங்கள் பெரும்பாலும் குறுகிய காலம், நீண்ட காலம் மற்றும் நடுத்தர கால அளவு என்கிற ரீதியில் ப்ளான்கள் இருக்கும். குறுகிய கால ஃபண்டுகளில் முதலீடு செய்கிறீர்கள் என்றால் கடன் பத்திரங்கள் சார்ந்த துறைகளில் முதலீடு செய்வது சிறந்தது. ஆண்டுக்கு 8 - 9 விழுக்காடு வருமானம் கிடைக்கலாம். நடுத்தர கால ஃபண்டுகளை தேர்ந்தெடுக்கும்போது கடன் மற்றும் கலப்பின ஃபண்டுகளில் முதலீடு செய்யலாம். ஆண்டுக்கு சுமார் 10 விழுக்காடு வருமானம் கிடைக்க வாய்ப்புள்ளது. நீண்ட கால திட்டம் என்றால் பங்குச் சந்தை சார்ந்த திட்டங்களில் முதலீடு செய்யலாம். சராசரியாக 12 விழுக்காடு வருமானம் கிடைக்க வாய்ப்புள்ளது.

    ALSO READ |  Loan : அவசரத்திற்கு 10 லட்சம் வரை இவ்வளவு ஈஸியா கிடைக்குமா?

    நீண்ட கால முதலீட்டில் இருப்பவர்கள் அன்றாட சந்தை ஏற்ற இறக்கம் குறித்து கவலை கொள்ளத் தேவையில்லை. குறிப்பாக, சிஸ்டமேட்டிக் இன்வெஸ்மென்ட் பிளான் என்கிற எஸ்.ஐ.பி முறையில் முதலீட்டை மேற்கொண்டால், பங்குச் சந்தையின் ஏற்ற இறக்கம் பார்க்கத் தேவையில்லை.

    4. எவ்வளவு தொகை முதலீடு செய்யலாம்?

    இதில் இரண்டு வகைகளில் முதலீடு செய்ய முடியும். மொத்த முதலீடு மற்றும் எஸ்.ஐ.பி எனப்படும் சிஸ்டமேடிக் இன்வெஸ்மென்ட் ப்ளான் என இரண்டு வழிகளில் முதலீடு செய்யலாம். மொத்த முதலீடு செய்வதற்கு குறைந்தபட்சம் ரூ.5 ஆயிரம் இருக்க வேண்டும். ஐந்தாயிரம் ரூபாய்க்கு மேல் எவ்வளவு தொகை வேண்டுமானாலும் முதலீடு செய்யலாம். இரண்டாவது, சிஸ்டமேடிக் இன்வெஸ்ட்மென்ட் ப்ளான் திட்டம். இதில் நீங்கள் தினசரி, வாரம், மாதம் அடிப்படையில் குறிப்பிட்ட தேதியில் முதலீடு செய்வதாகும்.

    ALSO READ |  பணத்தை சேமிப்பதை விட முதலீடு செய்வது எப்படி சிறப்பானது - முக்கிய வேறுபாடுகள் என்ன?

    முதலீடு செய்து ஒரு வருடத்துக்கு முன்பாக அந்த திட்டத்தில் இருந்து வெளியேறினால் ஒரு சதவீத வெளியேறு கட்டணம் கட்டாயம் செலுத்த வேண்டும். ஒரு வருடத்தை கடந்திருந்தால் கட்டணம் செலுத்தத் தேவையில்லை. மேலும், லாப தொகையில் 15 விழுக்காடு மூலதன ஆதாய வரி செலுத்த வேண்டும். 30, 000 ரூபாய் லாபம் என்றால், அதில் 15 விழுக்காடு 4,500 ரூபாயை வரியாக கட்ட வேண்டியிருக்கும். .

    5. எந்த பிளானில் முதலீடு செய்யலாம்?

    மியூச்சுவல் ஃபண்டில் முதலீடு செய்யத் தொடங்கும்போது ஒரு ப்ளானின் தொடக்கத்தில் முதலீடு செய்வது சரியாக இருக்கும். 5 ஆயிரம் ரூபாய் முதலீடு செய்கிறீர்கள் என்றால், ஏஜெண்டின் கமிஷன் தொகைபோக மீதித் தொகை யூனிட்டுகளாக முதலீடு செய்யப்படும். உதாரணமாக, 5 ஆயிரம் ரூபாய் மூதலீடு செய்தால் கமிஷன் கழிக்கவில்லை என்கிறபோது 10 முக மதிப்பில் 500 யூனிட்டுகளாக உங்கள் முதலீடு இருக்கும்.

    6. எப்படி முதலீடு செய்வது?

    உங்களுக்கு முதலீடு குறித்த அனைத்து விவரங்களும் தெரிந்திருந்தால் நீங்களே கூட முதலீடு செய்ய முடியும். இருப்பினும், மியூச்சுவல் ஃபண்ட் நிறுவனங்களில் சென்று முதலீடு செய்வது மட்டுமே சிறந்ததாக இருக்கும். ஏனென்றால், அங்கு நிதி ஆலோசகர்கள், பங்குச் சந்தை நிபுணர்கள் உள்ளிட்ட குழு இருக்கும். அவர்கள் உங்களின் இலக்கை அறிந்து கொண்டு அதற்கேற்ற திட்டங்களை சரியாக வழிகாட்டுவார்கள். வரும் லாபத்தில் அவர்களுக்கு கமிஷன் போக மீதித் தொகை உங்களுக்கு கிடைக்கும். நஷ்டம் அனைத்தும் முதலீட்டாளரையே சாரும்.

    7. முதலீடு செய்வதற்கான ஆவணங்கள்

    முதல்முறையாக, மியூச்சுவல் ஃபண்டில் முதலீடு செய்பவர்கள், கே.ஒய்.சி (Know Your Customer) என்கிற படிவத்தை நிரப்பிக் கொடுக்க வேண்டும். இதில், பான் எண், ஆதார் எண், முகவரி, ஆண்டு வருமானம், சம்பளம், வெளிநாட்டில் சொத்து உள்ளதா? என்பது போன்ற விவரங்கள், அந்தப் படிவத்தில் கேட்கப்பட்டிருக்கும். அத்துடன் உங்கள் மார்பளவு புகைப்படத்தையும் ஒட்ட வேண்டும்.

    ALSO READ |  மியூச்சுவல் ஃபண்டுகள் மற்றும் பங்குகள் - இரண்டுக்கும் இடையிலான வேறுபாடுகள் என்ன?

    ஒருமுறை கே.ஒய்.சியை பூர்த்தி செய்துவிட்டால், அனைத்து வகையான மியூட்ச்சுவல் ஃபண்ட் முதலீடுகளுக்கும் இதை பயன்படுத்தி கொள்ளலாம். விண்ணப்பத்தை பூர்த்தி செய்தபிறகு மியூச்சுவல் ஃபண்ட் நிறுவனங்கள் அல்லது விநியோகஸ்தர்களை அணுகி முதலீட்டை தொடங்கலாம். அங்கு முதலீடு தொடர்பான விண்ணப்பம் கொடுக்கப்படும். அதில், முதலீடு செய்பவரின் பெயர், வயது, முகவரி, தொலைபேசி எண், இ-மெயில் முகவரி, பணம் செலுத்துவதற்கான காசோலை எண், வங்கியின் பெயர், வங்கியில் உங்கள் சேமிப்புக் கணக்கு எண் உள்ளிட்டவைகள் இருக்கும். ஒரே நேரத்தில் இரு படிவங்களையும் நிரப்பிக்கூட முதலீட்டை தொடங்கலாம். நேரடியாக மட்டுமின்றி மியூச்சுவல் பண்ட் நிறுவனம் மற்றும் விநியோகஸ்தரின் ஆன்லைன் வழியாகவும் இந்த படிவங்களை நிரப்பலாம்.

    8. நாமினி

    மியூச்சுவல் ஃபண்ட் முதலீடுகளுக்கு சட்டப்பூர்வமாக ஒரு நாமினியை நியமிக்க வேண்டும். கணவர், மனைவி, பிள்ளைகள் என யாராக வேண்டுமானாலும் நாமினியாக நியமித்துக் கொள்ளலாம். முதலீடு செய்பவர் மரணத்தை தழுவினால், நாமினியாக இருப்பவரின் பெயரில் யூனிட்டுகள் மாற்றி கொடுக்கப்படும். ஒவ்வொரு முதலீட்டுக்கும் ஒவ்வொருவரை நாமினியாக நியமித்துக்கொள்ளலாம். இருவர் இணைந்தும் மியூட்சுவல் பண்டில் முதலீடு செய்து, அவர்களின் முதலீட்டுக்கு ஒரு நாமினியையும் நியமிக்கலாம். ஒருவர் இறந்தால் மற்றொருவருக்கு யூனிட்டுகள் மாற்றிக் கொடுக்கப்படும். இருவரும் இறந்தால் நாமினியின் பெயரில் யூனிட்டுகள் மாற்றம் செய்யப்படும்.

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தைஇங்கே கிளிக்செய்து ஃபாலோ செய்யுங்கள்.. செய்திகளை உடனுக்குடன் பெறுங்கள். Also Follow @ Facebook, Twitter, Instagram, Sharechat,Telegram, YouTube

    Published by:Sankaravadivoo G
    First published: