• HOME
  • »
  • NEWS
  • »
  • business
  • »
  • மியூச்சுவல் ஃபண்டுகள் மற்றும் பங்குகள் - இரண்டுக்கும் இடையிலான வேறுபாடுகள் என்ன?

மியூச்சுவல் ஃபண்டுகள் மற்றும் பங்குகள் - இரண்டுக்கும் இடையிலான வேறுபாடுகள் என்ன?

காட்சி படம்

காட்சி படம்

Difference Between Mutual Fund and Shares : மியூச்சுவல் ஃபண்டுகள் மற்றும் பங்குகள் பற்றி முழுமையாக தெரிந்துக்கொள்ள இதை படியுங்கள்..

  • Share this:
    முதலீடு செய்ய விரும்புபவர்களுக்கு, ஒவ்வொருவரின் நிதி இலக்குகளுக்கு ஏற்றவாறு பல்வேறு முதலீட்டு திட்டங்கள் இருக்கின்றன. அவற்றில், மிகவும் பிரபலமாகி வருவது மியூச்சுவல் ஃபண்ட் திட்டங்களாகும். அதே போல, நிறுவனத்தின் பங்குகள் வாங்குவதும், (shares) நல்ல முதலீட்டு திட்டங்களில் ஒன்று.

    முதலீட்டு திட்டங்களில், சில திட்டங்கள் மட்டுமே கணிசமான வருவாய் மற்றும் லாபம் அளிக்கும். அவற்றில் பங்குகளும், மியூச்சுவல் ஃபண்டு  திட்டங்களும் அடங்கும். உதாரணமாக, சில ஆண்டுகளுக்கு முன் மிகவும் குறைந்த விலையில் வாங்கப்பட்ட பங்குகள் நூறு மடங்கு, இருநூறு மடங்கி விலையேறும் அற்புதங்களும் நடந்திருக்கின்றன.

    உங்களுக்கு, எந்த திட்டத்தில் முதலீடு செய்வது என்ற குழப்பம் இருந்தால், இரண்டு முதலீடுகள் பற்றியும், அவற்றுக்கு இடையே உள்ள வேறுபாடுகள் பற்றியும் நன்றாக தெரிந்து கொண்டு முடிவு செய்யுங்கள்

    மியூச்சுவல் ஃபண்டுகள் மற்றும் பங்குகள், இரண்டுக்கும் இடையேயான வேறுபாடுகள் என்ன?

    மியூச்சுவல் ஃபண்ட் என்பது கலவையான முதலீடுத் திட்டம். அதில் ஈக்விட்டி ஃபண்டுகள், கடன் ஃபண்டுகள், தங்கம் முதலீடு, நிலம் முதலீடு உள்ளிட்ட பல்வேறு முதலீட்டு திட்டங்களில் கலவை தான் மியூச்சுவல் ஃபண்ட். அதே நேரத்தில், பங்குகள் என்பது (Shares or Stock) ஒரு குறிப்பிட்ட நிறுவனத்தில் முதலீடு செய்வது. நிறுவனத்தின் மதிப்பு அதிகரிக்கும் போது, நீங்கள் வாங்கிய பங்கின் விலையும் அதிகரித்து உங்களுக்கு லாபம் கிடைக்கும். அதே போல, நட்டமும் ஆகும். மியூச்சுவல் ஃபண்ட் திட்டங்களில், பங்குகளிலும் முதலீடு செய்யப்படும்.

    பணம் இருக்கிறது, நேரம் இல்லை :

    நீங்கள் முதலீடு செய்ய விரும்பி, ஆனால், எந்த திட்டத்தில் அல்லது எவ்வகையான நிதிகளில் முதலீடு செய்வது என்று அறியாமல் இருக்கும் போது, மியூச்சுவல் ஃபண்ட் உதவியாக இருக்கும்.

    நீங்கள் ஆரோக்கியமான காய்கறிகள் மற்றும் பழங்கள் சாப்பிட வேண்டும் என்னும் போது, கடைகளில் எளிதாக வாங்க முடியும்.

    அதே போல, உங்களுக்குத் தேவையான காய்கறிகள் அல்லது பழங்களை உங்கள் வீட்டுத் தோட்டத்தில் நீங்களே வளர்க்க வேண்டும் என்று முடிவு செய்தால், உங்களுக்கு ஒவ்வொரு காய் அல்லது பழத்தை எப்படி வளர்க்க வேண்டும், என்பது பற்றி நன்றாக தெரிந்திருக்க வேண்டும். என்ன மாதிரியான மண்ணில், என்ன காய்கறிகள் வளரும், அதற்கு விதைகளை தேர்ந்தெடுப்பது எப்படி, அதற்கு உரம் போடுவது, நீர் ஊற்றுவது, பூச்சியில் இருந்து பாதுகாப்பது உள்ளிட்ட பல்வேறு நிலைகளைப் பற்றி நீங்கள் நன்றாக அறிந்திருந்தால் மட்டுமே, உங்களால் செடிகள் அல்லது விதைகள் நட்டு, காய்கறி அல்லது பழங்களை அறுவடை செய்ய முடியும்.

    ஆனால், உங்களுக்கு செடி வளர்ப்பு பற்றி எதுவுமே தெரியாது. உங்களுக்கு உணவு மட்டுமே தேவை, அதை வாங்கும் பணம் இருக்கிறது என்னும் போது, சந்தை அல்லது சூப்பர் மார்க்கெட்டுக்கு சென்று உங்களுக்கு தேவையானதை நேரடியாகப் பெற்றுக் கொள்ளலாம். இது தான் மியூச்சுவல் ஃபண்ட் மற்றும் பங்குச்சந்தைக்கு இடையேயான வேறுபாடு.

    உங்களிடம் முதலீடு செய்ய பணம் உள்ளது, முதலீடு செய்ய விருப்பம் உள்ளது. ஆனால் நிதிகள் பற்றியும், முதலீடுகள் பற்றியும் அல்லது பங்குச்சந்தை பற்றியும் எதுவுமே தெரியாது என்னும் போது, உங்களுக்கு பொருத்தமான முதலீடு, மியூச்சுவல் ஃபண்ட் தான். நேரடியாக ஒரு நிறுவனத்தின் பங்குகளில் முதலீடு செய்வது என்பது அதிக ஆபத்தைக் கொண்டுள்ளது.

    மியூச்சுவல் ஃபண்டு முதலீடுகளில், எந்த திட்டங்களில் முதலீடு செய்யலாம் என்பதைத் தேர்வு செய்வதற்கு, உங்களுக்கு உதவ பங்குச்சந்தை பற்றி நன்கு அறிந்த ஒரு தொழில்முறை நிதி மேலாளர் இருப்பார். இந்த காரணங்களுக்காக, பங்குச் சந்தையைப் பற்றி அதிகம் தெரியாத ஒரு புதிய முதலீட்டாளருக்கு பரஸ்பர நிதிகள் சிறந்தவை.

    also read : மியூச்சுவல் ஃபண்டை எவ்வாறு தேர்வு செய்வது? அதிக லாபம் தரும் திட்டம் எது?

    மியூச்சுவல் ஃபண்ட் மற்றும் பங்குகளில் முதலீடு திட்டங்களின் பிற வேறுபாடுகள்  :

    தனி நபரின் நிதி இலக்கு :

    பங்குகள் என்பது, ஒரு நிறுவனத்தின் வளர்ச்சிக்கு உதவும் ஒரு வகையான மார்கெட்டிங் உத்தியின் பகுதியாகவே கருதப்படுகிறது. ஒவ்வொரு நிறுவனமும் ஓவ்வொரு வகையாக வளர்ச்சி அடையும். நிறுவனத்தின் மதிப்பு எப்போது அதிகரிக்கும் எப்போது குறையும் என்பதை மிகவும் துல்லியமாகக் கணிக்க முடியாதுஆனால், மியூச்சுவல் ஃபண்ட் என்பது, தனி நபரின் நிதி இலக்குகளுக்கு மிகவும் உதவியாக இருக்கும் முதலீட்டு  திட்டமாகும்.

    டீமேட் கணக்கு  :

    நீங்கள் பங்குகளில் முதலீடு செய்ய விரும்பினால், முதலில் ஒரு டீமேட் கணக்கை தொடங்க வேண்டும். ஆனால், மியூச்சுவல் ஃபண்ட் முதலீட்டு திட்டங்களுக்கு டீமேட் கணக்குத் தேவையில்லை.

    முதலீட்டின் நிர்வாகம்  :

    மேலே குறிப்பிட்டுள்ளது போல, ஒவ்வொரு மியூச்சுவல் ஃபண்ட் திட்டமும், முதலீடும் ஒரு பிரத்யேகமான ஃபண்ட் மேனேஜரால் நிர்வகிக்கப்படுகிறது. ஆனால், பங்குகள் வாங்கும் போது, அந்த பங்கை நிர்வாகம் செய்வது நீங்கள் மட்டுமே.

    நிலையான மாதாந்திர முதலீட்டுத் திட்டம் :

    பங்குகளில் முதலீடு செய்வதென்பது, மாதாந்திர முதலீடாக இருக்காது. நீங்கள் விரும்பும் போதெல்லாம் பங்குகளில் முதலீடு செய்யலாம், அதனை விற்கலாம், பிறருக்கு மாற்றலாம். ஆனால், மியூச்சுவல் ஃபண்ட் உங்களுக்கு மாதாந்திர முதலீட்டு திட்டத்தையும் வழங்குகிறது, அந்த திட்டத்தின் பெயர் SIP. இதன் மூலம், நீங்கள் ஒவ்வொரு மாதமும் ஒரு குறிப்பிட்ட தொகையை மியூச்சுவல் ஃபண்டில் முதலீடு செய்யலாம்.

    பல்வகை நிதி ஃபோர்ட்போலியோ :

    உங்கள் வருமானம் மற்றும் முதலீட்டு லாபம் அதிகமாக இருக்க வேண்டும் என்று விரும்பினால், அதற்கு மியூச்சுவல் ஃபண்ட் உதவியாக இருக்கும். உங்களுக்காக பல்வகைப்பட்ட போர்ட்ஃபோலியோவை மியூச்சுவல் ஃபண்ட் திட்டங்களில் முதலீடு செய்து உருவாக்கலாம். அவற்றில், பங்குகளும் அடங்கும். ஆனால், நிறுவனத்தின் பங்குகள் என்று வரும் போது, அது ஒரே வகையான முதலீட்டை மட்டுமே குறிக்கின்றது.

    also read : பணத்தை சேமிப்பதை விட முதலீடு செய்வது எப்படி சிறப்பானது - முக்கிய வேறுபாடுகள் என்ன?

    ரிஸ்க் இருந்தாலும் வருமானம் அதிகம் :

    மியூச்சுவல் ஃபண்ட் பொறுத்தவரை நீங்கள் எவ்வளவு அதிகமாக ரிஸ்க் எடுக்கிறீர்களோ, அந்த அளவுக்கு அதிகமாக லாபமும், வருமானமும் பெறுவீர்கள். குறிப்பாக, ஒரே மாதிரியான பங்குகளில் மியூச்சுவல் ஃபண்ட் முதலீடுகள் செய்யப்படுவதில்லை. உங்கள் முதலீட்டின் ஈக்விட்டி பங்குகள் வீழ்ச்சி அடைந்தால், உங்கள் ஃபோர்ட்போலியோவின் கடன் பங்குகள் அல்லது மற்ற நிதி திட்டங்கள் அந்த வீழ்ச்சியினால் ஏற்படும் நட்டத்தை ஈடு செய்யும். ஆனால், பங்குகளில் நேரடி முதலீடு உங்களுக்கு இந்த பாதுகாப்பை வழங்காது.

    நீண்ட கால வளர்ச்சி, சேமிப்பு மற்றும் வருமானம்  :

    மியூச்சுவல் ஃபண்டுகள் நீண்ட கால வளர்ச்சிப் பாதையை கருத்தில் கொண்டு முதலீடு செய்யப்படுகின்றன. நீங்கள் முதலீடு செய்த 5-7 ஆண்டுகளுக்குப் பிறகுதான் உங்களுக்கு வருமானத்தைத் தரும். ஆனால்அதே நேரத்தில் பங்குகளை நீங்கள் சரியான நேரத்தில் வாங்கி விற்று கணிசமான தொகையை விரைவிலேயே லாபமாகப் பெறலாம்.

    வரி விலக்கு :

    பங்குகளில் நேரடி முதலீடு செய்வது உங்களுக்கு வருமான வரி பிரிவு 80CCG இன் கீழ் மட்டுமே வரி சலுகைகளை வழங்கும். அதே சமயம் மியூச்சுவல் ஃபண்ட் முதலீடுகள், பிரிவு 80CCG மற்றும் 80C இன் கீழ் ஈக்விட்டி-இணைக்கப்பட்ட சேமிப்புத் திட்டமாக (ELSS) இருந்தால் வரிவிலக்கு கோரலாம்.

     

     

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தைஇங்கே கிளிக்செய்து ஃபாலோ செய்யுங்கள்.. செய்திகளை உடனுக்குடன் பெறுங்கள். Also Follow @ Facebook, Twitter, Instagram, Sharechat,Telegram, YouTube

    Published by:Tamilmalar Natarajan
    First published: