மேலும் உயரும் தங்கம், வெள்ளி விலை.. வரி அதிகரிப்பால் ஷாக் கொடுத்த பட்ஜெட்!

மத்திய நிதியமைச்சர் நிர்மலா சீதாராமன் நாடாளுமன்றத்தில் இன்று பட்ஜெட்டை தாக்கல் செய்து உரையாற்றினார். இந்தியாவின் பொருளாதாரம் சிறப்பான முறையில் வளர்ந்து வருவதாக தெரிவித்த அவர், பல்வேறு முக்கிய விஷயங்கள் குறித்தும் விளக்கினார்.

மகளிர் சுய உதவிக்குழுக்கள் புத்தொழில் நிறுவனங்கள் தொடங்க நடவடிக்கை எடுக்கப்பட்டு வருவதாகவும், விவசாய தொழில்முனைவோருக்கு சிறப்பு நிதி ஒதுக்கீடு செய்யப்படும் எனவும், தினை உணவு உற்பத்தி மற்றும் ஏற்றுமதியில் இந்தியா முன்னிலையில் உள்ளது எனவும் கூறினார். மாநிலங்களுக்கு வழங்கப்படும் கடன் குறித்து பேசிய நிர்மலா சீதாராமன், மாநிலங்களுக்கான வட்டியில்லா கடன் மேலும் ஓராண்டிற்கு நீட்டிக்கப்பட்டுள்ளது என்று அறிவித்தார்.

தங்கம் வெள்ளி விலை குறையுமா என்று எதிர்பார்ப்பு நிலவி வந்த நிலையில் தங்கம், வைரம், வெள்ளி மீதான சுங்க வரி உயர்த்தப்பட்டுள்ளது. இதனால் தங்கம் வெள்ளி விலை உயரும் நிலை உருவாகியுள்ளது