பட்ஜெட் 2023: டிவி முதல் செல்போன் வரை... விலை குறையும் பொருட்கள் லிஸ்ட்...!

மத்திய நிதியமைச்சர் நிர்மலா சீதாராமன் நாடாளுமன்றத்தில் இன்று பட்ஜெட்டை தாக்கல் செய்து உரையாற்றினார். இந்தியாவின் பொருளாதாரம் சிறப்பான முறையில் வளர்ந்து வருவதாக தெரிவித்த அவர், பல்வேறு முக்கிய விஷயங்கள் குறித்தும் விளக்கினார். 2023 - 24ஆம் நிதியாண்டில் நிதிப்பற்றாக்குறை மொத்த உள்நாட்டு உற்பத்தியில் 5.9 சதவிகிதமாக இருக்கும் எனவும் தெரிவித்தார்.

157 செவிலியர் மருத்துவக் கல்லூரிகள் தொடங்கப்படும் எனவும், மகளிருக்கான புதிய சிறுசேமிப்பு திட்டம் அறிமுகப்படுத்தப்படும் எனவும் அதிகபட்சமாக ரூ.2 லட்சம் முதலீடு செய்யலாம், 7.5 சதவிகிதம் வட்டி கிடைக்கும் எனவும் அறிவித்தார். மத்திய அரசின் பழைய வாகனங்கள் மாற்றப்படும், மாநில அரசின் பழைய வாகனங்களை மாற்ற நிதி வழங்கப்படும் என்றும் குறிப்பிட்டார்.

Budget 2023 Live: உடனுக்குடன் தகவல்கள் இங்கே

சைக்கிள், பொம்மைகளுக்கான வரி குறைக்கப்படுவதாக அறிவித்த அவர், “டிவி பேனல்களுக்கான சுங்க வரி 2.5 சதவிகிதம் குறைகிறது. இதனால் டிவி விலை குறையும். குறிப்பிட்ட சில மொபைல் உதிரி பாகங்களை இறக்குமதி செய்வதற்கான சுங்க வரி குறைக்கப்படுகிறது. மின்சார வாகனங்களில் பயன்படுத்தப்படும் லித்தியம், அயன் பேட்டரி இறக்குமதிக்கு வரிச்சலுகை அளிக்கப்படும்” என்று கூறியுள்ளார்.