• HOME
  • »
  • NEWS
  • »
  • business
  • »
  • ஃபிக்ஸட் டெபாசிட் & ரெக்கரிங் டெபாசிட் என்றால் என்ன? யார் எதை தேர்வு செய்யலாம்!

ஃபிக்ஸட் டெபாசிட் & ரெக்கரிங் டெபாசிட் என்றால் என்ன? யார் எதை தேர்வு செய்யலாம்!

ரெக்கரிங் டெபாசிட்

ரெக்கரிங் டெபாசிட்

Recurring Deposit vs Fixed Deposit : FD-ஐ பொறுத்த வரை ஒருவர் குறைந்தபட்சம் 3 மாதங்களில் இருந்து அதிகபட்சம் 10 ஆண்டுகள் வரை இந்த திட்டத்தில் முதலீடு செய்யலாம்.

  • Share this:
    நம் நாட்டை பொறுத்த வரை பணத்தை சேமிக்க எஃப்.டி மற்றும் ஆர்டி என்றழைக்கப்படும் ஃபிக்ஸட் டெபாசிட் (Fixed Deposit - நிலையான வைப்பு தொகை) மற்றும் ரெக்கரிங் டெபாசிட் (Recurring Deposit - தொடர் வைப்புத்தொகை) ஆகிய 2 சேமிப்பு விருப்பங்கள் பிரபலமாக இருக்ககின்றன.

    மேற்காணும் இரண்டில் ஏதேனும் ஒன்றில் நீங்கள் உங்கள் சேமிப்பை முதலீடு செய்ய திட்டமிடுவதற்கு முன்னர், இவை இரண்டிருக்கும் இடையே உள்ள வேறுபாடுகள் மற்றும் நன்மைகள் என்ன என்பதை முதலில் அறிந்து கொள்ள வேண்டும். முதல் முறை முதலீட்டு முயற்சியில் இருப்பவர்கள் FD மற்றும் RD ஆகிய இரண்டுக்கும் இடையே குழப்பம் கொள்வது மிகவும் பொதுவான ஒன்று.

    நாட்டில் இருக்கும் பெரும்பாலான வங்கிகளால் ஃபிக்ஸட் டெபாசிட் மற்றும் ரெக்கரிங் டெபாசிட் திட்டங்கள் வழங்கப்பட்டாலும், இரண்டுமே சில நன்மைகளை கொண்டுள்ளன. FD அல்லது RD திட்டத்தில் முதலீடு செய்யும் முன், குறிப்பிட்ட திட்டத்தில் கிடைக்கும் வட்டி விகிதம் மற்றும் முதலீட்டு வரம்பு போன்ற சில முக்கிய அம்சங்களை பற்றி அறிந்து கொள்ள வேண்டும். பலருக்கு தங்களது சேமிப்பு பணத்தை FDஅல்லது RD இரண்டில் எதில் போடுவது என்ற குழப்பம் இருக்கும். பணத்தை எதில் முதலீடு செய்தால் நல்ல லாபம் கிடைக்கும், இரண்டிற்குமான வேறுபாடுகள் உள்ளிட்ட பல தகவல்களை இங்கே பார்க்கலாம்.,

    FD என்றால் என்ன?

    ரிஸ்க் எடுக்க தயங்கும் முதலீட்டாளர்களுக்கு FD கணக்குகள் சிறந்த தேர்வாக இருக்கும். இதில் நீங்கள் செலுத்தும் தொகைக்கான வட்டி விகிதம் முன்கூட்டியே தீர்மானிக்கப்படுகிறது. வங்கிகள் அல்லது NBFC-க்களால் வழங்கப்படும் நிதி திடமான இது முதலீட்டாளர்களுக்கு கொடுக்கப்பட்ட மெச்சூரிட்டி தேதி வரை வழக்கமான சேவிங்ஸ் அக்கவுண்ட்டை விட அதிக வட்டி விகிதத்தை வழங்குகிறது. இந்த திட்டத்தின் கீழ் நீங்கள் ஒரே முறை தான் பணத்தை போடுவீர்கள். மெச்சூரிட்டியின் முடிவில் நீங்கள் செலுத்தியுள்ள மொத்த முதலீட்டு தொகையுடன் சேர்த்து குறிப்பிட்ட அளவிலான வட்டி தொகையையும் பெறுவீர்கள்.

    RD என்றால் என்ன?

    ஆர்டி எனப்படும் தொடர் வைப்பு தொகை திட்டமானது மக்களிடையே சேமிப்பை ஊக்குவிப்பதை நோக்கமாக கொண்டது. ஒரு வங்கியின் அல்லது நிதி நிறுவனத்தின் தொடர் வைப்பு தொகை திட்டத்தில் சேரும் ஒருவர் மாதா மாதம் குறிப்பிட்ட தொகையை தங்களது RD கணக்கில் செலுத்தி கொண்டே வரலாம். முதலீட்டாளர்கள் ஒவ்வொரு மாதமும் தாங்கள் விரும்பும் தொகையை முதலீடு செய்ய மற்றும் சேமிக்கும் நெகிழ்வுத்தன்மையை ரெக்கரிங் டெபாசிட் எனப்படும் தொடர் வைப்புத்தொகை வழங்குகிறது. இதன் வட்டி விகிதம் பொதுவாக 5.00% - 7.85% வரை இருக்கும்.

    எவ்வளவு ஆண்டுகள்?

    FD-ஐ பொறுத்த வரை ஒருவர் குறைந்தபட்சம் 3 மாதங்களில் இருந்து அதிகபட்சம் 10 ஆண்டுகள் வரை இந்த திட்டத்தில் முதலீடு செய்யலாம். அதுவே RD என்றால் குறைந்தபட்சம் 6 மாதங்கள் முதல் 10 ஆண்டுகள் வரை முதலீடு செய்யும் வகையிலான திட்டங்கள் வங்கி மற்றும் நிதி நிறுவங்களால் வழங்கப்படுகின்றன.

    முக்கிய வேறுபாடுகள்:

    * FD-ல் ஒரு குறிப்பிட்ட காலத்திற்கு ஒரு தொகை டெபாசிட் செய்யப்படுகிறது. அதாவது ஒரே ஒரு முறை தான் டெபாசிட் செய்யப்படும். ஆனால் RD-ல் வாடிக்கையாளர் நீண்ட காலத்திற்கு சிறிய இடைவெளியில் நிலையான தொகைகளை டெபாசிட் செய்கிறார். RD-ன் காலம் முடிவடையும் போது, நீங்கள் அதுவரை கட்டிய முழு தொகையுடன் வட்டி தொகையும் உங்களுக்கு திருப்பிச் செலுத்தப்படும். டெபாசிட்கள் மாதம் மாதம் மீண்டும் செய்யப்படும் போது FD-லிருந்து வேறுபடுகிறது.

    * FD-ல் முதலிலேயே நீங்கள் மொத்த தொகையையும் செலுத்து விடுவதால் தீர்மானிக்கப்பட்ட வட்டியை பெறுவீர்கள். RD-ல் மாதாமாதம் நீங்கள் தொகையை செலுத்துவதால் திட்டத்தின் முடிவில் அதற்கேற்ப வட்டியை பெறுவீர்கள்.

    ALSO READ |  சேமிப்புக் கணக்கிலிருந்து பணம் எடுப்பதற்கு வங்கிகள் நிர்ணயித்துள்ள வரம்புகள் என்ன!

    * FD-ல் சற்று உயர்ந்த தொகையை முதலீடு செய்வது எதிர்பார்க்கும் நமைகளை அளிக்கும். ஆனால் குறைந்தபட்ச தொகையை மாதாந்திர அல்லது எந்த ஒரு குறிப்பிட்ட காலத்தில் முதலீடு செய்ய விரும்பும் நபர்களுக்கு RD நல்ல தேர்வாக இருக்கிறது.

    * வட்டி விகிதப்படி எதில் நல்ல லாபம் கிடைக்கும் என்றால் நிச்சயம் FD தான். உதாரணமாக நீங்கள் FD மற்றும் RD ஓராண்டு திட்டத்தை எடுத்து கொண்டால் FD-ல் நீங்கள் முதலீடு செய்யும் மொத்த தொகையும் ஓராண்டிற்கு நிர்ணயிக்கப்பட்டிருக்கும் வட்டியை சம்பாதித்து கொண்டிருக்கும். ஆனால் RD-ல் நீங்கள் 1 வருட திட்டத்தை எடுத்து கொண்டு முதல் மாதம் தவணை செலுத்தும் போது அது 12 மாதத்திற்கான வட்டியை பெறும். இரண்டாம் மாதம் கட்டும் போது அது 11 மாதத்திற்கான வட்டியை மட்டுமே பெறும். மூன்றாம் மாதத்தில் 10 மாத வட்டி என குறைந்து கொண்டே தான் செல்லும். எனவே RD-ஐ விட அதிக லாபம் FD-ல் தான்.

    ALSO READ |  ஃபிக்சட் டெபாசிட் போல மியூச்சுவல் ஃபண்ட்கள் ஏன் நிலையான வட்டி விகிதத்தை வழங்குவதில்லை? காரணம் இதோ!
     

    * FD மற்றும் RD இரண்டுமே வரிக்கு உட்பட்டவை. அதாவது இந்த 2 திட்டங்களிலும் பெறப்படும் வட்டிக்குமே வரி விதிக்கப்படும். ஆனால் RD-ஐ பொறுத்த வரை, TDS செலுத்துவது கட்டாயமில்லை, ஆனால் தனிநபர் ITR (வருமான வரிக் கணக்கு) தாக்கல் செய்யும் போது பெற்ற வட்டியைக் குறிப்பிட வேண்டும். FD-ல் டெபாசிட் தொகைக்கு கிடைக்கும் வட்டி குறிப்பிட்ட தொகைக்கும் மேல் இருந்தால் அக்கவுண்ட் ஹோல்டர் TDS செலுத்த வேண்டும்.

    யார் எதை தேர்வு செய்யலாம்?

    மேலே குறிப்பிடப்பட்ட அம்சங்கள் மற்றும் வேறுபாடுகள் FD மற்றும் RD பற்றிய சந்தேகங்களை தெளிவுபடுத்தி இருக்கும். எப்போதும் எல்லோரிடமும் பெரிய தொகை இருக்காது. 1 லட்சம் 2 லட்சம் அல்லது அதற்கு மேல் பணத்தை முதலீடு செய்ய நினைப்பவர்களுக்கு FD சிறந்த தேர்வாக இருக்கும். அதே சமயம் நல்ல வட்டியை பெற்று தரும்.

    பெரிய தொகை இல்லாமல் முதலீடு அல்லது சேமிப்பில் ஈடுபடாதவர்களுக்கு RD பெரிதும் உதவும். ஏனென்றால் எதுவுமே செய்யாமல் இருப்பதை விட எதையாவது செய்து கொண்டிருப்பது மேல் அல்லவா? உங்களிடம் புழங்கும் பணத்திற்கேற்ப RD திட்டத்தை தேர்வு செய்து மாதம் மாதம் சரியாக பணத்தை போடுவது சேமிப்பு பழக்கத்தையும் வளர்த்து, நீங்கள் செலுத்தும் சிறிய தொகைக்கு ஏற்ப சிறிய அளவிலான வட்டியை உங்களிடம் கொண்டு வந்து சேர்க்கும்.

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தைஇங்கே கிளிக்செய்து ஃபாலோ செய்யுங்கள்.. செய்திகளை உடனுக்குடன் பெறுங்கள். Also Follow @ Facebook, Twitter, Instagram, Sharechat,Telegram, YouTube

    Published by:Sankaravadivoo G
    First published: