Home /News /business /

மாதம் ரூ. 5000 வரை கிடைக்கும்.. போஸ்ட் ஆபீஸூக்கு சென்று உடனே இதை செய்யுங்கள்!

மாதம் ரூ. 5000 வரை கிடைக்கும்.. போஸ்ட் ஆபீஸூக்கு சென்று உடனே இதை செய்யுங்கள்!

போஸ்ட் ஆபீஸ்

போஸ்ட் ஆபீஸ்

போஸ்ட் ஆபீஸில் இருக்கும் மாதாந்திர வருமான திட்டத்தில் முதலீடு செய்பவர்களுக்கு 6.6% ஆண்டு வட்டி வழங்கப்படுகிறது.

    போஸ்ட் ஆபீஸின் மாத வருமானம் திட்டத்தில் (mis) பணத்தைச் சேமிக்க நினைப்பது நல்ல முடிவாகும். சமீபகாலமாக இந்த திட்டத்தில் வேலைக்கு செல்லும் கணவன் - மனைவி, கூட்டுக்கணக்கு வைத்திருப்பவர்கள் பலரும் சேர்ந்து பணத்தை சேமித்து வருகின்றனர். நிலையான வருமானத்திற்கு உத்தரவாதம் அளிக்கும் இந்த திட்டத்தில் முதலீட்டாளர்களுக்கு அதிக சலுகைகளும் வழங்கப்படுகின்றன. போஸ்ட் ஆபீஸில் செயல்பாட்டில் இருக்கும் MIS கணக்கில் முதலீடு செய்வதன் மூலம் மாதத்திற்கு கிட்டத்தட்ட 5,000 ரூபாய் வட்டியைப் பெறலாம் தெரியுமா?

    போஸ்ட் ஆபீஸில் மாத வருமானம் திட்டத்தின் கீழ் ஒருவர் தனி கணக்கு அல்லது கூட்டுக் கணக்கைத் திறக்கலாம். அதிகபட்ச முதலீட்டு வரம்பு தனி கணக்கிற்கு ரூ.4.5 லட்சமாகவும், கூட்டுக் கணக்குகளுக்கு ரூ.9 லட்சமாகவும் இருக்கிறது. ஒரு தனிநபர் அதிகபட்சமாக ரூ 4.5 லட்சத்தை இந்த திட்டத்தில் முதலீடு செய்யலாம் கூட்டுக் கணக்கில் இருவர் சேர்ந்து ரூ. 9 லட்சம் வரை முதலீடு செய்ய முடியும்.

    SBI விடுத்த எச்சரிக்கை.. மொபைலுக்கு இப்படி மெசேஜ் வந்தால் ஜாக்கிரதையா இருங்கள்!

    ஒவ்வொரு மாதமும் ரூ. 5,000 சம்பாதிப்பது எப்படி?

    போஸ்ட் ஆபீஸில் இருக்கும் மாதாந்திர வருமான திட்டத்தில் முதலீடு செய்பவர்களுக்கு 6.6% ஆண்டு வட்டி வழங்கப்படுகிறது. போஸ்ட் ஆபிஸ் மாத வருமான திட்டத்தின் கீழ் கூட்டுக் கணக்கில் ரூ.9 லட்சத்தை முதலீடு செய்தால், ஒரு வருடத்தில் நீங்கள் பெறும் மொத்த வட்டி 6.6 சதவீதமாக ரூ.59,400 ஆக இருக்கும். அதை 12 ஆல் வகுக்க வேண்டும் என்றால், அதாவது ஒரு வருடத்தில் உள்ள மாதங்களின் எண்ணிக்கை, கணக்கீடுகளின்படி தபால் அலுவலக MIS மூலம் உங்கள் மாத வருமானம் ரூ.4,950 ஆக இருக்கும்.  கூட்டுக் கணக்குகளுக்கு மட்டுமே இது பொருந்தும் என்பதை கவனத்தில் கொள்ள வேண்டும். தனி கணக்குகளுக்கு, வைப்புத்தொகை பாதியாகக் குறைவதால், வட்டி மாதத்திற்கு ரூ.2,475 ஆக இருக்கும்.

    ரிட்டயர்மென்ட் காலத்துக்கு பிறகு ரூ.50,000 பென்ஷன் வேண்டுமா? இதை செய்யுங்கள்!

    தபால் அலுவலக MIS கணக்கை எவ்வாறு திறப்பது எப்படி?

    போஸ்ட் ஆஃபீஸ் மாத வருமான கணக்கைத் திறக்க, அஞ்சலகத்தில் சேமிப்புக் கணக்கு வைத்திருக்க வேண்டும். மேலும், ஆதார், வாக்காளர் அட்டை மற்றும் விருப்பங்கள் போன்ற அடையாளச் சான்று, இரண்டு பாஸ்போர்ட் அளவிலான புகைப்படங்கள் மற்றும் முகவரிச் சான்று உள்ளிட்ட அடிப்படை ஆவணங்களை நீங்கள் அளிக்க வேண்டும்.

    MIS கணக்கைத் திறக்க விரும்பமுள்ளவர்கள், கணக்கைத் திறப்பதற்கான குறைந்தபட்சத் தொகை ரூ. 1,000 என்பதைக் கவனத்தில் கொள்ள வேண்டும். அஞ்சலகத்தின் வழிகாட்டுதல்களின்படி, அதன்பின் வைப்புத்தொகை ரூ.1,000 மடங்குகளில் இருக்க வேண்டும். இந்த விதி ஏப்ரல் 1, 2020 முதல் அமலுக்கு வந்துள்ளது.அருகிலுள்ள தபால் நிலையத்தில் தங்கள் கணக்கைத் தொடங்கலாம்.

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.
    Published by:Sreeja
    First published:

    Tags: India post, Post Office, Savings

    அடுத்த செய்தி