Petrol Diesel Prices | தமிழகத்தில் 100 ரூபாயை நெருங்கிய பெட்ரோல் விலை...

பெட்ரோல், டீசல்

ராஜஸ்தான், மத்தியப் பிரதேசம், மகாராஷ்டிரா, ஆந்திரா, தெலுங்கானா மற்றும் லடாக் உள்ளிட்ட குறைந்தது ஆறு மாநிலங்கள் மற்றும் யூனியன் பிரதேசங்களில் பெட்ரோல் லிட்டருக்கு 100 ரூபாய்க்கு மேல் உள்ளது என்பது குறிப்பிடத்தக்கது. 

  • Share this:
    தமிழகத்தில் பெட்ரோல், டீசலின் விலை புதிய உச்சத்தை எட்டியுள்ளது. அதனால் வாகன ஓட்டிகள் கடும் அதிருப்தி அடைந்துள்ளனர்.

    பொதுத்துறையைச் சேர்ந்த, பாரத் பெட்ரோலியம், இந்தியன் ஆயில் நிறுவனம், ஹிந்துஸ்தான் பெட்ரோலியம் ஆகிய மூன்று நிறுவனங்கள், சர்வதேச கச்சா எண்ணெய் விலைக்கு ஏற்ப, தினமும் பெட்ரோல், டீசல் விலையை நிர்ணயித்து வருகின்றன.

    அதன்படி, கடந்த மே மாதத்தில் மட்டும் 19 முறை எரிபொருள் விலை உயர்த்தப்பட்டுள்ளது. இதனிடையே மாநிலங்களின் வரிவிதிப்பு காரணமாக ஒவ்வொறு மாநிலங்களிலும் பெட்ரோல் , டீசல் விலையில் வித்தியாசம் காணப்படுகிறது. இதன் காரணமாக ராஜஸ்தான், மகாராஷ்டிரா, மத்திய பிரதேசம் ஆகிய மாநிலங்கள் மட்டுமல்லாது தென் மாநிலங்களான ஆந்திரா, தெலுங்கானா ஆகிய மாநிலங்களில் ஏற்கெனவே பெட்ரோலின் விலை ரூ.100 ஐ கடந்துள்ளது. தற்போது, தமிழ்நாட்டிலும் பெட்ரோலின் விலை 100 ரூபாயை நெருங்கி வருகிறது. தற்போதைய விலையேற்றம் தொடர்ந்தால் தமிழகத்திலும் ஓரிரு நாளில் பெட்ரோலின் விலை 100 ரூபாயைக் கடந்துவிடும்.

    தமிழகத்தின் தலைநகரான சென்னையில் நேற்று  பெட்ரோல், லிட்டர் 97.19 ரூபாய், டீசல் லிட்டர் 91.42 ரூபாய்க்கும் விற்பனை செய்யப்பட்டது. இந்நிலையில், இன்று பெட்ரோல் விலை 24 காசுகள் உயர்ந்து லிட்டர் பெட்ரோல் 97.43 ரூபாய்க்கும், டீசல் விலை 22 காசு அதிகரித்து லிட்டர் டீசல் 91.64 ரூபாய்க்கும் விற்பனை செய்யப்படுகிறது.

    மேலும் படிக்க... கரும்பூஞ்சைக்கும் பல் வலிக்கும் என்ன தொடர்பு? 

    தமிழகத்தின் பிற மாவட்டங்களில் சற்று ஏற்ற இறக்கமாக இருந்துவருகிறது. அதிகபட்சமாக கடலூர் மாவட்டம் குமராட்சியில் ஒரு லிட்டர் பெட்ரோல் 100.1 காசுகளாகவும், டீசல் 94ரூபாய் 07காசுகளாகவும் விற்பனை செய்யபடுகிறது.

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.

    அதேபோல மும்பையில் ஒரு லிட்டர் பெட்ரோல் விலை ரூ 102.30 ஆகவும், டீசல் விலை ரூ 94.39 ஆகவும் விற்பனை செய்யப்படுகிறது. தலைநகர் டெல்லியில், ஒரு லிட்டர் பெட்ரோல் சில்லறை விற்பனைக்கு ரூ 96.12 ஆகவும், டீசல் ரூ 86.98 ஆகவும்விற்பனை செய்யப்படுகிறது. கொல்கத்தாவில், தொடர்ந்து உயர்ந்து வரும் பெட்ரோல் விலை லிட்டருக்கு ரூ 96.06 ஆகவும், டீசல் லிட்டருக்கு        ரூ 89.83 ஆகவும் விற்கப்படுகிறது.

    மேலும் படிக்க... இன்றைய காலை தலைப்புச் செய்திகள் (ஜூன் 12, 2021)

    ராஜஸ்தான், மத்தியப் பிரதேசம், மகாராஷ்டிரா, ஆந்திரா, தெலுங்கானா மற்றும் லடாக் உள்ளிட்ட குறைந்தது ஆறு மாநிலங்கள் மற்றும் யூனியன் பிரதேசங்களில் பெட்ரோல் லிட்டருக்கு 100 ரூபாய்க்கு மேல் உள்ளது என்பது குறிப்பிடத்தக்கது.

    இதற்கிடையில், ஜூன் 11 ம் தேதி காங்கிரஸ் பல பகுதிகளில் அதிகரித்து வரும் எரிபொருள் விலையை எதிர்த்து ஆர்ப்பாட்டம் நடத்தியது. போது குஜராத், டெல்லி மற்றும் உத்தரபிரதேசத்தில் கோவிட் நெறிமுறையை மீறியதாகவும், அனுமதியின்றி ஆர்ப்பாட்டம் செய்ததாகவும் 150 க்கும் மேற்பட்ட உறுப்பினர்கள் தடுத்து நிறுத்தப்பட்டனர்.
    Published by:Vaijayanthi S
    First published: