Home /News /business /

அதிர்ச்சி தரும் பெர்சனல் லோன் பற்றிய உண்மைகள்.. இனியாவது கவனமாய் இருங்கள்!

அதிர்ச்சி தரும் பெர்சனல் லோன் பற்றிய உண்மைகள்.. இனியாவது கவனமாய் இருங்கள்!

பெர்சனல் லோன்

பெர்சனல் லோன்

Personal Loan: கடன் வாங்கும் போதே, ஒரு மாதமோ அல்லது 2 மாத வட்டியையோ பிடித்துவிட்டு, பணத்தை கொடுக்கும் நிறுவனங்களிடம் கடன் வாங்குவதை தவிர்க்கவும்

அவசர தேவைக்கு, வங்கிகள் தனிநபர் கடனை, உடனுக்குடன் வழங்குகின்றன. ஆனால் அதில் கவனிக்க வேண்டியவை என்ன? தனிநபர் கடனை எப்படி அணுகுவது? இதோ.....

1. எவ்வளவு வட்டி?

தனிநபர் கடன் வாங்கும் போது, வட்டி விகிதம் எவ்வளவு என்பதை பல வங்கிகளில் விசாரித்து உறுதி செய்ய வேண்டும். சிபில் ஸ்கோர் அடிப்படையில், சில வங்கிகளில் குறைந்த வட்டியில் கடன் கிடைக்க வாய்ப்புகள் அதிகம்.

2. யாரிடம் வாங்குகிறோம்?

வங்கிகள், வங்கி சாரா நிதி நிறுவனங்கள் மற்றும் தனியார் நிதி நிறுவனங்கள் என பலரும், பல விதமான வட்டி விகிதங்களில் கடன் வழங்குவார்கள். அனைத்தையும் பரிசீலனை செய்ய வேண்டும்.

இதையும் படிங்க.. Fixed Deposit திட்டத்தில் முதலீடு செய்ய விருப்பமா? நீங்கள் இந்த வங்கிகளுக்கு செல்வது பெஸ்ட் சாய்ஸ்!

3. சிபில் ஸ்கோர் முக்கியம்

தனிநபர் கடன் வாங்கும் போது, நல்ல சிபில் ஸ்கோர் மிக முக்கியம். பொதுவாக 750 புள்ளிகளுக்கு மேல் இருந்தால் நல்ல சிபில் ஸ்கோர் என்று சொல்லப்படுகிறது. குறைவாக சிபில் ஸ்கோர் காரணமாக, தனிநபர் கடன் விண்ணப்பம் நிராகரிக்கப்பட்டால், அதுவும் சிபில் ஸ்கோரை குறைக்கும்.

4. யாரிடம் வாங்க கூடாது?
கடன் வாங்கும் போதே, ஒரு மாதமோ அல்லது 2 மாத வட்டியையோ பிடித்துவிட்டு, பணத்தை கொடுக்கும் நிறுவனங்களிடம் கடன் வாங்குவதை தவிர்க்கவும். இது போன்ற நிறுவனங்களிடம் வட்டி விகிதம் மிகவும் அதிகமாக இருக்கும்.

5. எவ்வளவு நாளில் கடனை கட்ட வேண்டும்?
கடனை கூடிய விரைவில் கட்டிவிடும் வகையில், குறைவான கால அவகாசத்தை தேர்வு செய்ய வேண்டும். நீண்ட காலத்திற்கு கடனை செலுத்த வங்கிகள் அனுமதித்தாலும், தனிநபர் கடனில் வட்டி அதிகம் என்பதால், குறைந்த காலத்தில் கடனை செலுத்தும் வாய்ப்பை தேர்வு செய்வது சிறந்தது..

6. மாத தவணை ஏன் முக்கியம்?
சரியான நேரத்தில் மாத தவணை செலுத்துவதை உறுதி செய்ய வேண்டும். தாமதமாக செலுத்தும் மாத தவணைக்கு அபராத தொகை விதிக்கப்படும் என்பதை தவிர்த்து, இது சிபில் ஸ்கோரில் தாக்கத்தை ஏற்படுத்தும்.

7. தொடர்ந்து கடன் கேட்க வேண்டாம்...
அனைத்து நிறுவனங்களிடமும் கடன் தொடர்பாக, தொடர்ந்து விசாரிப்பதை தவிர்க்க வேண்டும். இவ்வாறு செய்தால், ஒருவர் கடன் வாங்கி செலவு செய்வதில் தான் அதிக கவனம் செலுத்துகிறார் என்ற தகவலை வங்கிகளுக்கு சொல்லும். அடுத்த முறை தேவைக்கு கடன் கேட்டால் கூட கிடைக்காமல் போகலாம்?

8. மறைந்திருக்கும் கட்டணங்கள்....
மறைமுக கட்டணங்கள் என்னென்ன? என்பதை முன்னரே கவனிக்க வேண்டும். கடனுக்கான ப்ராசசிங் கட்டணம் எவ்வளவு? தாமதமாக தவணை செலுத்தினால், அபராதம் எவ்வளவு என்பதை எல்லாம் முன்னரே கணக்கிட வேண்டும். ப்ராசசிங் கட்டணம் வங்கிக்கு வங்கி மாறுபடும்.

9. முன்னரே தவணையை செலுத்தினால் லாபமா?
தனிநபர் கடனை பொறுத்தவரை, கடன் தவணை காலம் முடிவதற்கு முன்னரே, கடனை கட்டி முடிப்பதால் எந்த லாபமும் பெரிதாக இருப்பது இல்லை. குறிப்பாக, தனியார் வங்கிகளில், மாத தவணை முடியும் முன்னரே தனிநபர் கடனை செலுத்த முற்பட்டால், FORECLOSURE FEES என்று ஒரு கட்டணம் வசூலிக்கப்படும். அந்த தொகை பெரும்பாலும், செலுத்த வேண்டிய வட்டி தொகைக்கு ஈடாக இருக்கும்.

இதையும் படிங்க.. முழுக்க முழுக்க குழந்தைகளுக்காகவே போஸ்ட் ஆபீஸ் இதை செய்கிறது!

10. 0% வட்டியில் பொருள் வாங்கலாம் என்பது உண்மையா?
வங்கியின் தொழிலே வட்டிக்கு கடன் கொடுப்பது தான் என்ற போது, வட்டி இல்லாமல் எப்படி கடன் கொடுப்பார்கள்... அந்த பொருளின் விலையில் வட்டி தொகையை சேர்தோ அல்லது இதர கட்டணங்கள் என்ற வகையிலோ வட்டி தொகை எப்படியும் வசூலிக்கப்பட்டுவிடும். பொருட்களை விற்பனையை அதிகரிக்க வேண்டும் என்பதற்காக, இதர கட்டணங்கள் குறைவாக இருக்கலாம்.



உடனடி செய்திகளுக்கு இணைந்திருங்கள்
Published by:Sreeja
First published:

Tags: Bank Loan, Personal Loan, Savings

அடுத்த செய்தி