ரூ. 7 லட்சம் வரை சம்பளம் வாங்குவோர் இனி வரி கட்டத் தேவையில்லை.. பட்ஜெட்டில் ஹேப்பி நியூஸ்..!

மத்திய நிதியமைச்சர் நிர்மலா சீதாராமன் நாடாளுமன்றத்தில் இன்று பட்ஜெட்டை தாக்கல் செய்து உரையாற்றினார். இந்தியாவின் பொருளாதாரம் சிறப்பான முறையில் வளர்ந்து வருவதாக தெரிவித்த அவர், பல்வேறு முக்கிய விஷயங்கள் குறித்தும் விளக்கினார். 2023 - 24ஆம் நிதியாண்டில் நிதிப்பற்றாக்குறை மொத்த உள்நாட்டு உற்பத்தியில் 5.9 சதவிகிதமாக இருக்கும் எனவும் தெரிவித்தார்.

Budget 2023 Live: உடனுக்குடன் தகவல்கள் இங்கே

தனி நபர் வருமான வரி தொடர்பாக பேசிய அவர், “ புதிய வருமான வரி திட்டத்தின்படி ரூ.7 லட்சம் வரை ஆண்டு வருமானம் பெறுவோர் வரி செலுத்த தேவையில்லை.

பழைய வருமான வரி திட்டத்தின் படி வருமான வரி விலக்கு உச்ச வரம்பு ரூ 2.50 லட்சத்தில் இருந்து 3 லட்சமாக உயர்த்தப்பட்டுள்ளது. ரூ. 3 லட்சத்தில் இருந்து 6 லட்சம் வரை ஆண்டு வருமானம் உள்ளவர்களுக்கு 5 சதவிகிதம் வரி விதிக்கப்படும், 6 லட்சத்தில் இருந்து 9 லட்சம் வரை 10 சதவிகிதமும், 9 லட்சத்தில் இருந்து 12 லட்சம் வரை 15 சதவிகித வருமான வரியும் விதிக்கப்படும். 12  முதல் 15 லட்சம் வரை வருமானம் உள்ளவர்களுக்கு 20 சதவிகிதமும்  15 லட்சத்திற்கு மேல் உள்ளவர்களுக்கு 30 சதவிகிதமும் வரி விதிக்கப்படும்” என்று முக்கிய அறிவிப்பை வெளியிட்டுள்ளார்.