Home /News /business /

கிரெடிட் கார்டுகளை புத்திசாலித்தனமாக பயன்படுத்துவது எப்படி.?

கிரெடிட் கார்டுகளை புத்திசாலித்தனமாக பயன்படுத்துவது எப்படி.?

credit cards

credit cards

Credit Cards | நீண்ட வட்டி இல்லாத காலத்தை பெற கிரெடிட் கார்டுகளை சுழற்சி முறையில் பயன்படுத்துவது, பல கிரெடிட் கார்டுகளை வைத்துக் கொள்வது போன்ற சிக்கலான விஷயங்களில் ஈடுபட வேண்டாம் என பொருளாதார வல்லுநர்கள் எச்சரிக்கின்றனர்.

கிரெடிட் கார்டு என்ற வார்த்தையை கேட்டாலே பலருக்கு வட்டி மேல் வட்டி போட்டு வசூலிக்கும் வங்கியின் கடன் தந்திரமாக தான் தெரிகிறது. உண்மையில், கிரெடிட் கார்டுகள் மிகவும் பயனுள்ளவை என்பது பலருக்கும் புரிவது கிடையாது. சிலர் பயன்படுத்தும் முறையால் சிக்கலில் சிக்கிக் கொண்டு கிரெடிட் கார்டுகள் மீது பழிசுமத்துவதாக கூறப்படுகிறது. எனவே கிரெடிட் கார்டுகள் தீமையானவையா?, அதனை எவ்வித சிக்கலும் இன்றி பயன்படுத்துவது எப்படி என்பதை பார்க்கலாம்...

கிரெடிட் கார்டுகள் நாம் செலவு செய்ய நினைப்பதை விட அதிகமாகச் செலவழிக்கத் தூண்டலாம் என்று சிலர் நினைக்கிறார்கள். அப்படியானால், பிரச்சனை கார்டு வைத்திருப்பவரிடமே தவிர கிரெடிட் கார்டு அல்ல. ஒரு கிரெடிட் கார்டை வைத்துக்கொண்டு அஞ்சி நடுங்கிய காலம் எல்லாம் போயே போச்சு, இப்பொதெல்லாம் ஐ.டி. போன்ற துறைகளில் வேலை செய்யும் இளம் தலைமுறையினர் 5 அல்லது அதற்கு மேற்பட்ட கிரெடிட் கார்டுகளை பயன்படுத்துகின்றனர். இது ஏதோ தன்னை மாஸாக காட்டிக்கொள்ள வேண்டும் என்பதற்காக அல்ல, சுழற்சி முறையில் நீண்ட கால வட்டி காலத்தை பெறுவதற்காக பயன்படுத்தப்படுகிறது. அதாவது முதல் கார்டு பேமெண்ட்டை, மற்றொரு கார்டு வைத்து கட்டுவது, அதனுடையதை இன்னொரு கார்டு மூலம் கட்டுவது என சுழற்சி முறையில் பயன்படுத்தி வருகின்றனர்.

இதனால் முழு நிலுவைத் தொகையையும் செலுத்த முடியாமல் போவதோடு, தேவையில்லாத அதிக செலவினங்களையும் செய்து சிக்கலில் மாட்டிக்கொள்கின்றனர். கிரெடிட் கார்டு பற்றிய தீமைகளை புரிந்து கொள்ள மக்கள் அதன் பின்னால் உள்ள நன்மையையும், அதனை எப்படி முறையாக பயன்படுத்த வேண்டும் என்பதையும் புரிந்து கொள்ளாததே காரணம்.

கிரெடிட் கார்டு பயன்படுத்தும் முன்பு அதன் பின்னால் மறைத்திருக்க கூடிய கணிதத்தை அறிந்துகொள்வது அவசியம்.



குறைந்த பட்ச நிலுவைத் தொகையை செலுத்துங்கள் (MAD):

கிரெடிட் கார்டு டெர்மினாலஜியில், MAD என்பது ‘குறைந்தபட்ச நிலுவைத் தொகை’ என்பதைக் குறிக்கிறது. உங்கள் கார்டு கணக்கை முறையாக வைத்திருக்க, கடைசி தேதிக்கு முன் நீங்கள் செலுத்த வேண்டிய குறைந்தபட்ச தொகை இதுவாகும். குறைந்தபட்ச தொகையை செலுத்துவதன் மூலம், தாமதமாக செலுத்தும் கட்டணம் மற்றும் உங்கள் கிரெடிட் ஸ்கோரில் ஏதேனும் எதிர்மறையான தாக்கம் ஏற்படுவதை நீங்கள் தவிர்க்க முடியும்.

குறைந்த பட்ச தொகையை செலுத்தினாலும், நீங்கள் நிலுவையில் உள்ள தொகைக்கு வட்டி செலுத்த வேண்டும். மேலும் கிரெடிட் கார்டுகளின் மீதான வட்டி ஆண்டுக்கு 40 சதவிகிதமாக இருக்கும் என்பது பெரும்பாலானோருக்கு தெரிந்த விஷயமே. இதை நன்றாக புரிந்து கொள்ள ஒரு எளிய உதாரணத்தை எடுத்துக் கொள்வோம்.

Also Read : குழந்தைகள் வங்கி கணக்கு ஓபன் செய்ய முடியுமா.? முழு விபரம்!

உங்கள் கிரெடிட் கார்டு நிலுவையில் உள்ளது ரூபாய் 30 ஆயிரம் என வைத்துக்கொள்வோம். மற்றும் குறைந்தபட்ச நிலுவைத் தொகை ரூ.1,500 என்றால், உங்களுக்கான ஆப்ஷன்கள் என்னென்ன,

1. நிலுவைத் தேதிக்கு முன் ரூ. 30,000 முழுவதையும் செலுத்தலாம்.

2. நீங்கள் செலுத்த வேண்டிய குறைந்தபட்சத் தொகையான ரூ. 1,500 மட்டுமே நிலுவைத் தேதிக்கு முன் செலுத்தலாம்.

3. இல்லையேல் இந்த இரண்டு ஆப்ஷனையும் எடுக்காமல், பணத்தை திரும்ப செலுத்தாமல் இருக்க நினைக்கலாம்.



இந்த 3 ஆப்ஷன்களிலும் அடுத்து என்ன நடக்கும்.?

1. நீங்கள் அனைத்து நிலுவைத் தொகைகளையும் செலுத்திவிட்டதால் வட்டி எதுவும் செலுத்தப்படாது மற்றும் நிலுவைத் தேதியில் நிலுவைத் தொகையும் இருக்காது.

2. நீங்கள் குறைந்த பட்ச நிலுவைத் தொகையாக ரூ.1500 மட்டும் செலுத்தியிருந்தால், மீதமுள்ள 28,500 மாதாமாதம் வட்டியுடன் வசூலிக்கப்படும்.

3. 30,000 ரூபாய்க்கும் வட்டி விதிக்கப்படும். கூடுதலாக, நீங்கள் செலுத்த வேண்டிய குறைந்தபட்சத் தொகையை (ரூ. 1,500) செலுத்தத் தவறியதால் தாமதக் கட்டணம் விதிக்கப்படும்.

Also Read : போஸ்ட் ஆபீஸில் அக்கவுண்ட் வைத்திருப்பவர்கள் ஜாக்கிரதை.. இப்படி ஒரு மோசடி நடக்கிறதாம்!

குறைந்தபட்ச தொகையை செலுத்தினால் போதும் என கிரெடிட் கார்டு யூஸர்கள் தவறாக நினைத்துக் கொள்கிறார்கள். ஆனால், ஒருவேளை நீங்கள் குறைந்த பட்ச நிலுவைத் தொகையை தாமதமாக செலுத்தினால் அதற்கு பைன் கட்ட வேண்டி வரும். மேலும் மீதமுள்ள நிலுவைத் தொகைக்கு அதிக வட்டி கணக்கிடப்படும் என்பதை கவனத்தில் கொள்ளுங்கள்.

நீங்கள் கார்ட் பேமெண்ட்டை முழுவதுமாகச் செலுத்தவில்லை என்றால், நீங்கள் அவ்வாறு செய்யும் வரை, அதற்கு அடுத்த பரிவர்த்தனைகளுக்கு உங்களுக்கு வங்கி கொடுக்கும் கடனை திரும்ப செலுத்துவதற்கான ‘வட்டியில்லாத கடன் காலம்’ கிடைக்காது.



உதாரணமாக, நீங்கள் 30,000 ரூபாய் பில் பெற்ற பிறகு, நீங்கள் குறைந்தபட்சம் 1,500 ரூபாய் மட்டுமே செலுத்துகிறீர்கள் என்று வைத்துக்கொள்வோம். இதன் மூலம் ரூ.28,500 நிலுவையில் உள்ளது.

இப்போது, ​​நீங்கள் மீண்டும் ஒருமுறை கிரெடிட் கார்டை பயன்படுத்தி ரூ.15000 ஆயிரத்திற்கு பொருட்களை வாங்கினால், உங்களுக்கு ஒரு நாள் வட்டியில்லா காலம் கூட கிடைக்காது. பரிவர்த்தனை முடிந்த முதல் நாளிலிருந்தே அதற்கு வட்டி விதிக்கப்படும். எனவே நீங்கள் ரூ. 28,500 (அசல் நிலுவைத் தொகை) + ரூ. 15,000 (புதிய செலவு) + முந்தைய நிலுவைத் தொகைக்காக வட்டி என மொத்தமாக அதிக வட்டி செலுத்த வேண்டி வரும்.

Also Read : 30 நிமிடங்களில் ஆன்லைன் வழியாக கார் லோன் - அதிரடி திட்டத்தை தொடங்கியது ஹெச்டிஎஃப்சி வங்கி

இதை சமாளிக்க ஏதேனும் ஹேக் உள்ளதா.?

இதுபோன்ற பிரச்சனைகளில் இருந்து தப்பிக்க பலரும் ஊக்குவிக்கும், சுழலும் கிரெடிட் கார்டு பயன்பாடு, பல கார்டுகளைப் பராமரித்தல் போன்ற ஹேக்குகளில் ஒருபோதும் ஈடுபடக்கூடாது. கார்டு பில்களை முழுமையாக செலுத்துவதை உறுதிப்படுத்திக் கொள்ளுங்கள், அதாவது குறைந்தபட்ச நிலுவைத் தொகை அல்லது பில் தொகையை முழுவதையும் ஒரு ரூபாய் பாக்கி இல்லாமல் செலுத்த முயற்சி செய்யுங்கள்.

இல்லையெல் கிரெடிட் கார்டு பயன்பாட்டை எளிமையாக்க, தேவையில்லாத வழிகளில் செலவழிப்பதை தடுக்கவும், ஆசையை கட்டுப்படுத்தவும் பழகிக்கொள்ளுங்கள். தேவையானவற்றை மட்டுமே திட்டமிட்டு கிரெடிட் கார்டு மூலம் வாங்கிப் பழகுங்கள். இது உங்களை வட்டி என்ற பெரும் துயரத்தில் இருந்து மீட்க உதவும்.
Published by:Selvi M
First published:

Tags: Credit Card

அடுத்த செய்தி