Home /News /business /

வருமான வரி செலுத்தும் போது ரூ. 10,000 வரிவிலக்கு வேண்டுமா? அப்ப இதை செய்யுங்கள்!

வருமான வரி செலுத்தும் போது ரூ. 10,000 வரிவிலக்கு வேண்டுமா? அப்ப இதை செய்யுங்கள்!

வருமான வரி

வருமான வரி

60 வயதிற்கு உட்பட்ட மூத்த குடிமக்கள் பிரிவு 80TTB இன் கீழ் விலக்குகளைப் பெறலாம் என்பதால், பிரிவு 80TTA இன் கீழ் விலக்குகளைப் பெறத் தகுதியற்றவர்களாக உள்ளனர்.

    வருமானவரிச்சட்டம் பிரிவு 80 TTA கீழ் வரி செலுத்துவோர் தங்களது சேமிப்புக்கணக்கிலிருந்து சம்பாதித்த வட்டிக்கு ரூ. 10 ஆயிரம் வரை வரி விலக்கு கோர அனுமதியளிக்கிறது. ஆனால் எஃப்டி, ஆர்டி போன்றவற்றிலிருந்து கிடைக்கும் வட்டிக்கு முழு வரி விதிக்கப்படும்.

    நிதியாண்டு 2022-23 அல்லது 2021- 22 ஆம் ஆண்டிற்கான வருமான வரிக்கணக்கை தாக்கல் செய்வதற்கான கடைசி தேதி ஜூலை 31, 2022 என தெரிவிக்கப்பட்டுள்ளது. இன்னும் 2 நாள்களே உள்ள நிலையில், வருமான வரி ரிட்டன் பதிவு செய்யும் போது வருமானத்தில் இருந்து சில செலவுகளை வருமான வரி செலுத்துவோர் கழித்துக்கொள்ளலாம் எனவும் மீதமுள்ள தொகைக்கு மட்டும் வரி செலுத்தினால் போதும் வருமானத்துறை அறிவித்துள்ளது.

    மூத்த குடிமக்களுக்காகவே போஸ்ட் ஆபீஸில் இருக்கும் ஸ்பெஷல் திட்டங்கள்!

    இதன்படி வருமான வரியின் கீழ் வரிக்கணக்கைத் தாக்கல் செய்யும் வரி செலுத்துவோர் தங்களது சேமிப்புக்கணக்கில் இருந்து பெறப்படும் வட்டிக்கு ரூபாய் 10 ஆயிரம் வரை வருமான வரி விலக்கு பெறமுடியுமாம். இது எவ்வாறு செயல்படுகிறது? பிரிவு 80TTA என்னென்ன வரி விலக்கு அளிக்கிறது என்பது குறித்து இங்கே தெரிந்துக்கொள்ளலாம்..

    பிரிவு 80TTA ன் கீழ் வரி விலக்கு எதற்கெல்லாம் அளிக்கப்படுகிறது?

    பிரிவு 80TTA ன் உங்களது சேமிப்புக்கணக்கிலிருந்து பெறப்படும் வட்டிக்கு நீங்கள் ரூ.10 ஆயிரம் வரை வட்டி கோரலாம். குறிப்பாக வங்கி சேமிப்புக்கணக்கு, கூட்டுறவு சங்க வங்கிக்கணக்கு, தபால் நிலையங்களில் மேற்கொள்ளப்படும் சேமிப்புக்கணக்கு போன்றவற்றின் மூலம் கிடைக்கும் வட்டிக்கு நீங்கள் ரூபாய் 10 ஆயிரம் வரை வருமான வரி கோரமுடியும். மேலும் எத்தனை கணக்குகள் நீங்கள் வைத்திருந்தாலும் மொத்த வட்டித்தொகையானது ரூ. 10 ஆயிரம் வரை இருந்தால் வரி விலக்கு கோரலாம்.

    பிக்சட் டெபாசிட் திட்டத்தில் நினைத்து பார்க்க முடியாத அளவுக்கு வட்டி! ஆச்சரியம் தரும் சிறு வங்கிகள்

    பிரிவு 80TTA இன் கீழ் வரி விலக்கு எதற்கெல்லாம் கிடையாது?

    வருமான வரி செலுத்துவோர் நிலையான வைப்புத்தொகை ( FD) ,தொடர் வைப்புத்தொகை ( RD) அல்லது வங்கி அல்லாத நிதி நிறுவனங்களிலிருந்து கிடைக்கும் வைப்புத்தொகைக்கு கிடைக்கும் வட்டிக்கு பிரிவு 80TTA இன் கீழ் வரி விலக்கு கோர முடியாது. முழு வரியை நீங்கள் செலுத்தி ஆக வேண்டும்.

    பிரிவு 80 TTA இன் கீழ் வரி விலக்கு பெறுவது எப்படி?

    வருமான வரிக் கணக்கைத் தாக்கல் செய்யும் போது, ​​தனிநபர்கள் முதலில் தங்கள் மொத்த வட்டி வருமானத்தை “மற்ற ஆதாரங்களில் இருந்து வருமானம்’(‘Income from Other Sources’. என்ற தலைப்பின் கீழ் சேர்க்க வேண்டும். பின்னர், அவர்கள் நிதியாண்டிற்கான வருமானத் தலைவர்களிடமிருந்து மொத்த மொத்த வருவாயைக் கணக்கிட்டு, பிரிவு 80TTA இன் கீழ் அதை விலக்காகக் காட்டலாம்.

    குறிப்பாக தனிநபர்கள் ஐடிஆர் தாக்கல் செய்யும் போது, ​​நிதியாண்டில் சம்பாதித்த அனைத்து வருமானத்தையும் தெரிவிக்க வேண்டும். இதை செய்யத் தவறினால், அபராதம் விதிக்கப்படலாம் என எச்சரிக்கை விடுக்கப்பட்டுள்ளது.

    பிரிவு 80TTA இன் கீழ் விலக்கு கோருவதற்கு யார் தகுதியானவர்கள்?

    இந்தியாவில் வசிக்கும் தனிப்பட்ட வரி செலுத்துவோர் மற்றும் Hindu Undivided Family (HUF) ஆகியோர் பிரிவு 80TTA இன் கீழ் விலக்குகளைப் பெற தகுதியுடையவர்கள். மேலும் வெளிநாடு வாழ் இந்தியர்கள் (என்ஆர்ஐ) 80டிடிஏ பிரிவின் கீழ் தங்களுடைய குடியுரிமை அல்லாத சாதாரண அல்லது என்ஆர்ஓ சேமிப்புக் கணக்குகளுக்கு வரிச் சலுகைகளைப் பெறலாம்.

    என்ஆர்ஐக்கள் இந்தியாவில் வசிக்காத வெளிநாட்டு (என்ஆர்இ) மற்றும் என்ஆர்ஓ சேமிப்புக் கணக்குகளை மட்டுமே வைத்திருக்க முடியும். NRE சேமிப்புக் கணக்கு ஏற்கனவே வரி இல்லாததால், பிரிவு 80TTA NRO சேமிப்புக் கணக்கில் ஈட்டப்படும் வட்டிக்கு மட்டுமே பொருந்தும் என்பது குறிப்பிடத்தக்கது.

    60 வயதிற்கு உட்பட்ட மூத்த குடிமக்கள் பிரிவு 80TTB இன் கீழ் விலக்குகளைப் பெறலாம் என்பதால், பிரிவு 80TTA இன் கீழ் விலக்குகளைப் பெறத் தகுதியற்றவர்களாக உள்ளனர்.

    60 வயதிற்குட்பட்ட மூத்த குடிமக்கள் பிரிவு, பிரிவு 115BAC இன் கீழ் புதிய வரி விதிப்பை தேர்ந்தெடுப்பவர்கள், பிரிவு 80TTA இன் கீழ் வரிச் சலுகைகளைப் பெற முடியாது.

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.
    Published by:Sreeja
    First published:

    Tags: FINANCE MINISTRY, House Tax, Income tax

    அடுத்த செய்தி