Home /News /business /

வங்கிக் கடன் மூலம் வீடு வாங்குபவர்களா நீங்கள்... அப்போ இந்த செய்தி உங்களுக்கு தான்

வங்கிக் கடன் மூலம் வீடு வாங்குபவர்களா நீங்கள்... அப்போ இந்த செய்தி உங்களுக்கு தான்

மாதிரி படம்

மாதிரி படம்

Home Loan Interest Rate | ஃப்ளோட்டிங் வட்டி என்பது பொருளாதாரத்தில் ஏற்படும் மாற்றங்கள் மற்றும் வங்கிகள் அவ்வப்போது அறிவிக்கும் மாற்றங்கள் ஆகியவற்றின் அடிப்படையில் வட்டி விகிதங்கள் மறுசீரமைக்கப்படும்.

வங்கிக் கடன் மூலம் வீடு வாங்குபவர்கள் அல்லது வீடு கட்டுபவர்கள் கவனிக்க கூடிய மிகவும் முக்கியமான விஷயங்களில் ஒன்று வீட்டுக் கடனுக்கான வட்டி விகிதம். வீட்டுக் கடனுக்கு வட்டி விகிதங்கள் அது இரண்டு வகைகளில் வழங்கப்படுகிறது. முதலாவது நிலையான வட்டி விகிதம், இரண்டாவது மிதக்கும் வட்டி விகிதம். சமீபத்தில் அனைத்து வங்கிகளுமே தாங்கள் வழங்கிய கடன்களுக்கான வட்டி விகிதத்தை அதிகரித்துள்ள செய்தி தலைப்பு செய்திகளாக வைரலாகி வருகின்றது.

இந்நிலையில் வரும் மாதம் முதல் வங்கிக் கடன் மட்டுமல்லாமல் பல கடன்களுக்கு வட்டி விகிதம் அதிகரித்து, வழக்கமான தொகையை விட கூடுதல் தொகையை மாதாந்திர தவணைகளாகவோ அல்லது கூடுதல் மாதங்களுக்கு, கடன் வாங்கியவர்கள் செலுத்த வேண்டியிருக்கும். பர்சனல் லோன் அல்லது வாகன கடன் ஆகிய கடன்களுக்கு இது சிறிய அளவு வித்தியாசத்தை தான் ஏற்படுத்தும். ஆனால் வீட்டுக் கடன் என்பது பல ஆண்டுகள் திருப்பி செலுத்தக்கூடிய மிகப்பெரிய கடன் ஆகும்.

எனவே வட்டி விகிதத்தில் மிக சிறிய அளவு மாறுதல் ஏற்பட்டால் கூட அதை கடன் வாங்கியவர்களுக்கு பெரிய சாதகமாகவோ அல்லது பெரியளவில் பாதகமாகவோ முடியும். தற்போது அதிகரித்துள்ள வட்டி விகிதத்தின் ஃப்ளோட்டிங் வட்டி அடிப்படையில் கடன் வாங்கியவர்களுக்கு இது பிரச்சனையாக மாறக்கூடும். வீட்டுக் கடன்களுக்கான தற்போதைய சராசரி ஃப்ளோட்டிங் ரேட் 6.5 முதல் 7% ஆகும். ஃபிக்சட் ரேட், 7.5 முதல் 7.9% விகிதமாகும். இது வரை, மிதக்கும் வட்டி விகிதத்தில் அதிகபட்சமாக 7% வட்டி செலுத்தியவர்கள், இனி அதிகமாக செலுத்தக்கூடும். ஆனால், நிலையான வட்டி விகிதத்தில் வாங்கியவர்கள் செலுத்தும் வட்டியில் எதுவும் மாறாது.



நிலையான வட்டி விகிதம் என்றால் நீங்கள் வீட்டுக் கடன் வாங்கும் பொழுது எந்த சதவிகித வட்டிக்கு கடன் வாங்கிகிறீர்களோ கடன் முடியும் தறுவாய் வரை, அதே வட்டிதான் விதிக்கப்படும். நீங்கள் செலுத்த வேண்டிய கடன் தொகை, மாதாந்திர தவணை ஆகியவற்றில் எந்த மாற்றமும் ஏற்படாது.

Also Read : ஹோம் இன்ஷூரன்ஸ் பாலிசி எடுப்பதால் கிடைக்கும் நன்மைகள் என்ன!

பங்குச் சந்தை மாற்றங்கள் பணவீக்கம் என்று பொருளாதாரத்தில் சரிவு விழுந்தால் கூட நீங்கள் செலுத்த வேண்டிய தொகை மாறாது. ஃப்ளோட்டிங் வட்டி என்பது பொருளாதாரத்தில் ஏற்படும் மாற்றங்கள் மற்றும் வங்கிகள் அவ்வப்போது அறிவிக்கும் மாற்றங்கள் ஆகியவற்றின் அடிப்படையில் வட்டி விகிதங்கள் மறுசீரமைக்கப்படும். அதற்கு ஏற்றார் போல நீங்கள் செலுத்த வேண்டிய மாதாந்திர தொகை அல்லது வட்டி விகிதம் ஆகியவை மாறும்.

Also Read : வங்கியில் Savings Account தொடங்குவதற்கு முன்பு இதை அவசியம் தெரிஞ்சுக்கோங்க.!

இந்த இரண்டு வகையிலும் சாதக பாதகங்கள் உள்ளன உதாரணமாக. நிலையான வட்டி விகிதத்தில் வீட்டுக் கடன் வாங்கியவர்களுக்கு தற்போதைய பணவீக்க நிலை மிகவும் சாதகமாக இருக்கும். ஏற்கனவே வங்கிகள் வட்டி விகிதத்தை அதிகரித்து உள்ள நிலையில், இந்த அதிகரிப்பு ஃபிக்சட் வட்டிக்கு வீட்டுக் கடன் வாங்கியவர்களை எந்த விதத்திலும் பாதிக்காது.



ஆனால், ஃப்ளோட்டிங் வட்டிக்கு வாங்கியவர்கள் பாதிக்கப்படும் நிலையில் இருப்பதால், அவர்கள் ஃபிக்சட் வட்டிக்கு மாறலாமா?

வட்டி விகித நிலையை மாற்ற முடிவு செய்தால், ஃபிக்சட் ரேட்டுக்கு மாறினால் உங்களுக்கு எவ்வளவு லாபம் கிடைக்கும் என்பதை பற்றி முழுதாக தெரிந்து கொள்ள வேண்டும். ஏற்கனவே மேலே உள்ள உதாரணத்தின்படி வீட்டுக் கடன்களுக்கு ஃபிளோட்டிங் கடனை விட, ஃபிக்சட் ரேட்டில் அதிக வட்டி விதிக்கப்படும். எனவே நீங்கள் தற்போது செலுத்தி வரும் ஈஎம்ஐ தொகை அதிகரிக்கும்.

Also Read : போஸ்ட் ஆபீஸில் இந்த சேமிப்பை தொடங்கினால் மாதம் ரூ. 5000 கிடைக்கும்! முழு விபரம்

அதுமட்டுமின்றி நீங்கள் ஃப்ளோட்டிங் வட்டியிலிருந்து பிக்சட் வட்டிக்கு மாறும் பொழுது, அந்த வித்தியாசம் 100 பேசிஸ் புள்ளிகளுக்கு மேல் அதிகம் காணப்பட்டால், உங்களுக்கு பெரிதாக சேமிப்பு இருக்காது. ஏனென்றால் ஃப்ளோட்டிங் வீட்டுக் கடன்கள் அந்த அளவுக்கு உயராது. அது மட்டுமின்றி கடன் மறுசீரமைப்புக்கான கட்டணங்கள், புதிய டாக்குமென்ட் சார்ஜ் சென்று பலவற்றுக்கும் நீங்கள் கூடுதலாக சில ஆயிரங்களை செலவழிக்க வேண்டியிருக்கும் என்பதையும் நினைவில் கொள்ள வேண்டும்.
Published by:Selvi M
First published:

Tags: Bank Loan, Home Loan

அடுத்த செய்தி