Home /News /business /

பணியில் இருந்து ஓய்வு பெற்ற பிறகும் யாரெல்லாம் வருமான வரி செலுத்த வேண்டும் தெரியுமா?

பணியில் இருந்து ஓய்வு பெற்ற பிறகும் யாரெல்லாம் வருமான வரி செலுத்த வேண்டும் தெரியுமா?

வருமான வரி செலுத்துதல்

வருமான வரி செலுத்துதல்

மூன்று வகையான வருமானங்கள் உங்களுக்கு இருந்தால் அந்த வருமானத்திற்கு நீங்கள் இந்திய வருமான வரிச் சட்டப்படி வரி செலுத்த வேண்டும்.

    எதிர்காலத்திற்கு மற்றும் பணி ஓய்வு பெற்ற பிறகு பொருளாதார ரீதியான பாதுகாப்புக்கு என்று பார்த்து பார்த்து சேமிப்புகளை மேற்கொண்டு வந்தாலும் ஒரு சில நேரத்தில் பணி ஓய்வு பெற்ற மூத்த குடிமக்களும் வரி செலுத்த வேண்டிய சூழல் ஏற்படும். இந்திய வருமான வரிச் சட்டம் மூத்த குடிமக்களுக்கு குறிப்பிட்ட அளவுக்கு எக்சம்ப்ஷன் லிமிட் என்ற வரம்பை அளித்துள்ளது. ஆனால் ஒரு சில வகையான வருமானத்திற்கு, வரி செலுத்த வேண்டிய கட்டாயம் உள்ளது. அதாவது வருமான வரிச் சட்டத்தின் வரி செலுத்த வேண்டிய தொகைக்கும் குறைவான அளவு வருட வருமானம் இருந்தாலும், ஒரு சில வருமானங்களுக்கு வரி செலுத்த வேண்டும். 60 வயது மேற்பட்ட, பணி ஓய்வு பெற்றவர்களும் இந்த மூன்று வகை வருமானம் இருந்தால் அதற்கு வருமான வரி செலுத்த வேண்டும்.

    பின்வரும் மூன்று வகையான வருமானங்கள் உங்களுக்கு இருந்தால் அந்த வருமானத்திற்கு நீங்கள் இந்திய வருமான வரிச் சட்டப்படி வரி செலுத்த வேண்டும்.

    • வீட்டு வாடகை மூலம் வருமானம்

    • சொத்துக்கள், பங்குகள் விற்பனை செய்வது மூலம் கிடைக்கும் வருமானம் / லாபம்

    • வங்கியில் இருந்து கிடைக்கும் வட்டி, பங்குகளில் இருந்து கிடைக்கும் டிவிடெண்ட் போன்றவை


    • லோன் ஆப்ஸ் மூலம் கடன் வாங்க போறீங்களா? இதை கொஞ்சம் கவனிங்க!

      வீட்டு வாடகை மூலம் வருமானம்:

      வேலையிலிருந்து ஓய்வு பெற்றவர்களுக்கு, தங்களின் சொந்த வீட்டை வாடகைக்கு கொடுத்து, அதன் மூலம் தொடர்ச்சியாக வருமானம் வந்தால் அந்த வருமானம் அவருக்கு பொருந்தக்கூடிய இன்கம் டாக்ஸ் வரி விகிதத்தின் அடிப்படையில் கணக்கிடப்பட்டு வருமான வரி செலுத்த வேண்டும். உங்களின் ஆண்டு வருமானத்துடன், நீங்கள் ஓராண்டில் வாடகையாகப் பெறும் தொகையையும் சேர்த்துக் கொள்ள வேண்டும். உங்களுக்கு பென்ஷன் அல்லது வேறு ஏதேனும் வருமானம் இல்லாமல் இருந்தால் நீங்கள் வாடகையாக பெரும் வருமானம் உங்களுக்கு வழங்கப்பட்ட எக்சம்ப்ஷன் தொகையை தாண்டாமல் இருந்தால் நீங்கள் வரி செலுத்த வேண்டாம்.

      ரூ. 20 லட்சத்துக்கு மேல் பணம் எடுக்க, டெபாசிட் செய்ய புது விதி! நோட் பண்ணிக்கோங்க!

      சொத்துக்கள் / பங்குகள் விற்பனை செய்வது மூலம் கிடைக்கும் வருமானம் அல்லது லாபம்

      கேபிட்டல் கெயின்ஸ் என்று கூறப்படும் பிரிவில், கேபிடல் அசெட் எனப்படும் வீடு நகை அல்லது வேறு ஏதேனும் பெரிய முதலீடு செய்த சொத்து இருந்தாலும் அல்லது பங்குகளில் நீங்கள் முதலீடு செய்திருந்தாலோ அந்த சொத்தை விற்பனை செய்யும் பொழுது உங்களுக்கு கிடைக்கும் லாபத்தின் மீது வருமான வரி விதிக்கப்படும்.

      இது நீண்ட கால கேபிடல் கெய்ன் மற்றும் குறுகிய கால கேபிடல் கெய்ன் என்று இரண்டு வகைப்படும். நிறுவனத்தின் பங்குகள் தவிர்த்து, வேறு எந்த கேப்பிடல் சொத்தையும் (நிலம், வீடு) நீங்கள் வாங்கிய மூன்று ஆண்டுகளுக்குள் விற்பனை செய்தால், அது குறுகிய கால கேபிடல் கெய்ன் எனப்படும். லாபத்தின் மீது 15% வருமான வரி செலுத்த வேண்டும். மூன்று ஆண்டுகளுக்கும் மேற்பட்டு விற்பனை செய்தால், அது நீண்ட கால கேபிடல் கெய்ன் எனப்படும். பெறும் லாபத்தில் 20% வருமான வரி செலுத்த வேண்டும்.

      ஈக்விட்டி அல்லது டெப்ட் பங்குகளை வாங்கி 12 மாதத்திற்குள்ளேயே அதாவது ஓராண்டுக்குள்ளேயே விற்கிறீர்கள் என்றால் அதிலிருந்து கிடைக்கும் லாபம் லாபத்தில் 10% வருமான வரியாக செலுத்த வேண்டும். ஓராண்டுக்கு மேல் ஆனால் மூன்று ஆண்டுகள் வரை பங்குகளை வைத்திருந்து விற்பனை செய்தால், 15% வருமான வரி செலுத்த வேண்டும். மூன்று ஆண்டுகளுக்கு மேல் விற்பனை செய்தல், 20% வருமான வரி செலுத்த வேண்டும்.

      வங்கி வட்டி மற்றும் நிறுவனங்கள் பங்குகளுக்கு வழங்கும் லாபம்

      வேறு ஆதாரங்களில் இருந்து பெறப்படும் வருமானம் என்ற பிரிவின் அடிப்படையில் உங்களுடைய வங்கி சேமிப்பு அல்லது வைப்பு நிதிகளிலிருந்து உங்களுக்கு கிடைக்கும் வட்டி மற்றும் நீங்கள் முதலீடு செய்திருக்கும் பங்குச் சந்தை நிறுவனங்களில் இருந்து உங்களுக்கு பிரித்து கொடுக்கப்படும் லாபம் அதாவது டிவிடெண்ட் ஆகியவையும் வருமான வரிக்கும் உட்பட்டதாகும்.

      பலரும் வயதான காலத்தில் பொருளாதார ரீதியாக மிகப்பெரிய பாதுகாப்பாகவும் ஆதாரமாகவும் இருப்பதற்காக நீண்ட கால முதலீடுகளை செய்து வருகிறார்கள். ஆனால் அந்த முதலீடுகள் முதிர்ச்சி அடையும் பொழுது வருமான வரி செலுத்த வேண்டிய மிகப்பெரிய ஒரு நெருக்கடி ஏற்படும். நீண்டகால முதலீட்டில் இருந்து உங்களுக்கு கிடைக்கும் வருமானத்தில் நீங்கள் வரி செலுத்த வேண்டும் என்பது கடினம்தான். ஏனென்றால் நம்முடைய சேமிப்பில் இருந்து ஒரு தொகையை செலவிட வேண்டிய சூழல் முதியோர்களுக்கு ஏற்படும். எனவே உங்களுடைய எதிர்கால சேமிப்பை சரியான முறையில் திட்டமிட வேண்டியது அவசியம்.



      உடனடி செய்திகளுக்கு இணைந்திருங்கள்
    Published by:Sreeja
    First published:

    Tags: Income tax, Pension Plan

    அடுத்த செய்தி