Aadhaar பயன்படுத்தி உங்கள் ஐடி ரிட்டர்னை இ-வெரிஃபிகேஷன் செய்வது எப்படி?

வருடத்தின் கடைசி மாதம் டிசம்பர் என்றாலும் மார்ச் மாதம் என்பது ஒரு நிதியாண்டின் முடிவும், வருமான வரிக் கணக்கை ( Income Tax Return - ITR) தாக்கல் செய்வதற்கான கடைசி தேதியையும் கொண்டது. வரி செலுத்துவோர் தங்களின் வருமான வரி அறிக்கையை தாக்கல் செய்து வரும் நேரத்தில், இப்போது அவர்கள் தங்களது ITR ரிட்டர்ன் தாக்கல் செயல்முறையை (ITR return filing process) இ-வெரிஃபிகேஷன் ப்ராசஸ் (e-verification process) மூலம் முடிப்பது மிக முக்கியம். ஏனென்றால் ITR return filing process-ஐ முடிக்க மிகவும் அவசியமான காரணி, வெரிஃபிகேஷன் ப்ராசஸை முடிப்பதாகும். ஐடிஆர் தாக்கல் செய்யும் ப்ராசஸை முடிக்க, வரி செலுத்துபவர் தனது வருமான வரி ரிட்டர்ன்களை (Income Tax Returns) சரிபார்க்க வேண்டும். நிர்ணயிக்கப்பட்ட நேரத்திற்குள் சரிபார்ப்பு இல்லாத ITR-ஆனது இன்வேலிடாக அதாவது செல்லாததாக கருதப்படும்.

வரி செலுத்துவோர் தங்களது ITR-V ஐ பெங்களூரில் உள்ள வருமான வரித்துறை அலுவலகத்திற்கு அனுப்ப தேவை இல்லை. அதற்கு பதிலாக, மின்னணுச் சரிபார்ப்புக் குறியீட்டின் (EVC Electronic Verification Code) உதவியுடன் தங்கள் ரிட்டர்னை ஆன்லைனில் சரிபார்க்கலாம். இன்கம் டேக்ஸ் ரிட்டர்னை ஆன்லைன் மூலம் e-Verify செய்ய வெவ்வேறு வழிகள் உள்ளன.. அவற்றை கீழே பார்க்கலாம்..

* ஆதார் கார்டுடன் ரிஜிஸ்டர் செய்யப்பட்ட மொபைல் எண்ணில் OTP-ஐ பெறுவது

* ப்ரீ-வேலிடேட்டட் பேங்க் அக்கவுண்ட் மூலம் EVC உருவாக்கப்படுவது

* ப்ரீ-வேலிடேட்டட் டிமேட் அக்கவுண்ட் மூலம் EVC உருவாக்கப்படுவது

* ஏடிஎம் மூலம் EVC (ஆஃப்லைன் மெத்தட்)

* நெட் பேங்கிங்

* டிஜிட்டல் சிக்னேச்சர் சர்டிஃபிகேட் (DSC)



இதில் ஆதார் OTP-ஐ பயன்படுத்தி ITR-ஐ இ-வெரிஃபிகேஷன் செய்வதற்கான படிப்படியான செயல்முறைகளை தற்போது தெரிந்து கொள்ளலாம்.

* முதலில் https://www.incometax.gov.in/iec/foportal என்ற அதிகாரபூர்வ வெப்சைட்டிற்கு செல்ல வேண்டும்

* quick links என்ற tab-ன் கீழ் இருக்கும் e-Verify Return option என்பதை தேர்வு செய்யவும்.

Also Read : EFPO : முக்கிய அப்டேட்... மாச சம்பளக்காரர்கள் கட்டாயம் இதை தெரிஞ்சுக்கணும்!

* PAN, அசெஸ்மென்ட் இயர் (Assessment Year), ஒப்புகை எண் (Acknowledgement Number) மற்றும் மொபைல் எண் போன்ற அனைத்து விவரங்களையும் என்டர் செய்து continue என்பதை க்ளிக் செய்யவும்

* பின்னர் Generate Aadhaar OTP என்பதை நீங்கள் தேர்வு செய்த உடன் உங்கள் பதிவு செய்யப்பட்ட மொபைல் நம்பருக்கு ஆதார் அடிப்படையிலான OTP அனுப்பப்படும்

* 15 நிமிடங்களுக்கு மட்டுமே செல்லுபடியாக கூடிய OTP பெற்ற பின், அதை என்டர் செய்யவும்

Also Read : வாடிக்கையாளர்களுக்கு 6.7% வட்டி வழங்கும் அஞ்சல் நிலைய திட்டம்

* இப்போது உங்கள் ITR ஸ்டேட்டஸ் மற்றும் பரிவர்த்தனை ஐடி பற்றிய மெசேஜை பெறவும்

* வெரிஃபிகேஷன் ப்ராசஸ் தொடர்பாக மொபைல் எண் மற்றும் மெயில் ஐடி-க்கு உறுதிப்படுத்தல் மெசேஜ் மற்றும் மெயிலை யூஸர் பெறுவார்.