Home /News /business /

Home Loan: வீட்டுக்கடன் பெறும் போது ரூ. 3.5 லட்சம் வரை வரி விலக்கு பெறுவது எப்படி? 

Home Loan: வீட்டுக்கடன் பெறும் போது ரூ. 3.5 லட்சம் வரை வரி விலக்கு பெறுவது எப்படி? 

மாதிரி படம்

மாதிரி படம்

வருமான வரி விதிகளின் படி,  வீட்டுக் கடன் அசல் செலுத்துதல் பிரிவு 80C-ன் கீழ் ஒரு நிதியாண்டில் ரூ. 1.5 லட்சம் வரையிலான வரியை கழிக்க அனுமதிக்கிறது.

  • News18 Tamil
  • 3 minute read
  • Last Updated :
  • Chennai, India
    அன்றாடம் கூலித்தொழிலாளி முதல் ஐ.டி. கம்பெனி ஊழியர்கள் வரை அனைவருக்குமே இருக்கும் ஒரே கனவு தனக்கு ஒரு சொந்த வீடு இருக்க வேண்டும் என்பது தான். இதற்காக வாழ்நாள் முழுவதும் சம்பாதிக்கும் பணத்தில் இருந்து குறிப்பிட்ட தொகையை சேகரித்து வைப்போரும் உண்டு. வாடகை தொல்லையில் இருந்து விடுபடுவதோடு, சொந்த வீடு என்பது மிகப்பெரிய சொத்தாகவும் உள்ளது. சேமித்த பணத்தை முழுவதுமாக செலவழித்து வீடு கட்டுவதற்கு பதிலாக நீங்கள் வீட்டுக்கடன் வாங்கினால் ஆண்டுக்கு ரூ.3.5 லட்சம் வரை பணத்தை சேமிக்க முடியும்.

    வருமான வரி விதிகளின் படி, வீட்டுக் கடன் அசல் செலுத்துதல் பிரிவு 80C-ன் கீழ் ஒரு நிதியாண்டில் ரூ. 1.5 லட்சம் வரையிலான வரியை கழிக்க அனுமதிக்கிறது. வருமான வரிப்பிரிவு 24-ன் கீழ் வீட்டு உரிமையாளர்களுக்கு சில சலுகைகள் உள்ளன. உங்கள் குடும்பத்தினர் அந்த சொத்தில் வசித்திருந்தால் அல்லது வீடு காலியாக இருந்தாலும் கூட, வீட்டுக்கடன் வட்டி அடிப்படையில் ரூ.2 லட்சம் வரை வரிச்சலுகை உள்ளது. இந்த இரண்டு வரிச் சலுகைகளும் சேர்ந்து உங்களின் ஆண்டு செலவை ரூ.3.5 லட்சம் வரை குறைக்கலாம்.

    மொத்த வீட்டுக் கடன் வரிச் சலுகையான ரூ. 3.5 லட்சமானது உங்களின் மொத்த வரிக்கு உட்பட்ட வருமானத்தில் இருந்து குறைக்கப்பட்டு, அதன் மூலம் உங்கள் வருமான வரி அடுக்கின்படி செலுத்த வேண்டிய வரித் தொகையையும் கணிசமாகக் குறைக்கிறது.

    வீட்டுக் கடன் அசல் தொகை செலுத்துதல் பிரிவு 80C-ன் கீழ், ஸ்டாம்ப் டூட்டி மற்றும் பதிவு போன்ற கட்டணங்களுக்கும் வரி விலக்கு பெற முடியும். ஆனால் இந்த விதியின் கீழ் விலக்கு பெற பல்வேறு தகுதிகள் உள்ளன. இந்தப் பிரிவின் கீழ் ஒரு நிதியாண்டில் அனுமதிக்கப்படும் அதிகபட்ச விலக்கு ரூ. 1.5 லட்சமாகும். 80C இன் கீழ் தகுதியான வேறு முதலீடுகள் இல்லாத வரி தாக்கல் செய்பவர்கள், வீட்டுக்கடனுக்கான அசல் திருப்பிச் செலுத்துதலின் கீழ் முழு தொகையான ரூ.1.5 லட்சத்தையும் வரிச் சலுகைகளைப் பெறலாம்.

    Also Read : டெபிட், கிரெடிட் கார்டு வாடிக்கையாளர்கள் கவனத்திற்கு.. அக்டோபர் முதல் புதிய விதிகள்

    வரிச்சலுகைக்கான காரணம் என்ன?

    தனி நபர்கள் தங்களது சேமிப்பை பயன்படுத்தி வீடு வாங்குவதற்கு பதிலாக கடன் வாங்குவதை ஊக்குவிக்க பயன்படுகிறது. அதே சமயத்தில் வரி விலக்கு மூலமாக பணத்தை சேமிக்கவும் உதவுகிறது. வீட்டுக்கடன் பெறுவரோருக்கு வீட்டுக்கடன் வட்டி அடிப்படையில் 2 லட்சம் வரையிலும், ஸ்டாம்ப் டூட்டி மற்றும் பத்திரப்பதிவு கட்டணங்களில் சலுகை என இரண்டு சலுகைகள் கிடைக்கிறது. மேலும் வருமான வரிப்பிரிவு 24பி பிரிவின் கீழ், வீட்டுக்கடன் வாங்கியவர்கள் அசலைத் திரும்பிச் செலுத்துவதை அடிப்படையாக கொண்டு ரூ.2 லட்சம் வரை வரி விலக்கு கோர முடியும். இதன் மூலமாக ஒவ்வொரு வீட்டுக்கடன் பெற்றவர்களும் 3.5 லட்சம் வரை வரி விலக்கு பெறலாம்.

    வீடு வாங்க வீட்டுக் கடன் வாங்க வேண்டுமா?

    மக்கள் வீடு வாங்குவதற்கு இரண்டு பொதுவான காரணங்கள் உள்ளன. ஒன்று தாங்கள் குடும்பத்துடன் வசிக்கவோ அல்லது வாடகை அல்லது சொத்து முதலீட்டிற்காகவோ வாங்குகிறார்கள். இதில் எந்த காரணத்திற்காக வீடு வாங்குகிறார்கள் என்பதை கணக்கில் கொண்டு கடன் பெறுவது தொடர்பாக முடிவெடுக்க வேண்டும்.

    எடுத்துக்காட்டாக, முதலீட்டு நோக்கங்களுக்காக நீங்கள் ஒரு வீட்டை வாங்குகிறீர்கள் என்றால், உங்கள் பிற முதலீடுகள், செலவு, கடனை திரும்ப செலுத்துவதில் உள்ள சிக்கல்கள் ஆகியவற்றைப் பற்றி சிந்தித்து முடிவெடுக்க வேண்டும்.

    Also Read : National pension scheme: தனியார் நிறுவன ஊழியர்களுக்கான தேசிய ஓய்வூதிய திட்டத்தின் நன்மைகள் இது தான்!

    முதலீட்டு நோக்கங்களுக்காக ஒரு வீட்டை வாங்குவதற்கான முடிவு, குறிப்பிட்ட வீட்டுச் சந்தையின் கண்ணோட்டத்தைப் பொறுத்தது. இந்த சந்தை உறுதியான வளர்ச்சிக்கு தயாராக உள்ளது என்று நீங்கள் உறுதியாக நம்பினால், அந்த வீட்டை வாங்குவது ஒரு நல்ல முதலீட்டு முடிவாக இருக்கும்.

    இருப்பினும், நீங்கள் சொந்த தொழிலுக்காக ஒரு வீட்டை வாங்குகிறீர்கள் என்றால், வீட்டுக் கடனுக்கான முன்பணம் செலுத்துவதற்கு அதிக தொகையை முதலீடு செய்வதன் மூலம் உங்கள் வாங்குதலை சிறப்பாக திட்டமிடலாம். இது உங்கள் கடன் சுமை, காலம் மற்றும் வட்டி செலவு ஆகியவற்றை கணிசமாகக் குறைக்கும்.

    ஒரு வீட்டை வாங்குவதற்கான காரணங்களைப் பொருட்படுத்தாமல், முதலில் உங்கள் நிதி நிலையை மதிப்பீடு செய்து ஒரு குறிப்பிட்ட பட்ஜெட்டை முடிவு செய்வது நல்லது என நிபுணர்கள் பரிந்துரைக்கின்றனர். வரவுக்கு அதிகமாக கடன் பெற்று வீட்டை வாங்கிவிட்டு, அதன் பின்னர் வயதான காலத்தில் ஓய்வூதியத்தை மட்டும் வைத்துக்கொண்டு கடனைத் திரும்பச் செலுத்த முடியாமல் திண்டாடக்கூடாது என்கின்றனர்.
    Published by:Raj Kumar
    First published:

    Tags: Home Loan, Income tax, Property tax

    அடுத்த செய்தி