GOLD RATE | ஆபரண தங்கத்தின் விலை அதிரடி உயர்வு!

சர்வதேச சந்தையில் ஏற்பட்டுள்ள மாற்றம் மற்றும் கரன்சியின் ஏற்றத்தாழ்வு காரணமாக தங்கத்தின் மீதான முதலீடு அதிகரித்துள்ளது. இதன் காரணமாக, கடந்த 10 நாட்களில் மட்டும் ஒரு சவரன் தங்கத்தின் விலை 600 ரூபாய் வரை அதிகரித்துள்ளது.

இன்று சென்னையில் ஆபரணத் தங்கம் கிராமுக்கு 35 ரூபாய் உயர்ந்து ஒரு கிராம் 5,380 ரூபாய்க்கு விற்பனை செய்யப்படுகிறது. சவரனுக்கு 280 ரூபாய் அதிகரித்து ஒரு சவரன் ஆபரணத் தங்கம் 43,040 ரூபாய்க்கு விற்பனையாகிறது.

தங்கத்தின் விலை தொடர்ந்து அதிகரித்து வருவதால் ஏழை, எளிய, நடுத்தர மக்கள் அதிகம் பாதிக்கப்படும் சூழல் ஏற்பட்டுள்ளதாக குடும்பத் தலைவிகள் கவலை தெரிவிக்கின்றனர். இதேபோல் வெள்ளி கிராமிற்கு ஒரு ரூபாய் உயர்ந்து, ஒரு கிராம் வெள்ளி 75 ரூபாய்க்கும், ஒரு கிலோ வெள்ளி 75,000 ரூபாய்க்கும் விற்பனை செய்யப்படுகிறது.