நகைப்பிரியர்களுக்கு குட் நியூஸ்.. தங்கம் விலை இன்று சவரனுக்கு ரூ.560 குறைவு..!

சென்னையில் இன்று ஆபரண தங்கத்தின் விலை சவரனுக்கு ரூ.560 குறைந்துள்ளதால் வாடிக்கையாளர்கள் மகிழ்ச்சியடைந்துள்ளனர்.

பிப்ரவரி மாதம் பட்ஜெட் தாக்கல் செய்யப்பட்ட நிலையில் தங்கம் விலை அதிரடியாக உயர்ந்தது. தங்கம் வெள்ளி விலை குறையுமா என்று எதிர்பார்ப்பு நிலவி வந்த நிலையில் தங்கம், வைரம், வெள்ளி மீதான சுங்க வரி உயர்த்தப்பட்டது. இதனால் தங்கம், வெள்ளி விலை அதிரடியாக உயர்ந்தது.இந்த ஆண்டின் தொடக்கத்தில் தொடர்ந்து அதிகரித்து வந்த தங்கம் விலை பிப்ரவரியின் பிற்பாதியில் குறைந்து வந்தது.

இந்த நிலையில், 24 காரட் ஆபரணத் தங்கத்தின் விலை ஒரு கிராம் இன்று  5527 ரூபாய்க்கு விற்பனையாகிறது. அதேபோல ஒரு சவரன் ஆபரண தங்கத்தின் விலை  44,216 ரூபாய் என நிர்ணயம் செய்யப்பட்டுள்ளது.

22 காரட் ஆபரணத் தங்கம் கிராம் ஒன்றுக்கு ரூ.70 குறைந்து 5165 ரூபாய்க்கும், சவரன் ஒன்றுக்கு 560 ரூபாய் வரை குறைந்து 41,320 ரூபாய் என நிர்ணயம் செய்யப்பட்டுள்ளது.

இதே போன்று வெள்ளி விலையும் இன்று குறைந்துள்ளது. கிராம் வெள்ளி ரூ.2.50 குறைந்து, கிராம் வெள்ளி ரூ.67.50 ரூபாய்க்கும், 1 கிலோ வெள்ளி 67,500 ரூபாய்க்கும் விற்பனை செய்யப்படுகிறது.