Home /News /business /

Campus Interview-ஐ குறைத்துக்கொண்ட ஐ.டி. நிறுவனங்கள்... காரணம் என்ன?

Campus Interview-ஐ குறைத்துக்கொண்ட ஐ.டி. நிறுவனங்கள்... காரணம் என்ன?

ஊழியர்களை மேம்படுத்தும் பணி

ஊழியர்களை மேம்படுத்தும் பணி

இந்த நிதியாண்டின் முதல் ஒன்பது மாதங்களில் 5,500 பேர் பணியமர்த்தியதாக இன்ஃபோசிஸ் கூறியுள்ளது. ஆனால், முந்தைய ஆண்டு இதே காலத்தில் 17,500 பேரை வேலைக்கு அமர்த்தியுள்ளது.

  • News18 Tamil
  • 2 minute read
  • Last Updated :
  • Chennai |
இன்போசிஸ் , விப்ரோ, டிசிஎஸ் போன்ற மென்பொருள் சேவை நிறுவனங்கள் உள்கட்டமைப்பு மேம்பாடு மற்றும் புதிய தொழில்நுட்பங்களுக்கு தங்களிடம் ஏற்கனவே பணியாற்றும் ஊழியர்களை மேம்படுத்தும் பணியில் இறங்கியுள்ளதால் கல்லூரி மாணவர்களின் பிளேஸ்மெண்ட் எண்ணிக்கை வெகுவாகக் குறைந்துள்ளது. 

மென்பொருள் சேவை நிறுவனங்கள் மரபுச் சேவைகளில் இருந்து செயற்கை நுண்ணறிவு (AI), பெரிய தரவு பகுப்பாய்வு, இயந்திர கற்றல் மற்றும் கிளவுட்-அடிப்படையிலான சேவை மாதிரிகள் ஆகியவற்றுக்கான இன்றைய தேவையைக் கண்டறிந்துள்ளன.

நாட்டின் மிகப்பெரிய மென்பொருள் ஏற்றுமதி நிறுவனமான டாடா கன்சல்டன்சி சர்வீசஸ், டிஜிட்டல் தொழில்நுட்பத்தில் தங்கள் நிறுவனத்தில் உள்ள 1,00,000 பேரை திறமைப்படுத்துவது பற்றி பேசியுள்ளது. இன்ஃபோசிஸ் ஒரு டிசைன் திங்கிங் தளத்தை உருவாக்கி, மக்களை மீள்திறன் மற்றும் புதுமையான தொழில்நுட்பங்களை பயன்படுத்த ஊக்குவிக்க முயற்சி செய்து வருகிறது.

ரூ.37.5 லட்சம் வரி பாக்கி கட்ட சொல்லி கூலி தொழிலாளிக்கு நோட்டீஸ் அனுப்பிய அதிகாரிகள்..

FY17  முதல், விப்ரோ பிக்டேட்டா, அட்வான்ஸ்டு அனலிட்டிக்ஸ், கிளவுட், மொபிலிட்டி மற்றும் யூஸபிலிட்டி, டிஜிட்டல் செக்யூரிட்டி மற்றும் டெவொப்ஸ் போன்ற டிஜிட்டல் தொழில்நுட்பங்களில் 30,000 க்கும் மேற்பட்ட பணியாளர்களை மேம்படுத்தியுள்ளது. இதனால் இந்நிறுவனத்தின் திறன் 12.5 சதவீதம் முன்னேறியுள்ளது.  இதனால் கல்லூரிகளில் கேம்பஸ் இண்டர்வியூகளில்  இருந்து எடுக்கும் ஆட்களின் எண்ணிக்கை குறைந்துள்ளது.

வளர்ந்து வரும் தொழில்நுட்பங்கள் குறித்த சிறிய மற்றும் நடுத்தர நிறுவனங்களின் பயிற்சியை ஆதரிப்பதற்காக, துறைசார் அமைப்பான நாஸ்காம் பெங்களூரில் உள்ள இந்திய மேலாண்மை நிறுவனத்துடன் ஒரு கற்றல் மையத்தை உருவாக்கியுள்ளது.

நாஸ்காமின் மூத்த துணைத் தலைவர் சங்கீதா குப்தா இது குறித்து கூறுகையில், அனைத்தையும் சொந்தமாகச் செய்ய முடியாத அடுக்கு-II மற்றும் அடுக்கு-III நிறுவனங்களுக்குத் தேவையான புது தொழில்நுட்ப பயிற்சிகளை நாங்கள் வழங்குவோம்’ என்று தெரிவித்துள்ளார்.

தொழில்நுட்ப சேவை நிறுவனங்கள், ‘ எங்களுக்குத் தேவையான தொழிற்நுட்ப டூல்களை கல்லூரிகள் மாணவர்களுக்கு கற்றுத்தருவதில்லை. இதனால் வேலையோடு புதிய தொழில்நுட்ப டூல்களையும் நாங்களே கற்றுத்தர வேண்டி உள்ளது. அதனால் ஏற்கனவே இருக்கும் பணியாளர்களுக்கு புதிய தொழில்நுட்ப மேம்பாட்டுப் பயிற்சிகளை மட்டும் கொடுத்தால் வணிக ரீதியாக  பெரிதும் உதவியாக இருக்கும் என்று தெரிவிக்கின்றன.

Google Pay, Phonepe டிஜிட்டல் பண பரிவர்த்தனைக்கு கட்டணம் இல்லை: மத்திய அரசு விளக்கம்

இந்த நிதியாண்டின் முதல் ஒன்பது மாதங்களில் 5,500 பேரை பணியமர்த்தியதாக இன்ஃபோசிஸ் கூறியுள்ளது. ஆனால், முந்தைய ஆண்டு இதே காலத்தில் 17,500 பேரை வேலைக்கு அமர்த்தியுள்ளது. அதோடு, இந்த ஆண்டு கேம்பஸ் இண்டர்வியூவை  குறைக்கும் என எதிர்பார்க்கப்படுகிறது.

பிரெக்ஸிட் (Brexit) மற்றும் அமெரிக்க அதிபர் தேர்தல் முதலியவை ஐடி துறையில் பெரிய மாற்றங்களை ஏற்படுத்தியுள்ளன. சந்தையின் திறனும் தேவையும் மாறி வருகிறது. அதை ஈடு செய்ய நிறுவனங்களும் ஓட வேண்டியுள்ளது. கொரோனா காலத்து நிதி நெருக்கடியால் ஏற்கனவே பலர் வேலையை விட்டு விடுவிக்கப்பட்டுள்ளனர். அதனால் இருக்கும் குறைந்த ஆட்களை மேம்படுத்தி பயன்படுத்துவதாக நிறுவனங்கள் விளக்கமளிக்கின்றன
Published by:Ilakkiya GP
First published:

Tags: Infosys, TCS, Wipro

அடுத்த செய்தி