தங்கத்தில் முதலீடு செய்ய போறீங்களா? - மத்திய அரசின் அருமையான திட்டங்களை பற்றி தெரிஞ்சிக்கோங்க!

இந்தியாவின் தங்கத் தேவை 2022-23 நிதியாண்டின் ஜூலை-செப்டம்பர் காலாண்டில் 191.7 டன்களில் 14% வருடாந்திர வளர்ச்சியைக் கண்டுள்ளது. இது கடந்த கொரோனா தொற்றுக்கு முந்தைய நிலைகளை எட்டியுள்ளது. உலக தங்க கவுன்சிலான (WGC) அறிக்கையின்படி, 2022 ஆம் ஆண்டின் மூன்றாம் காலாண்டில் தங்கத்தின் தேவை 19 சதவீதம் அதிகரித்து ரூ. 85,010 கோடியாக இருந்தது, இது 2021 ஆம் ஆண்டின் இதே காலகட்டத்தில் ரூ.71,630 கோடியாக இருந்தது. தங்கத்தின் மூலம் வருமானம் ஈட்ட விரும்பும் முதலீட்டாளர்களுக்காக மத்திய அரசு, சில திட்டங்களைத் தொடங்கியுள்ளது. அதுகுறித்தான விவரங்களை தற்போது பார்க்கலாம்.

தங்கம் பணமாக்குதல் திட்டம் (GMS):

தங்கம் பணமாக்குதல் திட்டம் என்பது இந்தியாவில் உள்ள பல்வேறு குடும்பங்கள் மற்றும் நிறுவனங்களால் தங்கத்தை திரட்டுவதை உறுதி செய்வதற்கான ஒரு புதிய வைப்பு கருவியாகும். பிரதமர் மோடியால் தங்கம் பணமாக்குதல் திட்டம் கடந்த 2015 ஆம் ஆண்டு தொடங்கப்பட்டது. வங்கி லாக்கர்களில் வீணாகக் கிடக்கும் பயன்படுத்தப்படாத தங்கத்தின் மீதான வட்டியைப் பெற உதவும் வகையில் இந்தத் திட்டம் வடிவமைக்கப்பட்டுள்ளது. தங்கத்தின் தேவையைக் குறைப்பதன் மூலம் தங்கத்தின் இறக்குமதியைக் குறைப்பதையும் இது நோக்கமாகக் கொண்டுள்ளது.

இந்தப் புதிய தங்கத் திட்டம், (GDS) மற்றும் தங்க உலோகக் கடன் திட்டம் (GML) ஆகியவற்றின் மாற்று திட்டமாகும். இதன் மூலம் வைப்பாளர்கள் தங்கள் உலோகக் கணக்குகளில் வட்டி பெறுகிறார்கள். உலோகக் கணக்கில் தங்கம் டெபாசிட் செய்யப்பட்டவுடன், அதற்கு வட்டியும் கிடைக்கும். தற்போதைய சர்வதேச சந்தை நிலவரங்கள் போன்றவற்றின் அடிப்படையில் குறுகிய கால டெபாசிட்டுகளுக்கு செலுத்த வேண்டிய வட்டி விகிதத்தின் அளவு வங்கிகளால் தீர்மானிக்கப்படுகிறது. ஆனால் நீண்ட கால டெபாசிட்டுகளுக்கு, வட்டி விகிதம் அரசாங்கத்தால் தீர்மானிக்கப்படுகிறது. அவ்வப்போது ரிசர்வ் வங்கியுடன் கலந்தாலோசித்து இந்த வட்டி விகிதங்கள் தீர்மானிக்கப்படுகின்றன.

இறையாண்மை தங்கப் பத்திரம் (SGB) மற்றும் நன்மைகள்:

இறையாண்மை தங்கப் பத்திரம் (SGB - Sovereign Gold Bond) ​​ என்பது கிராம் தங்கத்தில் குறிப்பிடப்படும் அரசாங்கப் பத்திரங்கள் ஆகும். 2015 நவம்பரில் தங்கத்தைப் பணமாக்குதல் திட்டத்தின் கீழ் மத்திய அரசால் சவரன் தங்கப் பத்திரத் திட்டம் தொடங்கப்பட்டது. இந்திய அரசின் சார்பாக ரிசர்வ் வங்கியால் இந்த பத்திரம் வழங்கப்படுகிறது. அவை தங்கத்தை பொருளாக வைத்திருப்பதற்கு மாற்றாக உள்ளன. இதில் முதலீட்டாளர்கள் வெளியீட்டு விலையை ரொக்கமாக செலுத்த வேண்டும் மற்றும் மேலும், தங்கப் பத்திரங்கள் முதிர்ச்சி அடையும் போது பணமாகவே கிடைக்குமே தவிர தங்கமாக கிடைக்காது. இத்திட்டத்தில் முதலீட்டாளர் செலுத்தும் தங்கத்தின் அளவு பாதுகாக்கப்படுகிறது, ஏனெனில் அந்த நபர் மீட்பின் போது அப்போதைய சந்தை விலையைப் பெறுகிறார்.

Also Read : தேசிய ஓய்வூதிய திட்டம் முதல் பொது வருங்கால வைப்பு நிதி வரை... 2023-க்கான சில வரிசேமிப்பு திட்டங்கள்!

தங்க உலோக கடன் திட்டம்:

தங்க உலோகக் கடன் கணக்கு, ஒரு கிராம் தங்கத்தில் குறிக்கப்பட்டு, நகைக்கடைக்காரர்களுக்காக வங்கியால் திறக்கப்படுகிறது. வங்கிகளால் நிர்ணயிக்கப்பட்டுள்ள விதிமுறைகள் மற்றும் சூழ்நிலைகளின்படி, ரிசர்வ் வங்கியின் உதவியுடன், மறுவடிவமைப்பு செய்யப்பட்ட ஜிடிஎஸ்-ன் குறுகிய கால விருப்பத்தின் மூலம் தங்கம் நகைக்கடைக்காரர்களுக்கு கடனில் வழங்கப்படுகிறது.

இந்திய தங்க நாணயம்:

இந்திய தங்க நாணய திட்டமும் தங்க பணமாக்குதல் திட்டத்தின் ஒரு பகுதியாகும். இந்த நாணயம் இந்தியாவில் அச்சிடப்பட்ட முதல் தேசிய தங்க நாணயமாகும். மேலும் ஒரு பக்கத்தில் அசோக் சக்ராவின் தேசிய சின்னமும் மறுபுறம் மகாத்மா காந்தியும் பொறிக்கப்பட்டுள்ளன. இந்திய தங்க நாணயங்கள் 5, 10 மற்றும் 20 கிராம் எடைகளில் வழங்கப்படுகின்றன.

இந்திய தங்க நாணயம் வாங்குவதற்கு பல வழிகளில் விதிவிலக்குகள் உண்டு. இது அதிநவீன கள்ளநோட்டு எதிர்ப்பு தொழில்நுட்பத்துடன் வருகிறது. அனைத்து இந்திய தங்க நாணயங்களும் பொன்களும் 24 காரட் தூய்மையானவை, மேலும் அவை அனைத்தும் BIS தேவைகளுக்கு ஏற்ப ஹால்மார்க் செய்யப்பட்டவை என்பது குறிப்பிடத்தக்கது.