ஹோம் /நியூஸ் /வணிகம் /

அனைத்து ஊழியர்களும் EPFO ​​ஓய்வூதியத் திட்டத்தைத் தேர்ந்தெடுக்கலாம்: உச்சநீதிமன்றம் அதிரடி உத்தரவு

அனைத்து ஊழியர்களும் EPFO ​​ஓய்வூதியத் திட்டத்தைத் தேர்ந்தெடுக்கலாம்: உச்சநீதிமன்றம் அதிரடி உத்தரவு

EPFO

EPFO

ஓய்வூதிய கவரேஜைத் தேர்வு செய்யாத தகுதியுள்ள ஊழியர்களை அடுத்த நான்கு மாதங்களுக்குள் தங்கள் முதலாளிகளுடன் கூட்டாகச் செய்ய அனுமதிக்க, அரசியலமைப்பின் 142 வது பிரிவின் கீழ் நீதிமன்றம் உத்தரவிட்டுள்ளது.

  • News18 Tamil
  • 2 minute read
  • Last Updated :
  • Delhi, India

உச்ச நீதிமன்றம் அரசியலமைப்பு சட்டம் பிரிவு 142 இன் கீழ் தனது அதிகாரங்களைப் பயன்படுத்தி 2014 திருத்தங்களுக்கு முன்னர் மேம்படுத்தப்பட்ட EPFO ஓய்வூதிய கவரேஜைத் தேர்வு செய்யாத தகுதியுள்ள ஊழியர்கள் அனைவரும் 4 மாதங்களில் பதிவு செய்து அதன் பலன்களை பெற்றுக்கொள்ளலாம் என்று நீதிமன்றம் தீர்ப்பளித்துள்ளது.

இந்த சர்ச்சை முதன்மையாக EPS-1995 இன் 11 வது பிரிவில்  "ஓய்வூதியம் பெறக்கூடிய சம்பள நிர்ணயம்" தொடர்பான 2014 திருத்தங்களை ரத்து செய்த கேரளா , ராஜஸ்தான் மற்றும் டெல்லி உயர் நீதிமன்றங்களின் முடிவுகளை எதிர்த்து ​​EPFO தாக்கல் செய்த மேல்முறையீட்டு வழக்கில் தொடங்கியது.

2014 இல் திருத்தங்கள் அறிமுகப்படுத்தப்படுவதற்கு முன்பு, நவம்பர் 16, 1995 இல் 1952 ஆம் ஆண்டின் பணியாளர் வருங்கால வைப்பு நிதித் திட்டத்தில் உறுப்பினரான ஒவ்வொரு பணியாளரும் பணியாளர் பென்ஷன் EPS பெறலாம்.  அதில், அதிகபட்சமாக  ₹6,500  எனும் வரம்பை மீறி சம்பளம் பெரும் உறுப்பினர்கள், தங்கள் முதலாளிகளுடன் சேர்ந்து, ஓய்வூதிய நிதியில் தங்கள்  சம்பளத்தில் 8.33% வரை பங்களிக்க தேர்வு செய்யலாம்.

ஐநாவில் 'உய்கர்' இனமக்களுக்கு எதிரான சீன நடவடிக்கைகளை கண்டித்து 50 நாடுகள் கூட்டறிக்கை

EPS  2014 திருத்தங்கள், சம்பள வரம்பை ₹6,500ல் இருந்து ₹15,000 ஆக உயர்த்தியது. செப்டம்பர் 1, 2014 அன்று EPS  உறுப்பினர்களாக இருந்த ஊழியர்கள் மட்டுமே, அவர்களின்  சம்பளத்திற்கு ஏற்ப ஓய்வூதிய நிதிக்கு தொடர்ந்து பங்களிக்க முடியும் என்று குறிப்பிட்டது. அதோடு, அவர்கள் புதிய ஓய்வூதிய முறையை தேர்வு செய்ய அவர்களுக்கு ஆறு மாத கால அவகாசம் வழங்கப்பட்டது.

15,000 ரூபாய்  தாண்டிய ஊழியர்கள், அவர்களின் சம்பளத்தில் 1.16% வீதத்தை கூடுதலாக ஓய்வூதியத் திட்டத்தில் மாதந்தோறும் பங்களிக்க வேண்டும் என்ற நிபந்தனையும் விதித்திருந்தது. அந்த விதியை இப்போது நீதிமன்றம் தள்ளுபடி செய்தது.

திருத்தத் திட்டத்தின் கீழ் செய்யப்படும் கூடுதல் பங்களிப்பு  ஊழியர்களின் 'வருங்கால வைப்பு நிதி மற்றும் இதர ஒதுக்கீடுகள் சட்டம், 1952' இன் விதிகளுக்கு எதிரானது. என தலைமை நீதிபதி யு.யு.லலித் தலைமையிலான 3 நீதிபதிகள் அமர்வு கூறியது. மேலும், இந்த கூடுதல் பங்களிப்பை 6 மாதங்களுக்கு தடை செய்து அறிவித்தனர்.

அதோடு ,  2014 திருத்தங்களில் கட்-ஆஃப் தேதியையும் நீதிமன்றம் நீக்கியது. இது சம்பந்தமாக, ஆர்சி குப்தா வழக்கை குறிப்பிட்டு EPS-1995 போன்ற "நன்மை தரும் திட்டம்" "செப்டம்பர் 1, 2014 போன்ற கட்-ஆஃப் தேதியைக் குறிப்பிடுவதன் மூலம் முறியடிக்க அனுமதிக்கப்படக்கூடாது" என்று கூறி அனைவரும் EPS தேர்ந்தெடுக்க தகுதியானவர்கள் என்று தீர்ப்பளித்துள்ளது.

தமிழக ஐபோன் உதிரிபாக ஆலையில் 45,000 பெண் பணியாளர்களைச் சேர்க்கும் டாடா!

மேலும், 2014 திருத்தங்களுக்கு முன்னர் மேம்பட்ட ஓய்வூதிய கவரேஜைத் தேர்வு செய்யாத தகுதியுள்ள ஊழியர்களை அடுத்த நான்கு மாதங்களுக்குள் தங்கள் முதலாளிகளுடன் கூட்டாகச் செய்ய அனுமதிக்க, அரசியலமைப்பின் 142 வது பிரிவின் கீழ் நீதிமன்றம் அதன் அசாதாரண அதிகாரங்களைப் பயன்படுத்தி ஒரு முக்கியத் தீர்ப்பை வெளியிட்டது.

ஆகஸ்ட் 2014 இல் அறிவிக்கப்பட்ட ஓய்வூதியத் திட்டத்தில் திருத்தங்கள் 1,300 நிறுவனங்கள் மற்றும் நிறுவனங்களைக் கொண்ட EPFO ​​பட்டியலில் உள்ள "விலக்கு பெற்ற நிறுவனங்களின்" ஊழியர்களுக்கும் பொருந்தும் என்று நீதிமன்றம் கூறியது.

2014 திருத்தங்கள் சராசரி ஓய்வூதிய சம்பளத்தை கணக்கிடும் காலத்தை 12 மாதங்களில் இருந்து 60 மாதங்களாக நீட்டித்தது. அதில் எந்த மாற்றங்களும் செய்யப்படவில்லை. அதோடு , செப்டம்பர் 1, 2014 க்கு முன்பு ஓய்வு பெற்ற ஊழியர்கள் இந்தத் தீர்ப்பின் பயனைப் பெற தகுதியற்றவர்கள் என்று நீதிமன்றம் கூறியது.

Published by:Ilakkiya GP
First published:

Tags: EPF, Epfo, Supreme court