• HOME
  • »
  • NEWS
  • »
  • business
  • »
  • டிஸ்னி+ஹாட்ஸ்டார் சந்தாவை வழங்கும் ரீசார்ஜ் பிளான்களின் கட்டணத்தை உயர்த்தியது Airtel: விவரங்கள் உள்ளே!

டிஸ்னி+ஹாட்ஸ்டார் சந்தாவை வழங்கும் ரீசார்ஜ் பிளான்களின் கட்டணத்தை உயர்த்தியது Airtel: விவரங்கள் உள்ளே!

ஏர்டெல்

ஏர்டெல்

அதன்படி ஏர்டெல் டிஸ்னி+ஹாட்ஸ்டார் சந்தாவை வழங்கும் ப்ரீபெய்ட் மொபைல் திட்டங்களின் விலையை ஏர்டெல் எவ்வளவு உயர்த்தியுள்ளது என்பதை பின்வருமாறு காணலாம்.

  • Share this:
பொழுதுபோக்கு செயலியான டிஸ்னி+ஹாட்ஸ்டார் OTT தளம் சமீபத்தில் அதன் சந்தாக்களுக்கான கட்டணத்தை உயர்த்தியதை தொடர்ந்து, தொலைத்தொடர்பு ஆபரேட்டரான பாரதி ஏர்டெல், டிஸ்னி+ஹாட்ஸ்டார் சந்தாவுடன் கூடிய மொபைல் ப்ரீபெய்ட் மற்றும் ஹோம் பிராட்பேண்ட் திட்டங்களின் விலையை உயர்த்தியுள்ளது.

அதன்படி ஏர்டெல் டிஸ்னி+ஹாட்ஸ்டார் சந்தாவை வழங்கும் ப்ரீபெய்ட் மொபைல் திட்டங்களின் விலையை ஏர்டெல் எவ்வளவு உயர்த்தியுள்ளது என்பதை பின்வருமாறு காணலாம்.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.

* 28 நாட்கள் வாலிடிட்டியுடன் கிடைக்கும் திட்டத்தின் விலை ரூ. 448-லிருந்து ரூ. 499 ஆக உயர்ந்துள்ளது. இந்த பேக்கில் வாடிக்கையாளர்கள் நாளொன்றுக்கு 3GB டேட்டாவை பெறுவர். அதேபோல ஒரு நாளைக்கு 100 இலவச எஸ்எம்எஸ் கிடைக்கும். கூடுதலாக ரூ.499 மதிப்புள்ள டிஸ்னிப்+ ஹாட்ஸ்டாருக்கான இலவச சந்தா, மொபைல் எடிஷனுக்கான இலவச பிரைம் வீடியோ சந்தா, விங்க் மியூசிக் உள்ளிட்ட செயலிகளுக்கான இலவச அணுகலை பெறலாம்.

* 56 நாட்கள் வாலிடிட்டியுடன் கிடைக்கும் திட்டத்தின் விலை ரூ. 599-லிருந்து ரூ.699 ஆக உயர்ந்துள்ளது. இந்த பேக் மூலம் நாளொன்றுக்கு 2GB டேட்டா கிடைக்கும். அதேபோல ஒரு நாளைக்கு 100 இலவச எஸ்எம்எஸ் கிடைக்கும். கூடுதலாக ரூ.499 மதிப்புள்ள டிஸ்னிப்+ ஹாட்ஸ்டாருக்கான இலவச சந்தா, மொபைல் எடிஷனுக்கான இலவச பிரைம் வீடியோ சந்தா, விங்க் மியூசிக் உள்ளிட்ட சில செயலிகளுக்கான இலவச அணுகலை பெறலாம்.

* ஒரு வருட வாலிடிட்டியுடன் கிடைக்கும் திட்டத்தின் விலை ரூ .2,698 இலிருந்து ரூ .2,798 ஆக உயர்த்தப்பட்டுள்ளது. 365 நாட்கள் வாலிடிட்டியுடன் வரும் இந்த திட்டத்தில் ஒரு நாளைக்கு 2GB டேட்டா கிடைக்கிறது. கூடுதலாக ரூ.499 மதிப்புள்ள டிஸ்னிப்+ ஹாட்ஸ்டாருக்கான இலவச சந்தா, மொபைல் எடிஷனுக்கான இலவச பிரைம் வீடியோ சந்தா, விங்க் மியூசிக், ஹலோ டியூன்ஸ் உள்ளிட்ட சில செயலிகளுக்கான இலவச அணுகலை பெறலாம்.

இதுதவிர, ஏர்டெல்லின் அனைத்து போஸ்ட்பெய்ட் திட்டங்களும் ஒரு வருட இலவச டிஸ்னி+ ஹாட்ஸ்டார் மொபைல் சந்தாவுடன் வருகிறது என்று தொலைத்தொடர்பு ஆபரேட்டர் குறிப்பிட்டுள்ளது. ஆனால், அது ரூ.499-க்கு மேல் மதிப்புள்ள போஸ்ட்பெய்ட் பிளான்களுக்கு மட்டுமே கிடைக்கும் என்பதை கவனத்தில் கொள்ள வேண்டும்.

Also read... விரைவில் அறிமுகமாகிறது Realme Narzo 50 சீரிஸ் ஸ்மார்ட்போன்கள்... விலை மற்றும் அம்சங்கள்!

அதேபோல, ரூ. 999-க்கு மேல் உள்ள அனைத்து ஏர்டெல் எக்ஸ்ஸ்ட்ரீம் ஃபைபர் திட்டங்களும் ஏர்டெல் தேங்க்ஸ் நன்மைகளின் ஒரு பகுதியாக ரூ. 899 மதிப்புள்ள ஒரு வருட டிஸ்னி+ ஹாட்ஸ்டார் சூப்பர் சப்ஸ்கிரிப்ஷன் பேக் உடன் வரும் என்று ஒரு நிறுவனம் வெளியிட்டுள்ள அறிக்கையில் தெரிவிக்கப்பட்டுள்ளது.

ஏர்டெல் தனது வாடிக்கையாளர்களுக்கு டிஸ்னி+ ஹாட்ஸ்டாரால் செய்யப்பட்ட விலை மாற்றங்களை குறித்து அனுப்பியுள்ளதாகவும், தற்போது வழங்கப்படும் சலுகைகளில் வேறு எந்த மாற்றமும் இல்லை என்றும் வட்டாரங்கள் தெரிவித்தன.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தைஇங்கே கிளிக்செய்து ஃபாலோ செய்யுங்கள்.. செய்திகளை உடனுக்குடன் பெறுங்கள். Also Follow @ Facebook, Twitter, Instagram, Sharechat,Telegram, YouTube

First published: