• HOME
  • »
  • NEWS
  • »
  • business
  • »
  • ஏர் இந்தியா விமான சேவை முற்றிலும் பாதிப்பு - 6 மணி நேரமாக விமான நிலையங்களில் பயணிகள் தவிப்பு

ஏர் இந்தியா விமான சேவை முற்றிலும் பாதிப்பு - 6 மணி நேரமாக விமான நிலையங்களில் பயணிகள் தவிப்பு

பயணிகள்

பயணிகள்

  • News18
  • Last Updated :
  • Share this:
ஏா்இந்தியா நிறுவனத்தின் சா்வரில் ஏற்பட்ட திடீர் கோளாறு காரணமாக உலகம் முழுவதும் ஏா்இந்தியா விமான சேவை சுமார் 6 மணி நேரமாக பாதிக்கப்பட்டது. 

இன்று அதிகாலை 3.30 மணியிலிருந்து விமான சேவை சர்வரில் கோளாறு ஏற்பட்டுள்ளது. இதனால், உலகம் முழுவதும் ஏர் இந்தியா விமான போக்குவரத்து முடங்கியது.

சில மணி நேரம் நீடித்த இந்த பிரச்னை, தற்போது சரிசெய்யப்பட்டுவிட்டதாக கூறப்படுகிறது.

விமான சேவை பாதிப்பால் சென்னை, மும்பை, டெல்லி உள்ளிட்ட விமான நிலையங்களில் பயணிகள் தாங்கள் செல்ல வேண்டிய ஊர்களுக்குச் சரியான நேரத்திற்கு செல்ல முடியாமல் தவித்து வரும் வீடியோக்கள் இணையதளத்தில் பரவி வருகிறது.



இதுகுறித்து அறிக்கை வெளியிட்டுள்ள ஏர் இந்தியா “பயணிகளின் அசவுகரியத்திற்கு மன்னிப்பு கேட்டுக்கொள்கிறோம். எங்களது தொழில்நுட்ப பிரிவு சிக்கலைத் தீர்க்கும் வேலையில் ஈடுபட்டு வருகிறது” எனக் கூறியுள்ளது.





மேலும், விமான சேவை 8.45 மணி அளவில் இயல்பு நிலைக்கு வந்துள்ளதாக தெரிவித்துள்ள ஏர் இந்தியா, மாற்றியமைக்கப்பட்ட விமான போக்குவரத்து நேரத்தையும் வெளியிட்டுள்ளது.

ஜெட் ஏர்வேஸ் விமான சேவை முடங்கியுள்ள நிலையில் ஏர் இந்தியா உள்ளிட்ட விமான நிறுவனங்கள் கூடுதல் விமான சேவையை அதிகரிக்க ஆயத்தமாகி வருகின்றன. இந்நிலையில் ஏர் இந்தியாவின் இந்தத் தொழில்நுட்ப கோளாறு விமான பயணிகளுக்கு மேலும் அசவுகரியத்தை ஏற்படுத்தியுள்ளது.

மேலும் பார்க்க:

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தைஇங்கே கிளிக்செய்து ஃபாலோ செய்யுங்கள்.. செய்திகளை உடனுக்குடன் பெறுங்கள். Also Follow @ Facebook, Twitter, Instagram, Sharechat,Telegram, YouTube

Published by:Tamilarasu J
First published: