2022 KTM 390 அட்வென்சர் பைக் vs BMW ஜி 310 ஜி.எஸ் - இவற்றில் எது சிறந்த பைக்.?

கே.டி.எம் இந்தியா நிறுவனம் சில நாட்களுக்கு முன்பு தனது புதுப்பிக்கப்பட்ட 390 அட்வென்சர் மாடல் பைக்கை அறிமுகம் செய்தது. இதன் தற்போதைய விலை ரூ. 3.35 லட்சம் என்று தெரிவித்துள்ளனர். இந்த புதிய பைக்கில் சில தொழில்நுட்ப மேம்படுத்தல்களையும் கொண்டு வந்துள்ளனர். இதன் நேரடி போட்டியாளர்களில் ஒன்று தான் பி.எம்.டபுள்யூ ஜி 310 ஜி.எஸ் பைக். இதன் விலை ரூ.3.05 லட்சமாக உள்ளது. இந்த இரண்டு பைக்குகளிலும் எது சிறந்தது என்பதை பற்றி இனி விரிவாக பார்ப்போம்.

ஸ்டைல் :

பைக்கை பொறுத்தவரை அதன் தோற்றம் மிகவும் முக்கியமானதாக கருதப்படுகிறது. சாதாரண வண்டியாக இருந்தாலும், அட்வெஞ்சர் செய்ய கூடிய வண்டியாக இருந்தாலும் அதன் ஸ்டைலும், தோற்றமும் முக்கியமானதாக பார்க்கப்படுகிறது. அந்த வகையில் கே.டி.எம் 390 அட்வென்ச்சர் பைக் ஒரு உயரமான மற்றும் நேர்த்தியான தோற்றத்தை கொண்டுள்ளது. இதை ஒட்டுமொத்தமாக பார்க்கும் போது கம்பீரமான தோற்றத்தையும் பெறலாம். இதில் உயரமான விண்ட்ஸ்கிரீன் மற்றும் எல்இடி டர்ன் இண்டிகேட்டர்களால் சூழப்பட்ட எல்இடி ஹெட்லைட் போன்ற சிறப்பு அம்சங்களை பெற்றுள்ளது.

இதேபோன்று, பி.எம்.டபுள்யூ ஜி 310 ஜி.எஸ் மாடல் பைக்கில் நவீன உபகரணங்களை பொருத்தி உள்ளனர். இதில் எல்இடி இண்டிகேட்டர்களும் உள்ளன. ஆஃப்-ரோடு பயணத்திற்கு ஏற்ப, மேலும் பல அம்சங்கள் இதில் உள்ளது. பி.எம்.டபுள்யூ ஜி 310 ஜி.எஸ் மாடலில் கே.டி.எம் பைக்கை விட சற்று குறைவான ஆஃப்-ரோடு அம்சங்கள் இருப்பதாக தெரிகிறது.

சிறப்பம்சங்கள் :

கே.டி.எம் 390 அட்வென்சர் பைக்கை பொறுத்தவரை இதை சுற்றிலும் எல்இடி இலுமினேஷன் உள்ளது. இது TFT திரை, இரண்டு இழுவை முறைகள், ஒரு விரைவு ஷிஃப்டர், ABS மற்றும் ஸ்மார்ட்போன் இணைப்பு ஆகியவற்றைப் கொண்டுள்ளது. ஜி 310 ஜி.எஸ் பைக்கில் ஆனது எல்இடி இலுமினேஷன் மற்றும் முழு டிஜிட்டல் கன்சோலைக் பெற்றுள்ளது. இது புளூடூத் இணைப்பு போன்ற சில அம்சங்களை பெறவில்லை.

Also Read : ராயல் என்பீல்டு இன்டர்செப்ட்டார், கான்டினென்டல் GT ஆகிய பைக்குகளின் இ.எம்.ஐ லோன் பற்றிய தகவல்கள் இதோ!

எஞ்சின்

கே.டி.எம் 390 அட்வென்சர் ஆனது 373சிசி, சிங்கிள்-சிலிண்டர், லிக்விட்-கூல்டு, ஃபோர்-வால்வ் மோட்டார் மூலம் இயக்கப்படுகிறது. இது 42.3bhp மற்றும் 37Nm அளவுக்கு டியூன் செய்யப்பட்டுள்ளது மற்றும் ஆறு வேக கியர்பாக்ஸுடன் வருகிறது. அடுத்ததாக, பி.எம்.டபுள்யூ ஜி 310 ஜி.எஸ் மாடலில் 33.5bhp மற்றும் 28Nm பெல்ட் அவுட்டாக ட்யூன் செய்யப்பட்ட 313சிசி, சிங்கிள்-சிலிண்டர் மோட்டார் ஆகிய வசதிகளை பெற்று வருகிறது.

பாகங்கள்

கே.டி.எம் 390 அட்வென்சர் பைக்கில் USD ஃபோர்க்குகள் மற்றும் ஒரு மோனோஷாக் உடன் வருகிறது. பி.எம்.டபுள்யூ ஜி 310 ஜி.எஸ் மாடலில் இதே அமைப்புடன் வருகிறது. இரண்டு பைக்குகளும் 19-இன்ச் அலாய்களால் உருவாக்கி உள்ளன. ஆனால் கே.டி.எம் 390 வண்டியில் முந்தைய மாடலில் 6 ஸ்போக்குகளுக்குப் பதிலாக 390'இன் சக்கரங்களை ஐந்து ஸ்போக்குகளுடன் புதுப்பித்துள்ளனர். கே.டி.எம் 390 அட்வென்ச்சரில் உள்ள பிரேக்கிங் ஹார்டுவேர், லீன்-சென்சிட்டிவ் டூயல்-சேனல் ஏபிஎஸ் உடன் இரு முனைகளிலும் ஒற்றை டிஸ்க்கைக் கொண்டுள்ளது. இருப்பினும், பவேரியன் ஏடிவி வழக்கமான ஏபிஎஸ் அமைப்பைப் பெற்று வருகிறது.

Also Read : குறைந்த பட்ஜெட் விலையில் வாங்க கூடிய தரமான டாப் 5 ஸ்கூட்டர்கள்..!

விலை

கே.டி.எம் 390 பைக்கின் விலை தற்போது ரூ. 3.35 லட்சத்தில் விற்பனை செய்யப்படுகிறது, அதே சமயம் பி.எம்.டபுள்யூ ஜி 310 ஜி.எஸ் பைக்கின் விலை ரூ. 30,000 குறைந்து ரூ. 3.05 லட்சத்திற்கு விற்பனை ஆகிறது. நீங்கள் ஒரு கே.டி.எம் பைக் விரும்பியாக இருந்தால் இந்த விலைக்கு எல்லா சிறப்பம்சங்களும் உள்ளதா என்பதை சரிபார்த்து கொண்டு வாங்குங்கள்.