• HOME
  • »
  • NEWS
  • »
  • automobile
  • »
  • ஆகஸ்ட் மாதத்தில் இந்தியாவில் வாகன விற்பனை அதிகரிப்பு

ஆகஸ்ட் மாதத்தில் இந்தியாவில் வாகன விற்பனை அதிகரிப்பு

கோப்புப்படம்

கோப்புப்படம்

கொரோனாவால் ஏற்பட்ட பின்னடைவுக்கு இடையிலும் இந்தியாவில் வாகன விற்பனை ஆகஸ்ட் மாதத்தில் கூடியுள்ளது.

  • Share this:
    நாட்டின் மிகப்பெரிய கார் தயாரிப்பு நிறுவனமான மாருதி சுஸூகி இந்தியாவின், வாகன விற்பனை ஆகஸ்ட் மாதத்தில் 17% கூடியுள்ளது. இந்நிறுவனத்தின் உள்ளூர் விற்பனை கடந்த ஆண்டு ஆகஸ்ட் மாதத்தை விட, இந்த ஆகஸ்ட்டில் 20% அதிகரித்துள்ளது. அதேநேரம் வாகன ஏற்றுமதி 15% சரிவடைந்துள்ளது.

    ஹூண்டாய் மோட்டார் இந்தியாவின் விற்பனை, கடந்த ஆண்டு ஆகஸ்ட் மாதத்தை விட இந்த ஆண்டு 20% அதிகரித்துள்ளது. இதனைத் தவிர, கியா மோட்டார்ஸ் விற்பனை 74%-ம், எம்.ஜி மோட்டார்ஸ் விற்பனை 41% அதிகரித்துள்ளது.

    நாட்டின் மிகப்பெரிய இருசக்கர வாகன தயாரிப்பு நிறுவனமான ஹீரோ மோட்டோகார்ப் வாகன விற்பனை 7.55 சதவிதம் அதிகரித்துள்ளது. மகேந்திரா & மகேந்திரா நிறுவனத்தில், ஒட்டுமொத்த விற்பனை 16% சரிவை சந்தித்து இருந்தாலும், பயணிகள் வாகன விற்பனை 1% உயர்ந்துள்ளது.



    ஊரடங்கு தளர்வுகள் காரணமாகவும், பண்டிகை காலம் நெருங்கி வருவதாலும், இனி வரும் காலங்களில் வாகன விற்பனை மேலும் அதிகரிக்கும் என்று எதிர்பார்க்கப்படுகிறது.

    மேலும் படிக்க... உயர்ந்து கொண்டே செல்லும் பெட்ரோல் & டீசல் விலை - இன்றைய நிலவரம் என்ன?

    அதேநேரம் ஹோண்டா கார்ஸ் விற்பனை கடந்த ஆகஸ்ட்டை விட தற்போது 9% குறைந்துள்ளது. இந்நிறுவனத்தின் கடந்த ஆண்டு விற்பனை 8291.. இந்த ஆண்டு 7509 கார்கள் மட்டுமே விற்றுள்ளன.

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தைஇங்கே கிளிக்செய்து ஃபாலோ செய்யுங்கள்.. செய்திகளை உடனுக்குடன் பெறுங்கள். Also Follow @ Facebook, Twitter, Instagram, Sharechat,Telegram, YouTube

    Published by:Vaijayanthi S
    First published: