Home /News /automobile /

ரோல்ஸ்–ராய்ஸ் நிறுவனம் 2021–ம் ஆண்டு கார்கள் விற்பனையில் புதிய சாதனை

ரோல்ஸ்–ராய்ஸ் நிறுவனம் 2021–ம் ஆண்டு கார்கள் விற்பனையில் புதிய சாதனை

Rolls Royce

Rolls Royce

2021–ம் ஆண்டில், ரோல்ஸ்–ராய்ஸ் கார்களின் விற்பனையானது 117 ஆண்டுகால வரலாற்றில் இல்லாத வகையில் சாதனையை முறியடித்து, அதிகபட்சமாக கார்கள் விற்பனையாகி உள்ளது.

  • News18 Tamil
  • 3 minute read
  • Last Updated :
    2020ம் ஆண்டை ஒப்பிடுகையில் 2021ம் ஆண்டில் 49% கூடுதலான கார்களை விற்பனை செய்து, 117 ஆண்டுகால வரலாற்றில் ரோல்ஸ் ராய்ஸ் நிறுவனம் புதிய சாதனையை படைத்திருக்கிறது.

    கடந்த 2021–ம் ஆண்டு கார்கள் விற்பனையில் ரோல்ஸ் ராய்ஸ் நிறுவனம் சாதனை படைத்துள்ளது. இது குறித்து இந்நிறுவனத்தின் தலைமை செயல் அதிகாரி, டார்ஸ்டன் முல்லர்-ஓட்வோஸ் கூறுகையில்,

    ‘‘2021–ம் ஆண்டு ரோல்ஸ்–ராய்ஸ் மோட்டார் கார்ஸ் நிறுவனத்திற்கு சிறப்புமிக்க ஆண்டாக அமைந்தது. உலகம் முழுவதும் உள்ள எங்கள் வாடிக்கையாளர்களுக்கு கடந்த 117 ஆண்டுகால வரலாற்றில் எப்போதும் இல்லாத அளவுக்கு அதிகமான கார்களை தயாரித்து நாங்கள் வழங்கி இருக்கிறோம். ஒவ்வொரு சர்வதேச சந்தையிலும் அனைத்து தயாரிப்புகளுக்கும் முன்னெப்போதும் இல்லாத வகையில் தேவை அதிகரித்துள்ளது. சிறந்த கார் தயாரிப்புக்கான அனைத்து கட்டமைப்பு வசதிகளுடன் பிரத்யேகமாக பல்வேறு வசதிகளையும் எங்கள் தொழிற்சாலை கொண்டுள்ளது.

    கோஸ்ட் மற்றும் கடந்த அக்டோபர் மாதம் அறிமுகம் செய்யப்பட்ட பிளாக் பேட்ஜ் கோஸ்ட் ஆகிய கார்கள் வாடிக்கையாளர்களிடம் நல்ல வரவேற்பைப் பெற்றுள்ளதோடு, தனித்துவ வடிவமைப்பிற்கான கார்களின் தேவையும் அதிகரித்திருந்தது. இது நிறுவனத்தின் வளர்ச்சிக்கான சிறந்த பங்களிப்பை அளித்துள்ளது. எங்கள் நிறுவனம் முழுமையான மின்சார மோட்டார் கார் ‘ஸ்பெக்டர்’ வரலாற்று வெளியீட்டிற்கு தயாராகி வரும் நிலையில் இந்த சாதனை எங்களுக்கு மிகுந்த ஊக்கத்தை அளிக்கிறது. இந்த ஆண்டு எங்களுக்கு கிடைத்துள்ள இந்த வெற்றியின் மூலம், வாகன உற்பத்தித் துறைக்கு அப்பால், உண்மையான சொகுசு பிராண்டாக நாங்கள் தொடர்ந்து வளர்ச்சி அடைவோம்” என்று தெரிவித்தார்.

    Also read:  ஓமைக்ரான் பரவலால் 2 வயதுக்குட்பட்ட குழந்தைகளுக்கு அதிக ஆபத்து - மருத்துவர்கள் எச்சரிக்கை

    2021–ம் ஆண்டில், ரோல்ஸ்–ராய்ஸ் கார்களின் விற்பனையானது 117 ஆண்டுகால வரலாற்றில் இல்லாத வகையில் சாதனையை முறியடித்து, அதிகபட்சமாக கார்கள் விற்பனையாகி உள்ளது. இந்நிறுவனம் கடந்த ஆண்டு 5,586 கார்களை வாடிக்கையாளர்களுக்கு டெலிவரி செய்தது, இது கடந்த 2020–ம் ஆண்டு காலக்கட்டத்தை காட்டிலும் 49% அதிகம் ஆகும். அமெரிக்கா, சீனா, ஆசிய-பசிபிக் நாடுகள் மற்றும் அனைத்து சந்தைகளிலும் இந்த கார்களின் விற்பனை வளர்ச்சி அடைந்துள்ளது. அனைத்து ரோல்ஸ் ராய்ஸ் மாடல்களுக்கும் நல்ல வரவேற்பு இருந்தது. கடந்த ஆண்டு அக்டோபர் மாதம் பிளாக் பேட்ஜ் கோஸ்ட் அறிமுகப்படுத்தப்பட்டதைத் தொடர்ந்து இதன் தேவை மேலும் அதிகரித்து வருகிறது. மேலும் இத்துடன் கல்லினன் மற்றும் இந்நிறுவனத்தின் பிரத்யேக தயாரிப்பான பாண்டம் ஆகிய கார்களும் 2022–ம் நிதி ஆண்டின் 3வது காலாண்டு வரை வாடிக்கையாளர்களிடம் இருந்து ஆர்டர் பெறப்பட்டுள்ளன.

    Also read:  அரசியல் ஆதாயத்துக்காக மேகதாது பாதயாத்திரை - காங்கிரஸ் கட்சியை விளாசும் கர்நாடக முதல்வர்

    இதேபோல் ஹெர்ம்ஸுடன் இணைந்து தயாரிக்கப்பட்ட கண்கவர் பாண்டம் ஓரிப் கார், பாண்டம் டெம்பஸ் மற்றும் லேண்ட்ஸ்பீட் பிளாக் பேட்ஜ் வ்ரைத் மற்றும் பிளாக் பேட்ஜ் டான் கலெக்ஷன் ஆகிய கார்களின் வரவேற்பு ஒரு புதிய சமகால கோச்பில்ட் இயக்கத்தை வழிநடத்துவதற்காக ரோல்ஸ்–ராய்ஸ் கார்களின் உறுதிப்பாட்டை அடையாளம் காட்டியது. ரோல்ஸ் ராய்ஸ் நிறுவனத்தின் கோச்பில்ட் திட்டம் வருங்கால பிரிவில் நிரந்தர அங்கமாக மாறியதன் மூலம், புதிய சமகால பயிற்சியாளர் இயக்கத்தை வழிநடத்துவதற்கான அதன் உறுதிப்பாட்டை இந்நிறுவனம் அடையாளம் காட்டியதோடு, மேலும் அதன் சமீபத்திய கோச்பில்ட் தலைசிறந்த படைப்பான ‘போட் டெயில்’ காரை வெளியிட உள்ளது.

    மேலும் இந்நிறுவனம் சமீபத்தில் தனது முதல் முழுமையான மின்சார மோட்டார் காரான ஸ்பெக்டரையும் அறிவித்தது. இந்த கார் 2023–ம் ஆண்டு 4வது காலாண்டில் அறிமுகம் செய்யப்பட இருக்கிறது. இதற்கான தயாரிப்பு நடவடிக்கைகளை ரோல்ஸ்–ராய்ஸ் நிறுவனம் ஏற்கனவே துவங்கி விட்டது. இந்த மின்சார மோட்டார் கார் உலகம் முழுவதும் 25 லட்சம் கிலோ மீட்டர் பயணம் செய்து உலகின் அனைத்து பகுதிகளுக்கும் செல்ல இருக்கிறது. இது ரோல்ஸ் ராய்சின் 400 ஆண்டுகளுக்கும் மேலான பயன்பாட்டை உருவகப்படுத்தும்.

    Also read:   பாறை சரிந்து படகில் சென்ற சுற்றுலா பயணிகள் மீது விழுந்த கோர சம்பவம் - 10 பேர் பலி

    இந்த மின்சார கார்கள் தயாரிப்பில் இந்நிறுவனம் ஈடுபட்டிருந்தாலும், தற்போதைய கார்களுக்கான தேவையை பூர்த்தி செய்யும் விதமாக திறமையான வடிவமைப்பாளர்கள், 2000 மிகவும் திறமைமிக்க கைவினைஞர்கள் மற்றும் உலகின் முன்னணி பொறியாளர்கள் அர்ப்பணிப்பு உணர்வுடன் இதன் தொழிற்சாலையில் பணியாற்றி வருகிறார்கள். குட்வுட்டில் உள்ள இந்நிறுவனத்திற்கு சொந்தமான தொழிற்சாலை தற்போது உலகம் முழுவதும் உள்ள வாடிக்கையாளர்களின் ஆர்டர்களை நிறைவேற்ற இரண்டு ஷிப்ட் முறையில் அதிகபட்ச திறனில் இயங்குகிறது.

    மேலும் இந்நிறுவனம் தனது எதிர்கால திறமை மற்றும் திறன்களை 2022–ம் ஆண்டிற்கான அதன் மதிப்புமிக்க தொழிற்பயிற்சி திட்டத்தின் மூலம் வழங்க இருக்கிறது. இதில் மொத்தம் 37 பேர் பதிவு செய்துள்ளனர்.

    மேலும் இது குறித்து இந்நிறுவனத்தின் தலைமை செயல் அதிகாரி, டார்ஸ்டன் முல்லர்-ஓட்வோஸ் கூறுகையில், “ரோல்ஸ் ராய்ஸ் கார்களுக்கு இது ஒரு உண்மையான வரலாற்றுச் சிறப்புமிக்க ஆண்டாகும். 12 மாதங்களுக்குள், நாங்கள் எங்களின் மிக உயர்ந்த வருடாந்திர விற்பனையைப் பதிவு செய்துள்ளோம். எங்கள் பிளாக் பேட்ஜ் குடும்பத்தில் சமீபத்திய காரையும் அறிமுகம் செய்தோம். எங்கள் பயிற்சியாளர்களின் திறன்கள் மூலம் உலகை வியப்பில் ஆழ்த்தினோம், மேலும் எதிர்காலத்தில் அறிமுகம் செய்ய மின்சார கார்களுக்கான அனைத்து நடவடிக்கைகளையும் மேற்கொண்டோம்.

    Also read:  43வயது மெக்கானிக்கை கொலை செய்து ஆண் உறுப்பை வெட்டி சாப்பிட்ட ஆசிரியர்

    எப்போதும் போல எங்கள் நிறுவன ஊழியர்கள் மற்றும் உலகம் முழுவதும் உள்ள எங்கள் குழுவினர் மற்றும் டீலர் நெட்வொர்க் மூலம் இந்த சாதனை சாத்தியமாகி உள்ளது. அவர்கள் ஒவ்வொருவருக்கும் எனது நன்றிகளையும் வாழ்த்துக்களையும் தெரிவித்துக் கொள்கிறேன்: ஒவ்வொரு நாளும் அவர்களுடன் இணைந்து பணியாற்றுவது எனக்கு கிடைத்த பாக்கியம் ஆகும்”, என்றும் தெரிவித்தார்.
    Published by:Arun
    First published:

    Tags: Automobile

    அடுத்த செய்தி