ஹோம் /நியூஸ் /ஆட்டோமொபைல் /

ஒரு முறை சார்ஜ் செய்தால் 100கிமீ.. குறைந்த விலையில் அறிமுகமான ஓலா எலெக்ட்ரிக் ஸ்கூட்டர்!

ஒரு முறை சார்ஜ் செய்தால் 100கிமீ.. குறைந்த விலையில் அறிமுகமான ஓலா எலெக்ட்ரிக் ஸ்கூட்டர்!

ஓலா S1 Air

ஓலா S1 Air

Ola S1 Air Electric Scooter | சமீபத்தில் அறிமுகப்படுத்தப்பட்ட Ola-வின் MoveOS 3 சாஃப்ட்வேர் அப்டேட்டுடன் இந்த புதிய ஓலா S1 Air ஸ்கூட்டர் வெளிவரும் என தெரிகிறது.

  • News18 Tamil
  • 2 minute read
  • Last Updated :
  • Tamil Nadu, India

சிறந்த பட்ஜெட்டிற்குள் EV ஸ்கூட்டர் வாங்க நினைக்கும் மக்களை இலக்காகக் கொண்டு, எலெக்ட்ரிக் வாகன தயாரிப்பு நிறுவனமான ஓலா எலெக்ட்ரிக் தனது புதிய S1 Air எலெக்ட்ரிக் ஸ்கூட்டரை சமீபத்தில் அறிமுகப்படுத்தி உள்ளது.

இதன் மூலம் தனது இ-ஸ்கூட்டர் போர்ட்ஃபோலியோவையும் விரிவுபடுத்தியுள்ளது. ஒருமுறை முழுவதுமாக சார்ஜ் செய்தால் சுமார் 100 கிமீ வரை செல்லும் இந்த புதிய Ola S1 Air எலெக்ட்ரிக் ஸ்கூட்டர், இந்திய இ-ஸ்கூட்டர் செக்மென்ட்டில் ஒரு கேம் சேஞ்சராக இருக்கும் என்று ஓலா எலெக்ட்ரிக் நிறுவனத்தின் CEO பவிஷ் அகர்வால் கூறி இருக்கிறார்.

தீபாவளிக்கு முன் ரூ.79,999 என்ற அறிமுக விலையில் வெளியிடப்பட்ட இந்த புதிய Ola S1 Air எலெக்ட்ரிக் ஸ்கூட்டரின் தற்போதைய எக்ஸ்-ஷோரூம் விலை ரூ.84,999 ஆகும். ரூ.79,999 என்ற அறிமுக விலை அக்டோபர் 24, 2022 வரை செய்யப்பட்ட முன்பதிவுகளுக்கு மட்டுமே செல்லுபடியாகும். Ola S1 Air-க்கான பர்ச்சேஸ் விண்டோ பிப்ரவரி 2023 -ல் திறக்கப்படும், டெலிவரிகள் 2023 ஏப்ரல் மாதத்தில் தொடங்கும். தற்போது வாடிக்கையாளர்கள் ரூ.999 செலுத்தி இந்த ஸ்கூட்டரை ரிசர்வ் செய்து கொள்ளலாம். S1 மற்றும் S1 Pro ஸ்கூட்டர்களை விட மலிவு விலையில் வழங்குவதால் பிற ஓலா எலெக்ட்ரிக் ஸ்கூட்டரின் ஹை-ஸ்பெக் வேரியன்ட்களுடன் ஒப்பிடுகையில் Ola S1 Air சில விஷயங்கள் இருக்காது.

ஓலா எலெக்ட்ரிக் நிறுவனத்தின் புதிய S1 Air ஸ்கூட்டரானது S1 பிளாட்ஃபார்ம் அடிப்படையிலானது. இது 4.5 kW ஹப் மோட்டாரை உள்ளடக்கியிருக்கும், இது மணிக்கு 85 கிமீ வேகத்தை அடைய உதவும். நிறுவனத்தின் கூற்றுப்படி, eco மோடில் இதன் அதிகபட்ச வரம்பு 100 கிலோ மீ ட்டர் ஆகும். சுமார் 99 கிலோ எடை கொண்ட இந்த புதிய எலெக்ட்ரிக் ஸ்கூட்டர் நியோ மின்ட், கோரல் கிளாம், ஜெட் பிளாக், போர்சிலியன் ஒயிட் மற்றும் லிக்விட் சில்வர் உள்ளிட்ட கலர் ஆப்ஷன்களில் வெளிவர உள்ளது.

Also Read : ராயல் என்ஃபீல்டு கிளாசிக் 350 - பிரபலமான இந்த டூரிங் பைக்கின் வரலாறு தெரியுமா.?

டிசைன்:

இதன் சைட்களில் கீழ் பகுதியை நோக்கி பிளாக்-அவுட் பேனல்களைப் பெறுகிறது. மேலும், இருக்கை மாற்றப்பட்டு, வழக்கமான தோற்றமுடைய டியூபுலர் கிராப் ரெயில்ஸை கொண்டுள்ளது. S1 மற்றும் S1 ப்ரோ எலெக்ட்ரிக் ஸ்கூட்டர்களின் கர்வ்டு ஃப்ளோர்போர்டை போலல்லாமல், இந்த புதிய ஸ்கூட்டர் பிளாட் ஃப்ளோர்போர்டாக உள்ளது. இந்த ஸ்கூட்டர் 7-இன்ச் டச் ஸ்கிரீன் டிஸ்ப்ளேவை பெறுகிறது.

ஸ்பெசிஃபிகேஷன்:

இந்த ஸ்கூட்டர் அதிகபட்சம் மணிக்கு 85 கிமீ வேகத்தில் செல்லும். 4.3 வினாடிகளில் 0-40 கிமீ வேகத்தை எட்டும். இந்த ஸ்கூட்டரின் பேட்டரி திறன் 2.5 kWh ஆக உள்ள அதே நேரம் மோட்டார் 4.5 kW அவுட்புட்டை கொண்டுள்ளது.

Also Read : ஆக்டிவா ஸ்கூட்டரை விட குறைந்த விலையில் ஹோண்டாவின் புதிய எலக்ட்ரிக் ஸ்கூட்டர்

Move OS3 அறிமுகம்:

மேலும் சமீபத்தில் அறிமுகப்படுத்தப்பட்ட Ola-வின் MoveOS 3 சாஃப்ட்வேர் அப்டேட்டுடன் இந்த புதிய ஸ்கூட்டர் வெளிவரும் என தெரிகிறது. இந்த அப்டேட் ப்ராக்ஸிமிட்டி அன்லாக், ஹில் ஹோல்ட், ப்ரொஃபைல்ஸ், வெக்கேஷன் மோட், பார்ட்டி மோட், மூட்ஸ் மற்றும் ஓலாவின் ஹைப்பர்சார்ஜர் நெட்வொர்க்கிற்கான அக்சஸ் என பல புதிய அம்சங்கள் மற்றும் மேம்பட்ட செயல்திறன்களை வழங்கும் என அறிவிக்கப்பட்டுள்ளது. இதனிடைய Ola S1 Air அறிமுகம் மூலம் அன்றாட ஸ்கூட்டரை வெறும் செயல்பாட்டிலிருந்து அதிநவீன மற்றும் தொழில்நுட்ப ரீதியாக மேம்பட்ட தயாரிப்பாக மாற்றியுள்ளோம். வரும் 2025-ஆம் ஆண்டிற்குள் நாட்டிலுள்ள உள்ள அனைத்து டூ வீலர்களும், எலெக்ட்ரிக்காக இருப்பதை உறுதி செய்வதை நோக்கமாக கொண்டுள்ளோம் என பவிஷ் அகர்வால் குறிப்பிட்டுள்ளார்.

Published by:Selvi M
First published:

Tags: Automobile, Ola, Scooters