5 டோர் மஹிந்திரா தார் சோதனை ஆரம்பம்.. எப்போது அறிமுகம் தெரியுமா.?

இந்தியாவின் ஆஃப் ரோடு டிராவல் பிரியர்களின் விருப்பமாக மஹிந்திரா தார் எஸ்யூவி இருந்து வருகிறது. இந்நிலையில், வாடிக்கையாளர்களின் எதிர்பார்ப்புகளை விஞ்சும் வகையில் புதிய தலைமுறை அம்சங்களுடன் மஹிந்திரா தார் எஸ்யூவி அப்டேட் செய்யப்பட்டு மஹிந்திரா தார் 5-டோர் வெர்ஷன் உருவாக்கப்பட்டுள்ளது. த்ரீ-டோர் மாடலை அறிமுகப்படுத்தியதில் இருந்தே, கார் பிரியர்கள் இந்த பிரபலமான ஆஃப் ரோடு மாடலின் 5 டோர் வெர்ஷன் அறிமுகத்திற்காக காத்துக்கிடக்கின்றனர். தற்போது மஹிந்திரா நிறுவன வாடிக்கையாளர்களின் எதிர்பார்ப்பை பூர்த்தி செய்யும் வகையில் சோசியல் மீடியாவில் வீடியோ ஒன்று வைரலாகி வருகிறது.

மஹிந்திரா தார் 5-டோர் வெர்ஷன் எஸ்யூவிக்கான சோதனை இந்தியாவில் தொடங்கப்பட்டுள்ளது. moto._tourer என்ற இன்ஸ்டாகிராம் பக்கத்தில் பகிரப்பட்டுள்ள வீடியோவில், நியூ ஜெனரேஷன் 5 டோர் மஹிந்திரா தார் காரின் சோதனை ஓட்டம் இந்தியாவில் தொடங்கப்பட்டுள்ளதாக குறிப்பிடப்பட்டுள்ளது. அத்துடன் காரின் உருவத்தை மறைக்கும் விதமாக பிளாக் அண்ட் ஒயிட் கலரில் கவர் செய்யப்பட்ட மஹிந்திரா தார் 5-டோர் வெர்ஷன் சாலையில் சென்று கொண்டிருப்பது போன்ற சில நிமிட கிளிப்பிங்ஸும் வெளியாகியுள்ளது. வடிமைப்பு பணிகள் நிறைவடையாத நிலையில் காரின் புரோடக்‌ஷன் பணிகள் ஆரம்பமாக இன்னும் சில மாதங்கள் ஆகும் என்றும், அடுத்த ஆண்டு எப்போது வேண்டுமானாலும் மஹிந்திரா தார் 5-டோர் வெர்ஷன் அறிமுகப்படுத்தப்படலாம் என்றும் எதிர்பார்க்கப்படுகிறது.

 

View this post on Instagram

 

A post shared by Anand B (@moto._tourer)

இதற்கு முன்னதாக வெளியான மஹிந்திரா தார் 3 டோர் வொர்ஷன் உடன் ஒப்பிடும் போது, 5 டோர் மாடல் அகலமான வீல்பேலன்ஸ் மற்றும் உயரமான தோற்றத்துடன் வடிவமைக்கப்பட்டுள்ளது. மஹிந்திரா 3 டோர் வெர்ஷன் 3,984 மில்லி மீட்டர் நீளமும், 1,844 மில்லி மீட்டர் உயரமும், 1,820 மில்லி மீட்டர் அகலம் மற்றும் 2,450 மில்லி மீட்டர் வீல்பேஸ் கொண்டது.

Also Read : 10 லட்சத்திற்கும் குறைவான சிறந்த கார்களின் பட்டியல் இதோ..

மஹிந்திரா தார் 5-டோர் எஸ்யுவி மாடல் சமீபத்தில் அறிமுகம் செய்யப்பட்ட ஸ்கார்பியோ N மாடலை சார்த்திருக்கும் எனத் தெரிகிறது. இன்டீரியர் மற்றும் எக்ஸ்டீரியர்களில் பல அம்சங்கள் ஸ்கார்பியோ என் மாடலைப் போலவே வடிவமைக்கப்பட்டிருக்கும் என எதிர்பார்க்கப்படுகிறது.

மஹிந்திரா ஸ்கார்பியோ N மிகவும் கரடுமுரடான லேடர் ஃபிரேம் சேஸைக் கொண்டிருந்தது, ஆனால் அதிக வலிமை கொண்ட எஃகு மூலமாக மஹிந்திரா தார் 5 டோர் மாடலுக்கான சேஸ் மாற்றியமைக்கப்படும் என எதிர்பார்க்கப்படுகிறது. மேலும் தார் 5 டோர் எஸ்யூவி ஆனது ஆறு அல்லது ஏழு இருக்கை அமைப்புகளுடன் வர உள்ளதால், இருக்கையின் வடிவமைப்பு மற்றும் செயல்திறனும் மாறுபடக்கூடும் எனத் தெரிகிறது.

Also Read : ரூ.60 ஆயிரம் வரை அதிரடி ஆபர்களை அறிவித்த ரெனால்ட்.! 

தார் 3-டோர் மாடல் 2.2 லிட்டர் டீசல் என்ஜின் மற்றும் 2 லிட்டர் டர்போ சார்ஜ் செய்யப்பட்ட பெட்ரோல் என்ஜின் என இருவித ஆப்ஷன்களில் கிடைக்கிறது.இரு என்ஜின்களுடன் 6 ஸ்பீடு மேனுவல் அல்லது 6 ஸ்பீடு ஆட்டோமேடிக் கியர்பாக்ஸ் அம்சங்களைக் கொண்டுள்ளது. அதேபோல் தார் 5 டோர் மாடலும் 2.0-லிட்டர் mStallion டர்போசார்ஜ் செய்யப்பட்ட பெட்ரோல் என்ஜின், 2.2-லிட்டர் mHawk டர்போ டீசல் என்சின் ஆப்ஷன்களுடன் வரக்கூடும் என எதிர்பார்க்கப்படுகிறது.