Home /News /automobile /

ஒருமுறை சார்ஜ் செய்தால் 528 கிமீ வரை செல்லும் Kia EV6 எலெக்ட்ரிக் கார் அறிமுக தேதி அறிவிப்பு!

ஒருமுறை சார்ஜ் செய்தால் 528 கிமீ வரை செல்லும் Kia EV6 எலெக்ட்ரிக் கார் அறிமுக தேதி அறிவிப்பு!

Kia EV6

Kia EV6

Kia EV6 | 350KWh சார்ஜர் மூலம் இந்த வாகனத்தை 18 நிமிடங்களுக்குள் 10% முதல் 80% வரை சார்ஜ் செய்ய முடியும்.

    இந்தியாவில் Kia நிறுவனத்தின் EV6 எலெக்ட்ரிக் காருக்கான புக்கிங்ஸ் கடந்த மே 26 முதல் தொடங்கப்பட்டு உள்ள நிலையில் வரும் ஜூன் 2 அன்று Kia EV6 இந்தியாவில் அறிமுகப்படுத்தப்பட உள்ளது.

    இது முழுமையாக கட்டமைக்கப்பட்ட யூனிட்களாக (Completely Built Units) இறக்குமதி செய்யப்படும், அதாவது இது விலையுயர்ந்ததாக இருக்கும், மேலும் இது அறிமுகப்படுத்தப்பட்ட பின்னர் இந்தியாவில் கியாவின் முதன்மை தயாரிப்பாக மாறும். தொழில்நுட்ப ரீதியாக கியாவின் மிகவும் மேம்பட்ட காராக Kia EV6 இருக்கும் என்று நிறுவனம் உறுதியளிக்கிறது.

    இந்தியா முழுவதும் சுமார் 100 Kia EV6 மட்டுமே கிடைக்கும் என்று கூறப்படுகிறது. மே 26 முதல் தேர்ந்தெடுக்கப்பட்ட டீலர்ஷிப்களில் இந்த எலெக்ட்ரிக் காருக்கான புக்கிங்ஸ்கள் தொடங்கப்பட்டுள்ளன. Kia EV6 இந்தியாவில் 12 இடங்களில் மட்டுமே கிடைக்கும். இதில் டெல்லி, மும்பை, புனே, அகமதாபாத், குருகிராம், நொய்டா, ஜெய்ப்பூர், சென்னை, பெங்களூரு, கொச்சி, ஹைதராபாத் மற்றும் கொல்கத்தா உள்ளிட்ட நகரங்கள் அடங்கும். Kia EV6-ன் விலை வரும் ஜூன் 2, 2022 அன்று அறிவிக்கப்படும்.

    Kia EV6 காரானது 77.4kWh பேட்டரி பேக்குடன் ரியர் வீல் டிரைவ் வேரியன்ட் 528 கிமீ ரேஞ்சை (அதாவது ஒருமுறை சார்ஜ் செய்தால் சுமார் 528 கிமீ தூரம்) கொண்டுள்ளது. இந்த வெர்ஷன் அதிகபட்சமாக 229bhp பவர் அவுட்புட் மற்றும் 350Nm பீக் டார்க் அவுட்புட் கொண்டது. ஆல் வீல் டிரைவ் மாறுபாடு உள்ளது. ஆல் வீல் டிரைவ் வேரியன்ட்டும் உள்ளது, இது 325bhp மற்றும் 605Nm உடன் டூயல் மோட்டார் செட்டப்பை பெறுகிறது மற்றும் 0-விலிருந்து -100kmph-ஐ வெறும் 5.2 வினாடிகளில் அடையும்.

    Also Read : மீண்டும் சந்தைக்கு வருகிறது இந்திய சாலைகளின் ராஜாவான அம்பாசிடர் கார்!

    350KWh சார்ஜர் மூலம் இந்த வாகனத்தை 18 நிமிடங்களுக்குள் 10% முதல் 80% வரை சார்ஜ் செய்ய முடியும். தேர்ந்தெடுக்கப்பட்ட டிரிம்களில் ஆல்-வீல் டிரைவ் (AWD) சிஸ்டம், பனோரமிக் சன்ரூஃப், மல்டிபிள் டிரைவ் மோடஸ், முன்பக்க மோதல் தவிர்ப்பு உதவி, லேன் கீப் அசிஸ்ட் மற்றும் 60-க்கும் மேற்பட்ட கனெக்டட் அம்சங்களுடன் வருகிறது.

    Kia EV6 கார் Euro NCAP-ஆல் 5-ஸ்டார் கிராஷ் டெஸ்ட் ரேட்டிங்கை பெற்றுள்ளது. இந்த கார் அதன் சிறப்பான வடிவமைப்பிற்காக iF டிசைன் அவார்டை (iF design award) பெற்றுள்ளது. அளவைப் பொறுத்தவரை Kia EV6 4,695mm நீளம், 1,890mm அகலம் மற்றும் 1,550mm உயரம் மற்றும் 2,900mm நீளமான வீல்பேஸ் ஆகியவற்றை கொண்டுள்ளது. மேலும் அளவு வாரியாக இந்த கார் நடுத்தர அளவிலான சொகுசு SUV-க்களுடன் ஒப்பிடத்தக்கது.

    Kia EV6 காரானது CBU-ஆக இருப்பதால் அதிக விலையைக் கொண்டிருக்கும். இந்த காரின் விலைகள் ரூ.60 லட்சத்தில் தொடங்கும் என்று எதிர்பார்க்கப்படுகிறது. தற்போது இந்தியாவில் கியாவின் EV6-க்கு நேரடி போட்டியாளர்கள் இல்லை என்றாலும், இது 2022-ஆம் ஆண்டின் இரண்டாம் பாதியில் Hyundai Ioniq 5 உடன் போட்டியிடும்.
    Published by:Vijay R
    First published:

    Tags: Automobile, Kia motors

    அடுத்த செய்தி