மின்னணு வாகனங்கள் உற்பத்திக்கு அதிக முதலீடு செய்யவேண்டும் - பிரதமர் மோடி

news18
Updated: September 7, 2018, 11:03 PM IST
மின்னணு வாகனங்கள் உற்பத்திக்கு அதிக முதலீடு செய்யவேண்டும் - பிரதமர் மோடி
பிரதமர் நரேந்திர மோடி.
news18
Updated: September 7, 2018, 11:03 PM IST
நாட்டில் மின்னணு வாகனங்கள் உற்பத்திக்கு அதிக அளவில் முதலீடு செய்ய வேண்டும் என்று பிரதமர் நரேந்திர மோடி வலியுறுத்தியுள்ளார்.

வாகன வசதிகள் குறித்த முதலாவது சர்வதேச மாநாடு, டெல்லியில் இன்று தொடங்கியது. நிதிஆயோக் அமைப்பு ஏற்பாடு செய்துள்ள இந்த 2 நாள் மாநாட்டை, டெல்லியில் உள்ள விஞ்ஞான் பவனில் பிரதமர் நரேந்திர மோடி தொடங்கிவைத்தார்.

இதற்கு முன்னதாக, அதிநவீன போக்குவரத்து முறை குறித்த மெய்நிகர் டிஜிட்டல் கண்காட்சியை பிரதமர் பார்வையிட்டார். அப்போது, மஹிந்திரா, ஹீரோ, டாட்டா மோட்டார்ஸ், மாருதி சுசுகி, ஹோண்டா, டயோட்டா உள்ளிட்ட நிறுவனங்களைச் சேர்ந்த பிரதிநிதிகள், தற்போதைய போக்குவரத்து வசதிகள் குறித்து பிரதமரிடம் எடுத்துரைத்தனர்.


இதையடுத்து, மாநாட்டைத் தொடங்கிவைத்து உரையாற்றிய பிரதமர், எளிதான வாழ்க்கைக்கும், நமது கிரகத்தைப் பாதுகாக்கவும் முக்கிய காரணியாக வாகன வசதிகள் இருப்பதாகத் தெரிவித்தார். சுற்றுச்சூழலுக்கு ஏற்ற வகையில், போக்குவரத்து வசதிகளை ஏற்படுத்துவது தற்போதைய அவசியத் தேவை என்று குறிப்பிட்டார்.

இந்தியாவில் உள்ள தொழிலதிபர்களும், உற்பத்தியாளர்களும், பேட்டரி தொழில்நுட்பத்தில் புதிய கண்டுபிடிப்புகளை மேற்கொள்வதில் கவனம் செலுத்த வேண்டும் என்றும், மின்னணு வாகனங்கள் உற்பத்திக்கு அதிக முதலீடு செய்ய வேண்டும் என்றும் அவர் வலியுறுத்தினார்.

இந்தத் துறையில் அதிக அளவில் வேலைவாய்ப்புகள் கிடைத்துவரும் நிலையில், அடுத்த தலைமுறையினருக்கான வேலைவாய்ப்புகளை உருவாக்க முடியும் என்றும் அவர் கூறினார். இந்தியாவின் எதிர்கால போக்குவரத்து முறை என்பது 7 தாரக மந்திரங்களை அடிப்படையாகக் கொண்டதாக இருக்க வேண்டும் என்றும் பிரதமர் தெரிவித்தார்.

Loading...

அதாவது, பொதுவானது, இணைக்கப்பட்டது, ஏற்றுக் கொள்ளத்தக்கது, நெருக்கடி இல்லாதது, சார்ஜ் செய்யப்பட்டது, தூய்மையான, அதிநவீன வசதி கொண்டது என்ற அடிப்படையில் இருக்க வேண்டும். இடம்பெயர்வு வசதிக்கான துறையில் அளப்பரிய வாய்ப்புகள் இருப்பதாகவும், உலகமே பின்பற்றும் வகையிலான போக்குவரத்து புரட்சியை இந்தியா ஏற்படுத்த வேண்டும் என்றும் பிரதமர் நரேந்திர மோடி கேட்டுக் கொண்டார்.

பின்னர் மின்சாரத்தில் இயங்கும் வாகனங்களின் கண்காட்சியைப் பிரதமர் மோடி பார்வையிட்டார். கண்காட்சியில் மின்சார கார்கள், ரிக்ஷாக்கள், சைக்கிள்கள் மற்றும் பேருந்துகள் இடம்பெற்றிருந்தன. சனிக்கிழமை வரை நடைபெறும் இந்த மாநாட்டில், சர்வதேச அளவில் போக்குவரத்து முறையில் பின்பற்றப்படும் வழிமுறைகள் குறித்தும், அதில் மேற்கொள்ள வேண்டிய மாற்றங்கள் குறித்தும் விரிவாக விவாதிக்கப்படுகிறது.
First published: September 7, 2018
மேலும் பார்க்க
Loading...
அடுத்து செய்திகள்
Loading...