கார் வாங்க வேண்டும் என்ற ஆசை உள்ளதா ? ரூ.5 லட்சத்திற்குள் உள்ள சிறந்த 5 பட்ஜெட் கார்களின் விவரம் இதோ..!

மாதிரிப் படம்

பொதுப் போக்குவரத்தின் பயன்பாடு வரும் நாட்களில் குறையும், மக்கள் சிறிய கார்களை விரும்புவார்கள்

  • Share this:
    கார் விற்பனை சமீப காலமாக அதிகரித்துள்ளது. தற்போது பெரும்பாலானோர் புதிய மற்றும் பயன்படுத்தப்பட்ட கார்களை வாங்க ஆர்வம் காட்டுகின்றனர். பொதுப் போக்குவரத்தில் பலர் பயணிக்க விரும்பாததால் தங்களுக்கென தனியாக ஒரு வாகனத்தை வாங்குவதற்கான விருப்பம் தீவிரமடைந்துள்ளது.

    நியூஸ் 18 நடத்திய சமீபத்திய கணக்கெடுப்பு ஒன்றில், 50 ஆயிரம் பேர் பங்கேற்றனர். மே 21 முதல் மே 28 வரை ஒரு வாரம் நடந்த இந்த கருத்துக் கணிப்பில், ஊரடங்கில் தளர்வுகள் அளிக்கப்பட்டுள்ள நிலையில் பலர் பொது போக்குவரத்தை விரும்புவதில்லை என்று கண்டறியப்பட்டது. அதற்கு பதிலாக, அவர்கள் தங்கள் சொந்த வாகனங்களை பயணத்திற்கு பயன்படுத்த விரும்புகிறார்கள். மேலும் சுமார் 70% பதிலளித்தவர்கள் வேலைக்குச் செல்ல சொந்த வாகனங்களை விரும்புவதாகவே கூறினர்.

    இதுகுறித்து பேசிய ​​கியா மோட்டார்ஸ் இந்தியா விற்பனை துணைத் தலைவரும், தலைவருமான மனோகர் பட், ‘பொதுப் போக்குவரத்தின் பயன்பாடு வரும் நாட்களில் குறையும், மக்கள் சிறிய கார்களை விரும்புவார்கள்’ என தெரிவித்தார். மாருதி சுசுகி, ஹோண்டா, டொயோட்டா மற்றும் டாடா மோட்டார்ஸ் போன்ற வாகனங்களின் தேவை அதிகரிக்கும். முதன் முறையாக கார்கள் வாங்குபவர்கள் ரூ .5 லட்சத்திற்குள் விற்கப்படும் கார்களை தேர்வு செய்வார்கள் என்றார்.

    இந்தியாவில் வாங்க வேண்டிய முதல் 5 பட்ஜெட் கார்களின் பட்டியல் :

    1. டாட்சன் ரெடி-ஜிஓ

    விலை - ரூ .2.83 லட்சம் (டெல்லி ஷோரூம் விலை)

    டாட்சன் ரெடி-ஜிஓ சமீபத்தில் இந்தியாவில் அறிமுகமான புதிய பட்ஜெட் கார் ஆகும். புதிய ரெடி-ஜிஓ வெளிப்புற ஸ்டைலிங்கிற்கு ஒரு பெரிய புதுப்பிப்பைக் கொண்டு வந்துள்ளது. இதன் வடிவமைப்பு மற்றும் அம்சங்களின் அடிப்படையில் கார் சிறப்பாக உள்ளது. பகல்நேர விளக்குகள், நேர்த்தியான ஹெட்லேம்ப்கள், எல்இடி விளக்குகள், 14 அங்குல சக்கரங்கள், எல்இடி டெயில்-விளக்குகள் என பல்வேறு அம்சங்கள் இந்த காரில் உள்ளது. இது தவிர ஏசி வென்ட்களில் சில்வர் பூச்சு காரை மிகவும் கவர்ச்சிகரமானதாக ஆக்குகிறது. காருடன் இரட்டை முன் ஏர்பேக்குகள் வழங்கப்பட்டுள்ளன. ரிவர்ஸ் பார்க்கிங் சென்சார்கள், ரியர் வியூ கேமரா, சீட் பெல்ட் நினைவூட்டல், ப்ரீ-டென்ஷனர்கள், லோடு லிமிட்டர்கள் மற்றும் ஸ்பீடு சென்சார்கள் கொண்ட முன் சீட் பெல்ட் போன்ற பல அம்சங்களையும் இந்த கார் பெறுகிறது.

    2. ரெனால்ட் க்விட்

    விலை - ரூ .2.92 லட்சம் (டெல்லி ஷோரூம்)

    புதிய ரெனால்ட் க்விட் ஆண்ட்ராய்டு ஆட்டோ மற்றும் ஆப்பிள் கார்ப்ளே ஆகியவற்றைக் கொண்ட 8.0 அங்குல தொடுதிரை இன்போடெயின்மென்ட் அமைப்பைப் பெறுகிறது. கருவி கிளஸ்டரும் ட்ரைபரிலிருந்து டிஜிட்டல் கிளஸ்டருடன் டகோமீட்டரை உள்ளடக்கியது. இது 800 சிசி யூனிட்டால் இயக்கப்படுகிறது, இது 54 ஹெச்பி மற்றும் 72 என்எம் டார்க்கை வழங்கும் மற்றும் 1.0 லிட்டர் பிளாக் 68 ஹெச்பி மற்றும் 91 என்எம் டார்க்கை வெளியேற்றும்.

    3. மாருதி சுகி ஆல்டோ

    விலை - ரூ .2.95 லட்சம் (டெல்லி எஷோரூம்)

    800 சிசி மாருதி சுசுகி ஆல்டோ மற்றும் 1.0 லிட்டர் மாருதி சுசுகி ஆல்டோ கே 10 ஆகியவை நிறுவனத்தின் சிறந்த விற்பனையான கார் மாடல்களாக உள்ளன. 800 சிசி மாடல் 48 ஹெச்பி ஆற்றலை உற்பத்தி செய்கிறது மற்றும் 5-ஸ்பீட் மேனுவலுடன் மட்டுமே இணைக்கப்பட்டுள்ளது, அதே நேரத்தில் கே 10 இப்போது S-Presso-வாக மாற்றப்பட்டுள்ளது. இந்த ஆண்டின் தொடக்கத்தில், 800 சிசி ஆல்டோ சில புதிய வடிவமைப்பை பெற்றது, பிஎஸ் 6 உமிழ்வு தரத்தை பூர்த்தி செய்ய மேம்படுத்தப்பட்டது.

    4. மாருதி சுசுகி எஸ்-பிரஸ்ஸோ

    விலை - ரூ .3.71 லட்சம் (டெல்லி எக்ஸ்-ஷோரூம்)

    மாருதி சுஸுகி எஸ் பிரெஸ்ஸோ கார் 14 வேரியண்ட்டுகளில் 6 விதமான வண்ணத் தேர்வுகளில் கிடைக்கிறது. எஸ்யூவி பிரிவை மக்களிடையே மேலும் விரும்பும் முயற்சியாக, நிறுவனம் மாருதி சுசுகி எஸ்-பிரஸ்ஸோவை அறிமுகப்படுத்தியது. ஆப்பிள் கார்ப்ளே மற்றும் ஆண்ட்ராய்டு ஆட்டோ ஆகியவற்றைக் கொண்ட மாருதியின் ஸ்மார்ட் பிளே 2.0 உடன் வருகிறது. இந்த காரின் விலை குறைவான வேரியண்ட்டுகளில் 13 ஸ்டீல் சக்கரங்களுக்கும், விலை உயர்ந்த வேரியண்ட்டுகளில் 14 அங்குல ஸ்டீல் வீல்களும் உள்ளன. பக்கவாட்டில் பிளாஸ்டிக் கிளாடிங் சட்டங்களும் கொடுக்கப்பட்டுள்ளன. பின்புறத்தில் சி வடிவிலான டெயில் லைட் க்ளஸ்ட்டர்களும், பம்பரில் ரிஃப்ளெக்டர்களும் கொடுக்கப்பட்டுள்ளன.

    5. ஹூண்டாய் சாண்ட்ரோ

    விலை - ரூ. 4.57 லட்சம் (டெல்லி எக்ஸ்-ஷோரூம்)

    புதிய ஹூண்டாய் சாண்ட்ரோ புதிய தொழில்நுட்பத்துடன் நிரம்பியுள்ளது. இதில் 17.64 செ.மீ (6.94 அங்குல) தொடுதிரை ஆடியோ-வீடியோ அமைப்பு உள்ளது. மல்டி மீடியா சிஸ்டத்தில் ஆண்ட்ராய்டு ஆட்டோ, ஆப்பிள் கார்ப்ளே மற்றும் மிரர் லிங்க் ஆகியவை உள்ளன. இது 1.0 லிட்டர் பெட்ரோல் எஞ்சின் மூலம் இயக்கப்படுகிறது, இது 5,500 ஆர்பிஎம்மில் 69 பிபிஎஸ் உற்பத்தி செய்கிறது. டாடா டியாகோ மற்றும் மாருதி சுசுகி வேகன் ஆர் ஆகிய கார்களும் ஹூண்டாய் சாண்ட்ரோவைப் போலவே விலை நிர்ணயம் செய்யப்பட்டு கிட்டத்தட்ட ஒரே மாதிரியான அம்சங்களைப் பெறுகின்றன. புதிய ஹூண்டாய் சான்ட்ரோ காரில் டியூவல் ஏர்பேக்குகள், இபிடியுடன் கூடிய ஏபிஎஸ் பிரேக்கிங் சிஸ்டம், ரியர் பார்க்கிங் சென்சார், பார்க்கிங் கேமரா, சென்ட்ரல் லாக்கிங் சிஸ்டம், ரியர் டீஃபாகர், மோதலின்போது தானாக கதவுகள் திறந்து கொள்ளும் வசதி என பல சிறந்த பாதுகாப்பு அம்சங்கள் உள்ளன.
    Published by:Tamilmalar Natarajan
    First published: