• HOME
  • »
  • NEWS
  • »
  • automobile
  • »
  • முன்னணி நிறுவனங்கள் வழங்கும் சிறந்த CNG கார்களின் பட்டியல் இதோ

முன்னணி நிறுவனங்கள் வழங்கும் சிறந்த CNG கார்களின் பட்டியல் இதோ

மாதிரிப் படம்

மாதிரிப் படம்

பெட்ரோல், டீசலுக்கு மாற்றாக இயற்கை எரிவாயு பயன்படுத்தி செயல்படக் கூடிய கார்களின் விலையைத் தெரிந்துகொள்வோம்.

  • Share this:
    இந்தியாவில் பெட்ரோல் மற்றும் டீசல் விலைகள் வரலாறு காணாத உச்சத்தை தொட்டு வருவதால் வாகன போக்குவரத்து செலவுகளை குறைக்க மக்கள் குறைந்த போக்குவரத்து வழிகளுக்கு மாற சிந்தித்து வருகின்றனர். சரி, பொது போக்குவரத்துகளில் செல்லலாம் என்றால் COVID-19 தொற்றுநோய் குறித்த பயம் பேருந்து, ரயிலில் பயணிப்பதில் இருந்து மக்களை விலக்கி வைத்துள்ளது.

    இந்த சூழ்நிலையில், சொந்த வாகனத்தில் தனியாக பயணிப்பதே சிறந்ததாக இருக்கும். அந்த வகையில் பெட்ரோல், டீசல் நெருக்கடியை சமாளிக்க வேறு ஏதேனும் மலிவு விலை எரிபொருள் விருப்பங்களை தேட மக்களை நிர்பந்தித்துள்ளது. இதன் விளைவாக, மாருதி சுசுகி மற்றும் ஹூண்டாய் போன்ற நிறுவனங்கள் தங்கள் லைன்அப் மாடல்களில் புதிய CNG விருப்பங்களைக் கொண்டு வந்துள்ளன. எனவே தற்போது இந்தியாவில் கிடைக்கும் சில சிறந்த CNG கார்களின் பட்டியலை பின்வருமாறு காணலாம்.

    1. ஹூண்டாய் சாண்ட்ரோ (Hyundai Santro):

    இது தற்போது சந்தையில் கிடைக்கும் மிகவும் விரும்பத்தக்க ஹேட்ச்பேக் வாகனங்களில் ஒன்றாகும். நிறுவனத்தின் இந்த CNG வெர்சன் அதன் பெட்ரோல் மாடல் காருடன் ஒப்பிடும்போது சற்றே குறைந்த மின் உற்பத்தியை உருவாக்குகிறது. ஆனால் இயங்கும் செலவுகளின் அடிப்படையில் அதை ஈடுசெய்கிறது. இது ஒரு கிலோவுக்கு 30.48 கி.மீ மைலேஜ் மற்றும் இதன் விலை ரூ. 4.58 லட்சம் முதல் 6.26 லட்சம் வரை நிர்ணயிக்கப்பட்டுள்ளது.

    2. மாருதி சுசுகி செலிரியோ (Maruti Suzuki Celerio)

    இதன் CNG வெர்சன்கள் 5-ஸ்பீட் மேனுவல் கியர்பாக்ஸுடன், வி.எக்ஸ்.ஐ டிரிம் அடிப்படையில் அமைந்துள்ளது. இந்த கார் ஸ்விஃப்ட் மற்றும் மாருதி சுசுகியின் பட்ஜெட் கார்களின் விலையில் விற்கப்படுகிறது. இந்த பதிப்பில் வரும் வாகனங்கள் ஒரு கிலோ CNG-க்கு 31.79 கி.மீ மைலேஜ்ஜை தருகிறது. சி.என்.ஜி மாடல்களின் விலை வரம்பானது ரூ.4.46 முதல் ரூ.5.73 லட்சம் வரை நிர்ணயிக்கப்பட்டுள்ளது.

    3. ஹூண்டாய் கிராண்ட் ஐ 10 நியோஸ் (Hyundai Grand i10 Nios)

    CNG வேரியண்ட் சந்தையில் அறிமுகப்படுத்தப்பட்ட சமீபத்திய கார்களில் i10 நியோஸ் வாகனமும் ஒன்றாகும். நேர்த்தியான மற்றும் நவீனமான இந்த கார் உரிமையாளர்களுக்கு சிறந்த பாணியையும் செயல்திறனையும் வழங்குகிறது. இதில் 1.2 லிட்டர் எஞ்சின் பொருத்தப்பட்டிருக்கிறது. இது அதிகபட்சமாக 69 பிபிஎஸ் சக்தியையும் 95 என்எம் டார்க் திறனையும் வழங்குகிறது. ஒரு கிலோவுக்கு சுமார் 20.7 கி.மீ மைலேஜ் தரும் இந்த வாகனத்தின் விலை ரூ.6.63 லட்சமாக நிர்ணயிக்கப்பட்டுள்ளது.

    4. மாருதி சுசுகி ஆல்டோ (Maruti Suzuki Alto)

    இந்தியாவில் இருக்கும் CNG கார்களில் இது ஒரு சிறந்த மைலேஜ் கொடுக்கும் வாகனமாக உள்ளது. இது ஒரு சென்சிபிள் வாகனம் மட்டுமல்லாமல், தினசரி பயணத்திற்கு ஏற்றது. இந்த வாகனம் மொத்தம் 6 வகைகளில் கிடைக்கிறது மற்றும் அதன் சிஎன்ஜி எஞ்சின் சமீபத்திய பிஎஸ்விஐ மேம்படுத்தலுடன் வருகிறது. 5 இருக்கைகள் கொண்ட இந்த வாகனம் 177 லிட்டர் துவக்க இடத்தைக் கொண்டுள்ளது. இதன் 0.8 லிட்டர் எஞ்சின் அதிகபட்சமாக 48PS மற்றும் 69Nm டார்க் திறனை கொண்டது. இந்த ஆல்டோ CNG-யின் விலை ரூ .2.88 முதல் 4.09 லட்சம் வரை இருக்கும்.

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.

    5. ஹூண்டாய் ஆரா (Hyundai Aura)

    தற்போது இந்திய சந்தையில் கிடைக்கும் சிறந்த CNG பொருத்தப்பட்ட செடான்களில் இதுவும் ஒன்றாகும். இது ஒரு CNG கிட் மற்றும் BS- VI உமிழ்வு தரத்துடன் புதுப்பிக்கப்பட்டுள்ளது. இந்த S மாறுபாடு 5-ஸ்பீட் மேனுவல் டிரான்ஸ்மிஷனுடன் 1.2 லிட்டர் எஞ்சின் விருப்பத்தில் வருகிறது. இது அதிகபட்சமாக 83PS மற்றும் 114Nm டார்க் சக்தியை உருவாக்கும் திறன் கொண்டது. இது ஒரு கிலோவுக்கு சராசரியாக 25.4 கிமீ மைலேஜ்ஜை தரும் மற்றும் இதன் விலை ரூ.7.28 லட்சம் ஆகும்.

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தைஇங்கே கிளிக்செய்து ஃபாலோ செய்யுங்கள்.. செய்திகளை உடனுக்குடன் பெறுங்கள். Also Follow @ Facebook, Twitter, Instagram, Sharechat,Telegram, YouTube

    Published by:Karthick S
    First published: