இந்தியாவில் அறிமுகப்படுத்தப்படுவதற்கு முன்பே இணையத்தில் கசிந்த புதிய ஹூண்டாய் எலைட் i20ன் படங்கள்

இந்தியாவில் அறிமுகப்படுத்தப்படுவதற்கு முன்பே இணையத்தில் கசிந்த புதிய ஹூண்டாய் எலைட் i20ன் படங்கள்

புதிய ஹூண்டாய் எலைட் i20

இந்தியாவில் அறிமுகப்படுத்துவதற்கு முன்னதாக எலைட் i20ன் படங்கள் இணையத்தில் வெளியாகியுள்ளன.

  • News18
  • Last Updated :
  • Share this:
தனது அட்டகாசமான லுக்கில் வாடிக்கையாளர்களை கவர்வதில் ஹூண்டாய் எப்பொழுதும் தவறியதில்லை. அந்த வகையில் புதிதாக வெளிவர இருக்கும் காரின் புகைப்படங்கள் இணையதளத்தில் கசிந்துள்ளன. கார் வாங்க நினைப்பவர்களுக்கு இது ஒரு நல்ல வரப்பிரசாதம். தென்கொரிய நிறுவனமான ஹூண்டாய் தயாரிப்புகள் இன்றும் தரமானவை. மேலும் அதில் கொண்டுவந்துள்ள அம்சங்களை அறிந்து கொண்டு கார்களை வாங்குவது சிறந்தது.

இந்தியாவில் அதிகாரப்பூர்வமாக அறிமுகப்படுத்தப்படுவதற்கு முன்னதாகவே, அடுத்த தலைமுறை ஹூண்டாய் எலைட் i20 இன் படங்கள் ஆன்லைனில் கசிந்துள்ளன. இந்த ஆண்டு மார்ச் மாதம் ஜெனீவா மோட்டார் கண்காட்சியில் புதிய ஹேட்ச்பேக் உலகளவில் வெளியிடப்படவிருந்தது. இருப்பினும், கோவிட் -19 காரணமாக, நிகழ்ச்சி நடக்கவில்லை. இணையதளத்தில் வெளியான படங்களை வைத்து பார்க்கையில் அவை சென்னையில் உள்ள ஹூண்டாயின் உற்பத்தி நிலையத்தில் இருந்து எடுக்கப்பட்டிருக்கலாம் என கூறப்படுகிறது.

இந்த புகைப்படம் கார் தயாரிப்பு பணிகள் தொடங்கியுள்ளதை தெரிவிக்கிறது. புதிய தலைமுறை எலைட் i20, வெர்னாவுக்கு பிறகு வடிவமைக்கப்பட்டுள்ளது. வாகனத்தின் ஒட்டுமொத்த வடிவம் மற்றும் குறுகிய ஓவர்ஹாங்க்கள் பெரிய மாறுபாடு i30 ஐ ஒத்திருக்கும் என எதிர்பார்க்கப்படுகிறது. வாகன பிரியரின் படங்கள் பிப்ரவரியில் வெளியிடப்பட்ட ஹூண்டாய் வடிவமைப்பு புகைப்படங்களுடன் ஒத்திருக்கிறது.

Also read... இரண்டு புதிய பட்ஜெட் போன்களை தயாரிக்கும் பணியில் ஈடுபட்டுள்ள சாம்சங் நிறுவனம்



i20 வரிசையின் லுக்கை தக்க வைத்துக் கொண்டு, காரின் மூன்றாம் தலைமுறை ஒரு ஸ்போர்ட்டி வடிவமைப்பைக் காண்பிக்கிறது. இதன் தோற்றம் கவர்ச்சிகரமாகவும் புதிய இரட்டை-தொனி அலாய் வீல்களுடன் வருகிறது. ஹேட்ச்பேக்கில் ஆங்குலார் LED ஹெட்லைட்கள் மற்றும் அதன் விண்டோ கோட்டின் நீளத்தை இயக்கும் குரோம் ஸ்ட்ரிப் ஆகியவை அதன் போட்டியாளர்களான Ford Fiesta மற்றும் Audi A1 ஐ ஒத்திருக்கும்.

ஹூண்டாய் எலைட் i20 கிராண்ட் i10 நியோஸுடன் வெளிவந்த 1.2 லிட்டர் பெட்ரோல், 1.5 லிட்டர் டீசல் மற்றும் 1.0 லிட்டர், மூன்று சிலிண்டர் டர்போ-பெட்ரோல் போன்ற பல எஞ்சின் விருப்பங்களைக் கொண்டிருக்கும் என்று எதிர்பார்க்கப்படுகிறது. வரவிருக்கும் ஹூண்டாய் எலைட்i20 இந்தியாவில் ரூ. 6 முதல் 10 லட்சம் (எக்ஸ்-ஷோரூம்) வரம்பில் வரும். தென் கொரிய வாகன நிறுவனமான ஹூண்டாய், மாருதி சுசுகி பலேனோ, டாடா அல்ட்ரோஸ், டொயோட்டா கிளான்ஸா மற்றும் ஹோண்டா ஜாஸ் ஆகியோருக்கு எதிராக போட்டியிடும் என்று கூறப்படுகிறது.
Published by:Vinothini Aandisamy
First published: