கொரோனா தடுப்பூசி.. சவால் அளித்த மலானா கிராமம் - ‘தி வயல் - இந்தியாவின் தடுப்பூசி கதை'!

இந்தியாவின் கொரோனா தடுப்பு மருந்தின் பயணத்தை விவரிக்கும் விதமாக ஹிஸ்டரி டிவி18 ‘தி வயல்’ (The Vial) என்ற ஒரு மணிநேர ஆவணப்படம் வெளியாகி கவனம் ஈர்த்து வருகிறது. இந்த ஆவணப்படத்தில் சுகாதாரப் பணியாளர்கள் கடுமையான சூழலில் எப்படி களப்பணியாற்றி பல கடினமாக சவால்களை கடந்த இந்த திட்டத்தை வெற்றி பெற செய்தார்கள் என்பது இடம்பிடித்துள்ளது.

ஹிமாச்சல் பிரதேசத்தில் சாலை வசதியே இல்லாத ஒரு பாரம்பரியம் மற்றும் கலாச்சாரத்தை பின்பற்றும் மலானா கிராமத்து சென்ற இத்திட்டத்தை செயல்படுத்தி உள்ளனர். அலெக்சாண்டரின் வழித்தோன்றல் எனக் கூறும் இந்த கிராமத்தினர் கலாச்சாரம் மிகவும் வித்தியாசமானது. உள்ளூர் தெய்வத்தின் மீது நம்பிக்கை கொண்ட இவர்கள் வெளியாட்களை தங்களது கிராமத்திற்குள் அனுமதிப்பதில்லை.

அந்த அனுபவத்தை மாவட்டத்தின் துணை ஆணையர் அசுதோஷ் கர்க் விவரிக்கிறார்.  “மலானாவில் நாங்கள் பின்தங்கியிருப்பதை உணர்ந்தோம். எனவே மாவட்ட நிர்வாகம் மற்றும் சுகாதார அதிகாரிகள் உட்பட ஒட்டுமொத்த குழுவும் கிராமத்திற்குச் சென்று மக்களுடன் கலந்துரையாட முடிவு செய்தோம். மலானாவில் வசிப்பவர்கள் வெளியாட்களை அதிகம் ஏற்றுக்கொள்ள மாட்டார்கள், நாங்கள் விதிவிலக்கல்ல. இருப்பினும், உள்ளூர் பஞ்சாயத்தின் சில உதவிகளுக்குப் பிறகு, குறைந்தபட்சம் வந்து எங்கள் பேச்சைக் கேட்கும்படி அவர்களை சமாதானப்படுத்தினோம். இரண்டு-மூன்று பேருக்கு தடுப்பூசி போடப்பட்டவுடன், ஒரு வரிசை விரைவில் கட்டப்பட்டது மற்றும் 700 பேர் முதல் நாளில் தடுப்பூசி போட்டனர். . யாரும் பின்வாங்கக் கூடாது என்பதே எங்கள் குறிக்கோள்." என்றார்.

இந்தி திரையுலகின் முன்னணி நடிகராக இருக்கும் மனோஜ் பாஜ்பாய் இந்த ஆவணப்படத்தில் இதுபோன்ற பல நிகழ்வுகள் குறித்து அதில் விவரித்துள்ளார். கொரோனாவுக்கு தடுப்பு மருந்து கண்டுபிடிக்கப்பட்ட கால வரிசைப்படி இந்த ஆவணப்படம் உருவாக்கப்பட்டுள்ளது. புனேயில் உள்ள தேசிய வைரலாஜி நிறுவனத்தில் மாதிரிகள் சேகரிக்கப்பட்டது முதல் கோடிக்கணக்கான வயல்கள் உற்பத்தி செய்யப்பட்டது வரை அனைத்தும் இதில் ஆவணப்படுத்தப்பட்டுள்ளன.