உத்தவ் தாக்கரேவுக்காக திருப்பதிக்கு நடந்து சென்று உயிரிழந்த நபர்... வீடு கட்டிக் கொடுத்து உதவிய மகாராஷ்டிரா முதல்வர் ஏக்நாத் ஷிண்டே

சிவசேனா மூத்த தலைவரும் முன்னாள் மகாராஷ்டிர முதல்வருமான உத்தவ் தாக்கரே கடந்த 2021 நவம்பரில் முதுகுத் தண்டுவட அறுவை சிகிச்சை செய்து கொண்டார். அப்போது சிவசேனாவின் தீவிர ஆதரவாளரான சுமந்த் ருய்கர் (Sumant Ruikar) என்பவர் முன்னாள் மகாராஷ்டிர முதல்வர் உத்தவ் தாக்கரேவின் உடல்நிலை சரியாக பிரார்த்தனை செய்தார்.

மேலும் உத்தவ் தாக்கரே நீண்ட ஆயுளுடன் வாழ வேண்டி கொண்டு திருப்பதி ஏழுமலையானை நடந்தே சென்று தரிசிப்பதாக வேண்டி கொண்டார். தனது பிரார்த்தனையை நிறைவேற்ற Beed பகுதியை சேர்ந்த சுமந்த் ருய்கர் கடந்த 2021-ஆம் ஆண்டு திருப்பதி ஏழுமலையானை தரிசனம் செய்ய பாத யாத்திரை மேற்கொண்டார். இந்த கால்நடை பயணத்தின் போது துரதிர்ஷ்டவசமாக கர்நாடகாவிற்கு சென்ற சுமந்த் ருய்கர் உயிரிழந்தார்.

சுமந்த் தனது சக ஊழியரான ஸ்ரீதர் ஜாதவுடன் திருப்பதிக்கான இந்த கால்நடை பயணத்தை மேற்கொண்டார். திருப்பதிக்கு தங்களது பயணத்தை தொடங்கிய இருவரும் சுமார் 1,100 கிலோ மீட்டர் பயணத்தை முடிக்க தினமும் சராசரியாக சுமார் 35 கிலோ மீட்டர் தூரம் நடந்தனர். இந்த பிரார்த்தனை கால்நடை பயணத்தின் போது சுமந்தின் உடல்நிலை மோசமடைந்தது. எதிர்பாராவிதமாக கடந்த டிசம்பர் 25, 2021 அன்று கர்நாடகாவின் ராய்ச்சூரில் இறந்தார். சுமந்த் தனது குடும்ப வருமானத்திற்கு முக்கிய ஆதாரமாக இருந்த நபர் ஆவார்.

Read More : காங்கிரஸ் என்னை 91 முறை அவமதித்துள்ளது - தேர்தல் பிரசாரத்தில் பிரதமர் மோடி

சுமந்தின் மனைவி கீர்த்தி ருய்கர் இது குறித்து கூறுகையில், ’இந்த உதவிக்கு ஷிண்டே மற்றும் அவரது தனிப்பட்ட உதவியாளர் பாஜிராவ் சவானுக்கு மிகவும் நன்றி கூறுவதாக குறிப்பிட்டார். மேலும் தங்களது வாழ்வாதாரத்திற்காக தற்போது unaided organization-ல் வேலை பார்த்து வரும் தனக்கு தகுதிக்கேற்ற வேலை ஏதேனும் வழங்குமாறு மகாராஷ்டிர அரசை கேட்டு கொள்வதாக கோரிக்கை விடுத்துள்ளார். உத்தவ் தாக்கரே நீண்ட ஆயுளுடன் வாழ வேண்டும் என பிரார்த்தனை செய்வதற்காக திருப்பதிக்கு நடந்தே புறப்பட்ட எனது கணவர் வழியிலேயே இறந்து விட்டார். ஆனால் என் கணவரின் மரணத்திற்கு உத்தவ் தாக்கரே ஒருமுறை கூட தொலைபேசியில் தொடர்பு கொண்டு இரங்கல் அல்லது ஆறுதல் தெரிவிக்கவில்லை என்று கீர்த்தி வருத்தம் தெரிவித்தார்.