வெள்ளத்தில் சென்ற ரூ.2.5 கோடி மதிப்பிலான தங்க நகைகள்... பெங்களூருவில் அதிர்ச்சி..!

கர்நாடகாவில் சுமார் இரண்டரை கோடி ரூபாய் மதிப்பிலான தங்க நகை வெள்ளத்தில் அடித்துச் செல்லப்பட்டது அதிர்ச்சியை ஏற்படுத்தியுள்ளது.

கர்நாடக மாநிலம் பெங்களூருவில் கடந்த 2 நாட்களுக்கு முன்பு கனமழை கொட்டியது. இதில் பெங்களூரு நகரமே வெள்ளக்காடாக காட்சியளித்தது. சுரங்கப் பாதைகள், பிரதான சாலைகள் என பல்வேறு இடங்களில் மழைநீர் தேங்கி நின்றது. கனமழை மற்றம் வெள்ளத்தில் சிக்கி சுமார் 8 பேர் உயிரிழந்ததாக கூறப்பட்டது.

இந்நிலையில், பெங்களூரு மல்லேஸ்வரத்தில் தாழ்வான இடத்தில் இருந்த நகைக் கடைக்குள்ளும் மழைநீர் புகுந்துள்ளது. இதில் கடையின் தரைத்தளத்தில் இருந்த சுமார் இரண்டரை கோடி ரூபாய் மதிப்பிலான நகைகள் மழைநீரில் அடித்துச் செல்லப்பட்டதாக கூறப்படுகிறது. வெள்ளத்தின் வேகத்தில் நகைகள் அடித்துச் செல்லப்பட்ட போது, கடையின் உரிமையாளர்கள் மற்றும் ஊழியர்களால் எதுவும் செய்ய முடியாத சூழல் ஏற்பட்டதாக கூறப்படுகிறது.

இதையும் படிங்க: புதிய கட்டமைப்புத் திட்டங்கள் மூலம் வேலைவாய்ப்பு ஊக்கம் பெறுகிறது - பிரதமர் மோடி