கொரோனா தடுப்பூசி.. முழு திருப்தி - ஹிஸ்டரி டிவியின் 'தி வயல்' ஆவணப் படம் குறித்து பேசிய பிரதமர் மோடி

உலக அளவில் மிகப்பெரிய கொரோனா தடுப்பு மருந்து வழங்கும் திட்டமாக இந்தியாவின் கொரோனா தடுப்பு மருந்து வழங்கல் இருந்தது. பிரதமர் மோடி தலைமையிலான அரசு பல சவாலான சூழ்நிலைகளை கடந்து வெற்றிகரமாக இத்திட்டத்தை முடித்தது. கொரோனா பாதிப்பு நேரத்தின்போது உலகத்திற்கே தடுப்பூசிகளை வழங்கி இந்தியா அளப்பரிய உதவிகளை உலக நாடுகளுக்குச் செய்தது.

பிரதமர் மோடியின் தலைமையிலான மத்திய அரசு மேற்கொண்ட முயற்சிகள் இந்தியா மட்டுமல்லாமல் உலக நாடுகளுக்கும் பலன் அளித்தன. அந்த வகையில், கொரோனா தடுப்பு மருந்தின் பயணத்தை ஆவணப்படுத்தும் நோக்கில் ‘தி வயல்’ என்ற ஆவணப்படத்தை ஹிஸ்டரி டிவி18 சேனல் உருவாக்கியுள்ளது.

இந்த ஆவணப்படத்தின் ட்ரெய்லர் சில தினங்களுக்கு முன்பு வெளியாகி வரவேற்பை பெற்றது. இந்தி திரையுலகின் முன்னணி நடிகராக இருக்கும் மனோஜ் பாஜ்பாய் இந்த ஆவணப்படத்தில் கொரோனா தடுப்பு மருந்து தயாரிப்பு குறித்து விவரிக்கிறார். முதன் முறையாக பிரதமர் மோடியின் பேச்சை உள்ளடக்கியதாக இந்த ஆவணப்படம் உருவாக்கப்பட்டுள்ளது.

இந்த ஆவணப் படம் குறித்து பேசிய பிரதமர் நரேந்திர மோடி, நம்மிடம் இருந்த சுகாதார உள்கட்டமைப்பு ஒரு சாதாரண சூழ்நிலைக்கானதாக இருந்தது. ஆனால் முழு நாடும் ஒரு தொற்றுநோயை எதிர்த்துப் போராடும் சூழ்நிலையில்,நம்மிடம் உள்ள வளங்கள் போதுமானதாக இல்லை. இதைக் கருத்தில் கொண்டு, தேவைக்கும் வழங்கலுக்கும் இடையே உள்ள இடைவெளியைக் குறைக்க, எவ்வளவு பணம் தேவைப்பட்டாலும், அதை கண்டிப்பாக வழங்க வேண்டும் வேண்டும் முடிவு செய்தோம்.

ஏதேனும் ஒரு நாடு தடுப்பூசியை உருவாக்கும் வரை காத்திருக்க வேண்டுமா அல்லது நமது மரபணு நிலையை ஆராய்ந்து இந்திய மக்களை மனதில் வைத்து தடுப்பூசியை உருவாக்க வேண்டுமா என்று தீவிரமாக ஆலோசித்தோம். நாங்கள் விஞ்ஞானிகள் குழுவை உருவாக்கி,  தடுப்பூசியை உருவாக்க முடிவு செய்தோம், அதற்காக எவ்வளவு செலவானாலும் பரவாயில்லை என்ற முடிவை எடுத்தோம்.

நமது நாட்டின் மருத்துவர்கள், மருத்துவமனைகள் மற்றும் விஞ்ஞானிகள் குறிப்பிடத்தக்க பணியைச் செய்ததில் எனக்கு முழு திருப்தி என்று பேசினார்.