கர்நாடக சட்டமன்றத் தேர்தல் முடிவுகள்... காங்கிரஸ் அதிக இடங்களில் முன்னிலை..!

கர்நாடக சட்டமன்றத் தேர்தலில் தற்போதைய நிலவரப்படி காங்கிரஸ் அதிக தொகுதிகளில் முன்னிலையில் இருந்து வருகிறது.

கர்நாடகா சட்டப்பேரவை தேர்தலில் பதிவான வாக்குகளை எண்ணும் பணி இன்று காலை 8 மணிக்கு தொடங்கியது. மாநிலம் முழுவதும் 36 மையங்களில் வாக்கு எண்ணும் பணி நடைபெறுகிறது 306 அறைகளில் 4,256 மேஜைகள் அமைக்கப்பட்டு வாக்குகள் எண்ணப்படுகின்றன.

10 மணி நிலவரப்படி மொத்தமுள்ள 224 இடங்களில் காங்கிரஸ் 110 தொகுதிகளில் முன்னிலையில் இருந்து வருகிறது. ஆளுங்கட்சியான பாஜக 89 தொகுதிகளில் முன்னிலையில் இருந்து வருகிறது. குமாரசாமி தலைமையிலான மதச்சார்பற்ற ஜனதா தளம் 27 தொகுதிகளிலும், சுயேச்சை உள்ளிட்ட மற்றவர்கள் 4 தொகுதிகளிலும் முன்னிலையில் இருந்து வருகின்றனர்.

இதையும் படிங்க; Karnataka Election Results 2023 Live: கர்நாடக தேர்தலில் 6 பாஜக அமைச்சர்களுக்கு பின்னடைவு

தலைவர்களைப் பொறுத்தவரை வருனா தொகுதியில் சித்தராமையாவும், கனகபுரா தொகுதியில் டி.கே.சிவக்குமார் முன்னிலையில் இருந்து வருகின்றனர். சிகோன் தொகுதியில் முதல்வர் பசவராஜ் பொம்மை முன்னிலை வகித்து வருகிறார். சிக்மகளூர் தொகுதி பாஜக வேட்பாளரான தமிழக பாஜக பொறுப்பாளர் சி.டி.ரவி பின்னடைவை சந்தித்துள்ளார்.