விமானம், கார், படகு, நடைபயணம்.. இந்தியாவில் தடுப்பூசிகள் சென்றடைந்த கதை... ’தி வயல்’ ஆவணப்படத்தின் சிறப்பம்சங்கள்

உலக அளவில் மிகப்பெரிய கொரோனா தடுப்பு மருந்து வழங்கும் திட்டமாக இந்தியாவின் கொரோனா தடுப்பு மருந்து வழங்கல் இருந்தது. பிரதமர் மோடி தலைமையிலான அரசு பல சவாலான சூழ்நிலைகளை கடந்து வெற்றிகரமாக இத்திட்டத்தை முடித்தது. கொரோனா பாதிப்பு நேரத்தின்போது உலகத்திற்கே தடுப்பூசிகளை வழங்கி இந்தியா அளப்பரிய உதவிகளை உலக நாடுகளுக்குச் செய்தது.

பிரதமர் மோடியின் தலைமையிலான மத்திய அரசு மேற்கொண்ட முயற்சிகள் இந்தியா மட்டுமல்லாமல் உலக நாடுகளுக்கும் பலன் அளித்தன. அந்த வகையில், கொரோனா தடுப்பு மருந்தின் பயணத்தை ஆவணப்படுத்தும் நோக்கில் ‘தி வயல்’ என்ற ஆவணப்படத்தை ஹிஸ்டரி டிவி18 சேனல் உருவாக்கியுள்ளது.

இந்த ஆவணப்படத்தின் ட்ரெய்லர் சில தினங்களுக்கு முன்பு வெளியாகி வரவேற்பை பெற்றது. இந்தி திரையுலகின் முன்னணி நடிகராக இருக்கும் மனோஜ் பாஜ்பாய் இந்த ஆவணப்படத்தில் கொரோனா தடுப்பு மருந்து தயாரிப்பு குறித்து விவரிக்கிறார். முதன் முறையாக பிரதமர் மோடியின் பேச்சை உள்ளடக்கியதாக இந்த ஆவணப்படம் உருவாக்கப்பட்டுள்ளது.

இது தொடர்பாக பேசிய நரேந்திர மோடி, நாடு முழுவதும் இரவு, பகல் பாராமல் தடுப்பூசிகளை சுமந்து கொண்டு விமானங்கள் பறந்தன. இதற்காக கடுமையான உழைப்பு தேவைப்பட்டது. இதற்காக பிற அரசு பணிகள் தற்காலிகமாக நிறுத்தி வைக்கப்பட்டன என்றார்.

இந்த ஆவணப்படத்தில் மிஸ்ரோம் மாநிலத்தில் உள்ள ஒரு கிராமத்துக்கு தடுப்பூசிகள் எவ்வாறு சென்றன என மனோஜ் பாஜ்பாய் விவரிக்கிறார். அவர் பேசியதாவது, புனேவிலிருந்து 1500 கிலோ மீட்டர் பயணத்துக்கு பிறகு நன்சரி என்ற கிராமத்துக்கு தடுப்பூசிகள் சென்றடைந்தன. முதலில் கொல்கத்தாவில் உள்ள மருந்து சேமிப்பு கிடங்கிற்கு தடுப்பூசிகள் கொண்டுசெல்லப்பட்டன. பின்னர் அங்கிருந்து டிரக் மூலம் லுங்லேய் பகுதிக்கு எடுத்துச் செல்லப்பட்டன. பின்னர் கார் மூலம் TLabung பகுதிக்கு கொண்டுசெல்லப்பட்டு, அங்கிருந்து படகு மூலம் நன்சரி என்ற கிராமத்துக்கு கொண்டு செல்லப்பட்டன. பின்னர் கால் நடையாக பிற பகுதிகளுக்கு எடுத்துச் செல்லப்பட்டன என்றார்.