நீடா முகேஷ் அம்பானி கலாச்சார மையம்... சச்சின் முதல் ஆமிர்கான் வரை.. நட்சத்திரங்கள் அணிவகுப்பு..!

இந்தியாவின் தொன்மையான பண்பாட்டை விளக்கும் வகையில், 'நீடா முகேஷ் அம்பானி கலாச்சார மையம்' தொடங்கப்பட்டுள்ளது. பல்வேறு மொழிகளை, இனக்குழுக்களைக் கொண்ட இந்தியாவில் நூற்றுக்கணக்கான பாரம்பரிய கலைகள் உள்ளன. இந்தியாவில் தோன்றிய இந்த கலைகளை உலக அரங்கில் எடுத்துச்செல்லும் விதமாக புதிய முயற்சியை நீடா அம்பானி தொடங்கியுள்ளார்.

இதன் மூலம், இந்திய கலைகளை வளர்ப்பதற்கான உட்கட்டமைப்பை மேம்படுத்துவது மற்றும் கலைஞர்களை அங்கீகரிப்பதற்கான முயற்சியாக மும்பையில் பிரம்மாண்டமாக கலாச்சார மையம் தொடங்கப்பட்டுள்ளது.

4 அடுக்குகள் கொண்ட கட்டடத்தில், 2000 இருக்கைகள் கொண்ட திரையரங்கம், நவீன ஸ்டுடியோ, கலை நிகழ்ச்சிகளுக்கான அரங்கம் உள்ளிட்டவை இடம்பெற்றுள்ளன.  மும்பையில் பிரம்மாண்டமாக நடைபெற்ற தொடக்கவிழாவையொட்டி, இசை மற்றும் ஆடை அலங்கார கண்காட்சி மற்றும் கண்கவர் கலைநிகழ்ச்சிகள் நடைபெற்றன.

இந்த விழாவில், ரிலையன்ஸ் குழும தலைவர் முகேஷ் அம்பானி, கிரிக்கெட் ஜாம்பவான் சச்சின் தெண்டுல்கர், திரைத்துறை பிரபலங்கள் ஆமிர் கான், ஆலியா பட், வித்யா பாலன் உள்ளிட்ட பலர் கலந்துகொண்டனர்.