அந்தமான் நிக்கோபார் தீவுகளில் அடுத்தடுத்து நிலநடுக்கம்! - பீதியில் மக்கள்!

அந்தமான் - நிகோபார் தீவுகளில் 3வது முறையாக நிலநடுக்கம் ஏற்பட்டுள்ளதாகவும் ரிக்டர் அளவில் 5.3 ஆக பதிவாகியுள்ளதாகவும் நில அதிர்வுக்கான தேசிய மையம் தகவல் தெரிவித்துள்ளது. 

அந்தமான் தீவுக்கு அருகே கடலுக்கு அடியில் அடுத்தடுத்து தொடர்ச்சியாக 3 முறை நிலநடுக்கம் ஏற்பட்டுள்ளத்து.  அதன்படி நிகோபார் தீவு பகுதிகளில் முறையே 5.3, 4.1, 4.9 என்ற ரிக்டர் அளவுகளில் அடுதடுத்து 3 முறை நில அதிர்வு ஏற்பட்டுள்ளதாக நில அதிர்வுக்கான தேசிய மையம் தகவல் தெரிவித்துள்ளது.

நிலநடுக்கத்தால் ஏற்பட்ட சேதம் குறித்த தகவல் வெளியாகவில்லை. மேலும் இதுவரை சுனாமி எச்சரிக்கை எதுவும் விடுக்கப்படவில்லை.  இருப்பினும் தொடர்ச்சியான அடுத்தடுத்த நிலநடுக்கத்தால் அப்பகுதி மக்கள் பீதியில் உறைந்துள்ளனர்.