உச்சநீதிமன்ற நீதிபதிகள் 4 பேருக்கு கொரோனா பாதிப்பு

உச்ச நீதிமன்ற நீதிபதிகள் 4 பேருக்கு கொரோனா தொற்று உறுதி செய்யப்பட்டுள்ளதால், வழக்கு விசாரணை வேறு நீதிபதிகளுக்கு மறு பட்டியலிடப்பட்டுள்ளன. நாடு முழுவதும் கடந்த சில வாரங்களாக கொரோனா அலையின் தாக்கம் மீண்டும் அதிகரிக்கத் தொடங்கியுள்ளது. நாள்தோறும் 10,000 அதிகமானோருக்கு கொரோனா பாதிப்பு உறுதிசெய்யப்பட்டு வருகிறது.

இந்த நிலையில், உச்ச நீதிமன்ற நீதிபதிகள் அனிருத்தா போஸ், ரவீந்திர பட், ஜே.பி.பார்திவாலா, மனோஜ் மிஸ்ரா ஆகியோர் கொரோனாவால் பாதிக்கப்பட்டுள்ளனர். தன்பாலின திருமணம் தொடர்பான வழக்கை விசாரிக்கும் 5 நீதிபதிகள் கொண்ட அரசியலமைப்பு அமர்வில் ஒருவராக நீதிபதி ரவீந்திர பட் உள்ளார். இந்த வழக்கும், கொரோனா தொற்றால் பாதிப்புக்கு உள்ளான மற்ற நீதிபதிகள் விசாரித்து வந்த வழக்குகளும், வேறு நீதிபதிகளின் விசாரணைக்கு மாற்றப்பட்டுள்ளன.

இதையும் படிங்க:பிரதமர் மோடி மீதான இந்த பாசமே பாஜகவின் பலம்” - வீடியோ வெளியிட்டு அமித்ஷா பெருமிதம்!